متى تعلمين انج حامل ؟ والسبب لان يمكن عبالنا الناس تحب الخش والدس تعالو

السلام عليكم ورحمة الله وبركاته

شلونكم بنات

اليوم رفيجتي علمتنا انها حامل وبالثالث تبارك الله
جم وحده عصبوا ليش ما تعلمين و صارلج 3 اشهر

انا ورفيجتي الثانيه وقفنا معاها لان كل واحد وضروفه

واهي تعرفني بالمنتدى فديتها

المهم
انا اول حمله كانت عقب زواجي بثلاث اشهر و علمت من حللت على طول لكن طاح
وحملت بعدها و ما علمت مو خوف من حسد بس كنت ناطره اسمع النبض وكنت خايفه يطيح ويشوفوني بنظره مسكينه هذا اللي كنت احاتيه
لان ما احب انكسر جدام احد وفعلا طاح بعمر 7 اسابيع

وهالحمله الحمدلله بعد ماحللت باسبوعين سمعت النبض وعلمت الكل
عماتي وخالاتي وبناتهم واي احد يسال
وطبعا حمولتي من اول مااحلل اعلمهم قبل السونار

يعني انا اللي ياخرني اني اعلم اهو اني اتاكد من النبض وبس

فخلنا نشوف الناس وتبريرهم

لان بعض الناس عندهم اللي ماتعلم من اول ما تحلل حقوده و مو كفو عشره !!!!!

انا الصراحه ما اشوفها جذي لان لكل انسان وجهة نظر

ادعولي ربي يتمم علي لا تنسوني بدعائكم.

عسى اللـه يتمم لج على خيـر يارب
أنا من سويت التحليل بالبيت قلت ل أهلي وحمولتي ويوم تأكدت الناس كلها درت
( بعد التحليل بيومين الكل يدري )

بس لو يرد فيني الوقت ما أقول لحد أني حامل إلا بعد 3 شهور
غير. أهلي وحمولتي

لأن من حملت وآنا مو مترقعه
وإلله الحافظ
بس فيه ناس ماتخاف الله
والعين حق

ادعي لي الله يسهل علي
ويطلع البيبي سليم معافى
واولد اليوم

نوني حياتي عسى ربي يسهل عليج وتولدين وتشوفين البيبي بايدج معافى ياكريم

مالهم حق يعرفون قبل الثالث
الا اهلي القراب

الرفيجات مالهم خص

والسبب
فزة النفس وناس ماتعطي خير
ونفس ماقلتي الله يثبته
عقب اعلم

وليش يزعلون ؟ ماحملت منهم :/

بالنسبة لي هذا حملي ال …… قولوا ماشاء الله ( السابع) بس لأني أييب أجنه يموتون بعد الولادة بجم يوم يكونون تعبانين
فبكل حمل لي أول ماأحلل أعلم الكل أهلي وحمولتي وعماتي وخالاتي طبعا إذا حصل وشفتهم وأحيانا ماأشوف العمات والخالات إلا بعد 3 _ 4 شهور من حملي لسبب إني ماأشوفهم إلا بالسنة حسنة ..
وبث

قلبونه صااجه و هذا اللي بط جبدي اليوم

حبيبتي والله بس عسى عندج بيبي سليم ؟
اللي اعرفه ان ممكن يكون تشوه بالحيوانات المنويه وهالمشكله تتعالج بالتلقيح
هذا اللي اعرفه

عسى ربي يرزقج الضنى السليم المعافى ويعيش معاج طول العمر

و عليكم السلام

خوووخه شلونج خووش موضوع احب مواضيعج

انا حملت بعد عرسي ب ٦ اشهر و علمت اهلي و ابو ريلي و ام ريلي عمي من الفرحه و لان ولده وحيده مشاء الله ما خلا احد ما علمه ما ينلام بصراحه

بس اجهضت ع طول الحمدلله ع كل حال

و لما حملت بعد الاجهاض ٦ اشهر او اكثر ما علمت الا عمي و خالتي و امي وابوي و خواتي بس و حلفتهم ما يعلمون احد

خالتي وصت عمي ما يعلم احد نهائيا و علمت ٢ من خالات ريلي لان اهما الي مربينه و حسبت امهاااته

