ليه اميز بين بناتي كل ام تفيدني وش السبب وضعي طبيعي او لا ضميري مأنبني

السلام عليكم
دائما استغرب لما اسمع من بعض الامهات يحبون كل والادهم بنفس الدرجه واتمنى لو انا كذا ..واتسائل كيف يحبونهم بنفس الدرجه واكيد بينهم فروقات ممكن بعضهم قريبين للام اكثر من ناحية الصفات المحببه والبعض مثلا فيهم كم صفه ماتحبها الام ومع ذالك تقول كلهم بنفس الدرجه والا عشان لا تحس بتأنيب الضمير ؟

انا عندي بنتين الكبيره 9 سنوات والصغيره 5 سنوات ..مشكلتي دايم احس بتأنيب الضمير والسبب اني احبهم لكن مو بنفس الدرجه ..بنتي الكبيره فيها صفات تخليني غصب اتضايق منها وتعصبني مررره ..من صغرها وهي من اقل كلمه تزعل اغلب يومها زعلانه ..واذا زعلت حتى لو متعبه نفسي ومسويه لها الاكل الي تبيه تقولي مابي آكل لين مااحاول اراضيها واحيانا اطنشها ..من اول ماولدت في بنتي وكان عمر الكبيره 4 سنوات(يعني الفرق بينهم في العمر 4 سنوات ) رغم ان الدلال كله لها كان ..ابوها كان يدللها وماكان اصلا يمسك الصغيره كونه يخاف عليهم وهم صغار ولا يحبهم وهم صغار مره ..كنا نعطيها هدايا وابوها لما يزورني ببيت اهلي يجيب لها هديه ويجلس معها ويسولف ومع كل هذا كانت تغاار وتطق اختها من وهي اقل من شهر ..وتشد شعرها طبعا كل هذا بالصدفه نشوف وكذالك امي تشوفها ..لين ماكبرت بنتي والحين عمرها 5 سنوات وللان تعاملها بشكل سيء وتهاوشها واوقات تضربها بشكل متواااصل ..تعبنا واحنا نبي نحل الموضوع معقول غيره وللان عمرها 5 سنوات دايم تنرفزها حتى بالكلام تقهرها ..مع ان الصغيره حنووونه عليها اذا راحت السوبر ماركت دايم تذكرها وتشتري لها واذا زعلنا من الكبيره تحااول معانا الصغيره انا نرضى ونسامحها تغار حتى من اي طفل يعني لو اطلع واشوف طفل استلطفه تنقهر وتغار وتزعل حتى لو جاملت من اطفال العيله تزعل والصغيره بالعكس عادي تتبسم وتستلطف الاطفال ..الكبيره بصعووبه تتسبح والاصعب لما تجلس من النوم تتعبني ماترضى تغسل وتجلس لي بشكلها في الصاله واحاول اكلمها بهدوء ماينفع لين ماتعصبني وطلعني من طووري واتعب بعدين تقوووم وكل يوم على نفس الحاله واذا رجعت من المدرسه تتعبني اقول لها على طول الحمام تسبحي مااترضى وتفتح فمها تبكي كانها توها بيبي ..تقولي تعبانه والا عطشانه والا تبي تاكل واعطيها فرصه واكتشف ان مجرد حجج تخلص وتظل لي جالسه اوقات حتى بمريولها وتقهرني مرره اظل بالساعات احاول معها ..طبعها بطييييييئه جدا اذا بتلبس ببطء شديد وتحب الاعتماد علينا حتى في ملابسها تتكيسل تلبس وانا اشدد عليها تعتمد على نفسها اوقات بتلبس بنطلون مثلا تظل وااقفه مو قادره تكمل اللبس تبيني انا الي البسها ؟داايم تززن اقل شي تززن وتبكي وتفتح فمها بصوت عاالي ..نادر اذا مر يوم من غير ماسمع صوت بكائها لاتفه الاسباب ..تتلفظ الفاظ باستهتاااار شديد ..سواء معانا والا مع اهلي اذا رحت ازورهم عادي تقول كلام على ابوي مثلا تقوله خلااص انت اسكت ..والا كلام عيب ينقال لرجل كبير ونفس الشي مع امي مع انا نعلمها ونفهمها ولا اسلوبنا اصلا كذا لكن مادري من وين هالاساليب وتقول كلام ممكن يضايق اهلي والا حتى انا تعلق واوقات تعيب وتتلقف ..صارت الحين تقلد على الصغيره مثلا الصغيره فرحانه وتصارخ من الفرح تسوي مثلها واشوفها الكبيره تصغر بدل ماتكبر بتصرفاتها ..قاسيه مع اختها ..حتى اذا لعبت معها تلعب وتقهرها داائما تعااند تسوي لي تصرفات تقهرني ..ودايم الاعتذار على لسانها غصب تبي نسامحها وتعيد نفس التصرفات ..الصغيره حنوونه جدا عليها لدرجة اذا ضربتها ماتقول لنا تخبي اوقات عشان لا نزعل على الكبيره واوقات اذا عرفنا وزعلنا تجي الصغيره وتحااول معانا نسامحها ..اذا رحنا للعائله وصار مشاجره والا زعل بين الكبيره واطفال العيله الصغيره تدافع عنها وتعصب وتقول خلااص مانبي نروح لهم ..الصغيره صبووووره اوقات تحصل ضرب من اختها اما ماتقول وتتحمل او تقولي لكن ماتزعجني ببكائها ..حتى اذا طاحت والا تعورت مانعرف الا من الاثر الي نشوفه واذا زعلها ابوها تنزل راسها وتدمع عينها وتسكت ..نادرا ماتطلع صوت بكائها واذا طلعت صوت يعني مجرووحه جددا ..لطيفه مع الكل واذا شافت طفل تحبه مررره وتعامله بلطافه كانها اخته بينما الكبيره لااااا ..اذا ذميت في احد مثلا الشغاله تفكرني الكبيره اقصدها داايم الذم تفكرنا نقصدها مع ان كلامنا مفهوم بينما الصغيره عندها سرعة بديهه وتفهم على طول ماشاء الله ..الصغيره من تجي من بره تبي تغير ملابسها وتتسبح او تغسل على الاقل يدينها ورجلينها وتلبس ملابس نظيفه ..وتعتمد على نفسها ..مع كل هذا بنات من حقي اميز بينهم او لا ؟اوقات احس بتأنيب الضمير لكن شنو اسوي يومياتي مع الكبيره صعب كلما نكلمها عشان تتغير ونفهمها مافيه تسوي تصرفات تقههر لو برودها وبطئها لما تجلس من النوم امره هاللحظه مافيه مره جلست وراحت الحمام غسلت وجهها واسنانها من نفسها الا تجلس تقابلنا بريحة النوم وبشكلها ؟؟ومن اقل شي تزن وتصيييح ..انا احبها لكني اشوف فرق بينها وبين اختها ..مابي هالتمييز حتى بيني وبين نفسي لكن غصبا عني لما اشوف كيف تتصرف كل يوم ..لما اشوف قسوتها مع اختها ..لما اشوف زنتها وهي في هالعمر ؟..حتى انها خووويفه بزيااااده لدرجة انها ماتروح للثلاجه لحالها لاازم مرافق ..هذا والثلاجه قريبه ..ماتبعد كثير عنا ..عدة اشياء تضاايقني فيها رغم حبي لها لكني افرق وهالشي مضااايقني ولو اني ماظهره عمري ماشريت هديه لوحده دون الثانيه ..مافضلتهم بالعطايا ابد لكن بقلبي غييير ..والسبب التصرفات الي اشوفها ..خوفي الصغيره اذا كبرت تتغير الصفات الحلوه الي اشوفها ..هل وضعي طبيعي ؟ هل عمر بنتي الصغير يخلينا نحبها وتكون قريبه منا انا وابوها اكثر والا حقيقي الصفات توضح في هالعمر ..هل حبنا لها بسبب انها الصغيره والا حقيقي الصفات هي الي لها دور في مدى حبنا لها؟على فكره حتى ابوها يمووت فيها وهي متعلقه فيه اصلا اكثر مني ..بناات فيدوني من خلال الي ذكرته هل يستحق هالتمييز ؟؟هل كل وحده في عمر بنتي (9 سنوات ) تكون بهالتصرفات ..؟هل تتقبلون هالصفات الي ذكرتها ؟داايم هالموضوع شاغل تفكيري ..ليه الصغيره احبها كثيير وتبهرني ببعض تصرفتها وتفكيرها واشوف دمها مرره خفيف غالبا هي الي تضحكني ..ليه الكبيره بالعكس تقهرني واوقات اكون وحده ثااانيه امر في حاله من العصبيه مو طبيعي من تصرفاتها الي تقهرني فيها على فكره مو بس مع اختها حتى مع الشغالات ..تتصرف تصرفات سيئه وتأذيهم بعض الاوقات ..بصدق كل الامهاات مايميزون حتى بينهم وبين نفسهم اذا فيه فرق في الصفات ؟؟

