متى ننسى ألم الولاده <<<دعوه لتقليب المواجع :(

أول شي الحمدلله على سلامتج ومبروك بنيتج ثانيا سبحان الله بعد خروج البيبي ينزل هرمون ينسي المره آلام الولادة لهي روحج ابنتج وبروحج وانسي ان مرت عليج ولاده بذمتج بنتج ما تستاهل هالعذاب وانشالله فترة وتعدي بس بالنسبة لي بعد الأربعين وتقريبا لي 6 شهور نسيت الولادة بكبرها

اهلين بندول <<<نكج وتوقيعج يشرح الصدر
وينه هالهرمون عني انا حتى الفحص اتذكره … اي والله تستاهل فديتها والله دايما لاهيه معاها هي كل دنيتي بعد عمري هي
مشكوره وايد على مشاركه …

حالي من حالج لي الحين مو قادره انسى الولاده

الحمدلله على سامتج اولا
وتتربى بعزكم انشالله
اولا لازم اتحطين شئ واحد ابالج انج تكدرين تنسين عشان تنسين لان مستحيل تنسين لاطلما انتي اتكولين لا مو كادر مو كادرة
وسبحااان الله قادر على كل شئ انطانة نعمة النسيان
وحطي جدامج النسوان كلهة ونسوان قبل والحين وياما في ولادة عسرة وعسرة وتنسى المرة وتجيب ثلاثة واربعة سبحان الله عاندي نفسج وكولي اكدر اتغلب على هلشي وانساه وانشالله تنسينة وتقربي من الله وادعي وسبحان قادر على كل شئ
والله يسهل على كل حامل انشالله ويسهل الولادات

انا كنت اتحلم بالولاده من كثر الرعب ههههههههه

بعد الولاده بيومين كل مانمت اقوم مخترعه لووول

بس بعد تقريبا 6 شهور نسيت الم الولاده كلش

والحين انا حامل ومااتذكر الالم اللي كان بالولاده عدل
ادري انها تعور بس مااتذكر مدى الالم :>

حياج الله زينه ان شاء الله انسها وتنسينها معاي …. ممكن سؤال انتي شكثر صارلج والده ؟؟<<<سؤال اختياري
وشكرا على المرور

مافي وحده كثري تعذبت بالحمال و بالولاده كرهت عمري و كرهت ابو الحمال بس لما اشوف ولدي اشتقال حق حركته اب بطني و فرحتي اب كل سونار كنت اسويه
يستاهل كل عوار حسيت فيه

توني والده صارلي شهر و نص و نسيت كل شي من شفت ولدي و عادي عندي احمل مره ثاني و ايبله اخو او اخت
الله يرزق كل محروم الذريه الصالحه و لا يحرم احد من هالشعور

اااااااااااااااااااااااااااااخ حتى انا ولادتي الاولى كانت عسسسسره. اخر شي شقة بطني.بس نسيتها عقب 6 شهوووووووووووور وصرت ادور الحمل هههههههههههههههههههههههههههههههههههههههههههه

بس يوم حملت حملي الثاني وقرررررررربت ولادتي تعبت نفسيتييييييي حيييييييييل صرت ماانااااام واقول شلون راح اتتعرض لهالشي مرررره ثانيه يارب ما اقدررررر كنت فعلا تذكرت الام الولاده الاولى ومن كثر خووفي قررت اني ما اعرض نفسي للولاده الطبيعيه والطلق لانه احتمال اولد قيصريه مو اكيد

اخر شي قررت اولد قيصرررررررررررررريه عشان ما اتذكر الم الولاده والطلق..حتى الدكتور حاول يقنعني اولد طبيعي كنت راااااااافضه الفكره قلت له دكتور انا نفسيا ما راح اقدر اتحمل ..قيصريه يعني قيصريه..وفعلا ولدت قيصريه ..عقب ولادتي الدكتور قال اهنيج انج اخترتي قيصريه !! قلت له ليش؟ قال لانه الحبل السري لف على راس البيبي يعني لو اخترتي تولدين طبيعي كنتي راح تتعذبين ع الفاضي مررررررررررره ثانيه !!!!!!!!!!!!!!!!!!!

عاد الحين اذا حملت مره 3 ما راح احاتي الولاده خخخخخ احاتي جرح ما بعد الولاده فقط ……….. تحياتي

الحمدالله على سلامتج ياعمري انا كنت نفسج ولادتي كانت وااايد صعبه ولدت بنتي في مستشفى طيبه طبعا شفت الموت في عيوني وعقب ماولدت كل مااتذكر الولاده اقعد ابجي حالتي النفسيه اتعبت طبعا عقب ماصار عمر بنتي سنه ونص الحمدالله نسيت العوار واللي صار فيني بس علشان زوجي يبيني احمل رحت حق الدكتور وقلت له ابي احمل طبعا انا ما اخذ حبوب مانع بس من النفسيه مايصير حمل قالي الدكتور انسي الولاده الاولى وفكري بالحمل والحمدالله حملة وبفضل ربي كانت ولادتي الثانيه سهالات ماحسيت بولا شي من كثر ماكنت مرتاحه بالولاده صار على طول حمل بعد ولادتي يعني عمر ولدي شهرين وصار حمال (الغلطه بورطه) هههههههه حلو بس الولادة الثالثه كنت بين الحياة والموت ولدت ولدي مع المشيمه من غير لايبط الدكتور الماي كانت روحي متعلقه بس الحمدالله ربي حفظني وحفظ البيبي الولاده الثانيه والثالثه بمستشفى السلام يعني سبحان الله اللي ربك كاتبه لج يصير مع ان اثنينهم نفس المستشفى

الف مبروك ما يبتى
وااى حبيبتى لهدرجه الولاده تخوف الله يعينكم خواتى ويسبغ عليكم العافيه والصحه وياجركم عالتعب

ياحبيبتي

ربيمنعم علينا بنعمة النسياان ولازم تنسين

كلهاا الااام وترووووووووووح

انشاله بعد 6 شهورر تكونين ناسيه

مشكورين بنات ماقصرتوا والله ردودكم ونستني وريحتني والله يهون على الجميع ويرزقنا الذريه الصالحه بإذن الله

بعد عمرى والله حاسه فيج انا وايد اتعسرت بولاتى وكان الراس فوق مو نازل بالحوض وشفت الموت بعيونى يومين وانا اطلق مت من العوار اخر شى ولدت قيصرية ومو قادره انسى الم الولادة كل ما اتذكره اتعب وحاتى اذا حملت مره ثانية

والحين صار لى من ولدت سنة وشهرين والحمدلله احس انى نسيت العوار والعذاب ومفكره احمل

وفال لج تنسين هههههه