|
|
بنات لا تستغربون من العنوان ….
فعلا قمت احن حق حبيبي الاولي وريلي ماقمت احبه
استغفر الله ياربي
بس صج بنات لمن اقعد من النوم وريلي يقوم يبدل ويطلع لا صباح خير ولا شي اتذكر حبيبي الاولي اللي قبل لا اقعد الاقي مسج منه صباح الخير حبيبتي او بعز نومي نووم العوافي
بنات والله قلبي يعورني مو عارفه شسوي
وحبيبي لا بغيت اطلع اروح بيت اهلي ولا مكان يسايرني ويوصلني وريلي اطلع وارد مادرى عني
شالحل يعني!!
واي بنات قاعده اعاني من هالشي صج اني عانيت من خيانات ريلي بس عمري مافكرت الجأ حق حبيبي الاولي بس الحين وايد احن له
ريلي تعدل معاي وايد الحمدلله بس ماكوو حجي حلوو ادري يحبني ومتاكده بس شالفايده يحبني وما يبينلي مشاعره او يحسسني انه حبه لي واجب!!
يعني لي سالته تحبني ؟؟
يرد يقولي انتي ام فلان اشلون ما احبج ساعات احس انه يحبني عشان اعياله وساعات اقوله يحبني بسسسسسسسس عشان مواقفي معاه او انه واجب انا ابي مابي بس حب ابيه يعشقني مادري كبرت ودبرت ولا شسالفه وايد قاعده اعاني من هالسالفه ونفسيتي متأزمه
مااااااااااااااااااا قمت احبه نفس اول
قبل اللي يسالني تحبين ريلج قبل لا تخلص كلمتها اقولها امووووووت فيه اللي يسالني الحين اقوله مادري
قلت يمكن عقب 5 سنين زواج تغير الوضع
قلت بعامله مثل الحبيبه يعني بينه مسجات بس ومكالمات على الماشي جني خايفه احد يطيح علي.. يمكن يحن حق سوالف اول ويحسسني بالحب!! بس لا حياه لمن تنادي
حتى لي تزاعلنا عبالكم نترضى مثل خلق الله لا عادي يكلمني وارد عليه ولاجنه متزاعلين لا فيه اعتذار ولا كلمه اسف او اسفه!( يمكن من كثر مازعلت خلاص مافيه عتب)
احس بفتور ولا مبالاه بعلاقتنا يعني لو اشوف وحده اشكره جدامي تتحرش فيه والله ماتهز فيني شعره ليش لاتسألوني!
حتى لي قعدنا مع بعض ومحد معانا ماكوو سوالف؟ نروح مطاعم هم ماكوو سوالف مع انه 1000000000 شي ابالي ودي اقوله بس اسكت احس مالي خلقه
ساعات اقول اشحقه احب واحد ما يحسسني اب انوثتي .. ابي يحسسني انه يحبني نفس اول او احبه نفس اول ترى حبيبي الاولي اهوه ريلي بس ببينلكم الفرق قبل والحين ادري انه ماكوو حل حق سالفتي بس الله كريم
اللي مرت بهالشي خل تفيدني بتجاربها او اشلون قدرت تكسر هالشي قامت تحب ريلها مثل اول؟
ادري انه كلامي مخربط مو عارفه شقاعده اقول وترى مو بس كلامي مخربط حتى حياتي
لو منج أممممم .. ادلعه وارجعه زي اول بـ الغصب .. وبعدين هذي هي الحياه الزوجيه .. وانتي داريه انه يحبك ..
والله يوفقج يارب
الله يعينج انشالله تردون نفس قبل و احسن
اهو نظرته غير عن نظرتج انتي عايشه بصراع مع نفسج واهو ولا بااله ترى!