و ما علمت الناس الا بالخامس مادري بالسادس لا بعد مو انا معلمتهم اهما لاحظو بطني

و حماتي زعلت لاني ما علمتها بالثالث قلتلها مادري عبالي خالتي معلمتج

المهم من موضوووعي بنات لا تعلمون احد صدقوني حتا الي عندهم درزن عيال يمكن تفز

و اغلب الحريم عقلهم صغير للاسف لاي شي يغاارون و ينقهرون

و حتا الرسول صلى الله عليه و سلم بنفسه قال اقضو حواجئكم بالكتمان

ف انتبهوووا بنات والله في ناس ما تعطي خير ع اي شي

و ان شاء الله عووود في كل عين حاااسود هههههههه

بجري علمت من عرفت اني حامل

الثاني هم علمت اول مادريت بس اجهضت

وبولدي نطرت لما سمعت النبض وعلمت

هالحمل ماعلمت الا اول الرابع لان لي ظرفي الخاص وهم امي وخالتي وريلي مارضوا اني ابلغ الناس اني حامل

اخر الثالث اول الرابع خلاص خالتي بلغت حمولتي

وامي بلغت اهلي

واللي بتشره ماتشوف شر الزم ما على الواحد نفسه وبينه وعياله والناس ماتعطي خير هالوقت الله يكفينا شرهم

الله يتمم عليج وعلينا ان شاء الله بصحه وعافيه ويرزق الكل بالذريه الصالحه يارب

بحمالي الاول علمت الكل واي احد يسالني شنو فيج اقوله ولد عادي ما اخش بس للاسف ماترقعت بالحمال حتى لما ولدت ولدي حاشته عين قويه كنت من مستشفى لي مستشفى والحمدالله على كل حال

بحملي هذا ماعلمت احد الا الاسبوع الي طاف لان العين حق اولا ثانيا المجتمع الي عايشه فيه يخشون بحجة يخافون من العين اشكره قالوها بويهنا وماعلمت الا امي وخواتي وعمتي

وبعدين هذا شي خاص مو من حق اي احد يعرف عنه لانه الشقا مو عليهم علي انا

الله يتمم حملي ويرزقني بالطفل السليم المعافى يارب

أنا بهالحمل أول ماحللت علمت أمي وخواتي بس

وعمي وخالتي أم زوجي..

وبعدين باول الرابع حمواتي درو أني حآمل ..لان صار عندي كرشه مبينه أني حامل الظاهر ولد بيطلع ديناصور لوووول

ومشكوووورة خوخه فديتج

هلا ولله خووخه

حبيبتي ولله الله يتمم عليج ياااازب .،

ولله رايي بالموضوع يختلف شوي احب اتحفظ بخصوصياتي بشكل عام بس مو معناته اللي يسالني اجذب علي الدوره و مادري شنو

اذا حصلت و انسالت اكيد بقول اذا لا بتحفظ لين يرتفع البيبي شوي .،
مو معناته اني حقود ياخي خصوصيتي ! هع انفعلت

موووووفقه والله يتمم عليج و تشوفين كتكوتج بحضنج ياارب

نفس الحالة وتحسفت لاني مو مترقعه حتى سكر صار فيني من حملت ونزيف اسم الله عليكم وقالولي جيس فاضي وكتبت سالفتي بالمنتدى بس الحمدالله ربي ما يخلي عبده والحين انا نهاية الرابع ادعولي اشوفه سليم بحظني

انا حملت بأول شهر ومن حللت علمت الكل
عادي اللي كاتبه الله يصير الحمدلله ع كل حال

وانا طبعي ماحب اخش احس عادي الحمل و نوع الجنين وهالامور شي طبيعي سنة الحياة

أنا بحمالي الأول اول ماحللت قلت حق الكل ماخليت بخاطري وللأسف ما سمعت بنصيحة الرسول صلي الله وعليه وسلم
واستعينو علي حوائجكم بالكتمان
وكان بعد زواجي بسبع اشهر وسبحان الله اجهظت وبعدها قعدت أكثر من سنه مافيه حمال
وبحمالي هذا الصراحه ما علمت احد بس أمي وخواتي. وخالتي أم ريلي وحمواتي علمتهم بعد الشهر الثالث أما باجي الناس الصراحه من دشيت السادس عرفوو
وأدعو لي أن الله يسهل علي هالولاده وان الله يفرحني بشوفت بنتي كاملة الخلق والخليقه وسليمه
وأدعو أني أولد هاليومين يزاكم الله خير