بس انتي لا تييأسين خلج مثل ما انتي وكلامج المعسول معاه راح تطلع الكلمه منه غصب ليمن يتعود وحبه حبه راح ترد حياتكم مثل اول واحسن ونصيحه حبيبتي لاتهدمين بيتج بيدج وحاولي تصلحين فيه كثر ما تقدرين وهم الروتين يلعب دور حاولي تغيرينه بشغلات يديده وحركات ومن هالسوالف والله يهديه ويسعدج ياارب ,,
المشكله ما ادري بمن بالضبط هي فيناا ولافيهم هم حتى ساعااااات تشكي بحالش تقولي انا ايش اللي ناقصني ومن كثر انش ماحاولتي ترجعي مثل اول مافي فايده مافي تشجيع ولا مبادره من ها الشخص نفسه كانش قلبش ينبض بس عشاان تكوني عايشه بس تحسي جواتك مافي مشاعر مافي شي قلبك فاااااضي وتحسري على نفسك ووقتك وكل شي احس اغلب الاوقاااات اني ندمت اني اخذت انسان احبه قلت يمكن لو ماخذه واحد يحبني ما احبه بيكون الوضع غير
اسفه قرقت وايد فوووق راسش وقلبت المواجع بالنسبه لي
.gif "Eh S(2)")
الله يكوووون بالعووون
لان اصلا مو شرط كل زوج يحب زوجته اذا يابت له اعيال
بالنهايه طلع اهو نفسه ريلج
هذي الدنيا يقلبي مو معقوله الحب بيستمر كل يوم وكل دقيقه وكل ساعه الحين انتي بويه 24 ساعه متى بيدزلج مسج اكيد بتتغير اشياء
ومع العمر والسنين الاحترام والعشره اللي تبقى مو الحب للاسف =(
الحين خلاص ماينفع الكلاااام تزوجتي وعندج عيال ادعي ربج انه يسخره لج وانتي حاولي تصلحين منه عدليه عوديه على كلام حب
وغيره وحبيبج الاولى خليه خلاااص
والله يوفقج
وقعدت بيني وبين نفسي افكر اقول ليش نار الشوق انطفت من عنده
وليش مو مثل قبل يتلقفني
وين راح الحب والوله اللي بيننا
بعدين تذكرت مقاله كانت وحده كاتبتها في منتدى ثاني
أن الوحده لابد انها تحافظ على لهيب حب الزوج
يعني ما تنطرين لين النار تخمد وبعدين تموت
طيب شلون هالنار تظل شابه
أنت بيديك تنفخين عليها وتباشرينها وتكبيرنها
يعني انت راجعي نفسك بتلاقين انك اصبحت كسوله مو مثل قبل في اهتمامك فيه
ضمنتي حبه لك ، وألا تكثرين عليه اللوم والعتاب
دخلت امس لمنتدى بلقيس ووايد قعدت بالساعات فيه ، وتعلمت وايد اشياء منه
لا تسكتين عن روحك ترى مالك إلا هو بالدنيا حلالك وحبك اللي تحافظين عليه
حافظي على امتيازك معاه دام كنت متفوقه بحبه لك ، وأوصلي لمرحله العشق حتى الجنون
راح ارجع لموضوعك لأنه جدا مهم لكل الزوجات .
حاولي تسوين الاشياء اللي كنتي تسوينها له من قبل طريقة كلامج و لا حركاتج و لا الهدايا اللي كنتي تعطينها له و لا اماكن كنتوا تروحوون لهاا
و اذا شفتيه قام الصبح حطيله ورقه يمه مكتوب فيها صباح الخير .. وايد حلوه الحركه
انا اذا داخلي شي بقوله حق ريلي مثلا بعتذر و لا اشكره على شي اكتبله بورقه و لا مسج حتى لو انا يمه ..
و غير جذي اذا كان يحب ريحت عطرج ايام قبل ردي حطيه له مره ثانيه لانه فيه مركز احساس بالخشم اذا الواحد شم ريحه قديمه يحبها ترجع له كل الذكرياات الحلوه المرتبطه بهالعطر ..
و حاولي تسوين جو بالبيت اشتري افلام يحبها و زهبي النفيش و البيبسي و تدلعي باللبس و سوي روحج مو مهتمه من اللي صاير و تغلي و خلج funny .. 
هذا اللي ببالي الحين اذا فيه شي بعد بقولج .gif "Eh S(21)")
|
المشاركة الأصلية كتبت بواسطة بتبوتااا
 مافي شي يتم على حاله ياقلبي
اهو نظرته غير عن نظرتج انتي عايشه بصراع مع نفسج واهو ولا بااله ترى! بس انتي لا تييأسين خلج مثل ما انتي وكلامج المعسول معاه راح تطلع الكلمه منه غصب ليمن يتعود وحبه حبه راح ترد حياتكم مثل اول واحسن ونصيحه حبيبتي لاتهدمين بيتج بيدج وحاولي تصلحين فيه كثر ما تقدرين وهم الروتين يلعب دور حاولي تغيرينه بشغلات يديده وحركات ومن هالسوالف والله يهديه ويسعدج ياارب ,, |
آنه معاها ………… والله يكون بعونج انشالله