وقولي لنا آخر التطورات
بالتوفيق

والله يهديها ويعينج ..

ااوكي الغلا بالقلب بس اذا سألوج قوليكلهم نفس الغلا

وتراهذي فتره وباين عليها تغااار حيييل

اهي ماغارت من اختها الا انها تحبكم ومتعلقه فيكم

وتصرفاتها كلها توضح انها تبيكم تهتمون فيها وتاخذ الجوو

بنات اختي الكبيره تهبل عاقله والصغيره نزغه

والصغيره دوم تطق الكبيره طق مبرح خخخخ يعني تمجع شعرها بعنف

والكبيره ماتسوي شي

الكبيره ماتحب احد يزعل منها او يبجي

لدرجه ان طقت اختها طبعا تكون اختها طاقتها بالاول تتنظر لين طقها

والله تحس بتانيب الضمير

عاد ذاك اليوم ثبت الصغيره وخليت الكبيره تطقها هخخخخخخخخخخ

دابله جبدي النزغه

واذا مانفع مالج الا الحل القديم (( قوليلها ان الناس مايبونج تزورينهم عشان بسبتها وانها تفشلج دايم ))

عاقبيها واذا غلطت علي احد كبير منعيها منن الروحه عشان تفهم
والبنيه بهالعمر تحس انها كبيره وبتمشي كلامها

وديري بالج ترى لمن توصل المتوسط بتتعبين وااايد وياها ضبطي الوضع من الحين
الله يخليهم لج

صادقيهاااااااا بعدين آمري عليهاااا

مبين عليج انج تصبرين عليها شوي بعدين تزفينهاااا؟؟؟

لازم انج تغيرين !

اول شي لاتفكرين تامرين عليهاااا

ناديهااا ، سولفي معاهاااا، امدحيهاااا ، عطيها ع جم ضمه ع جم حبه ،
وسمعيهاااا صوت الام الحنون حتى لو تمثيل !!!

اهيا مافرقت معاهااا زفيتيهااا او لااا ،،

لانها موكاسبتج كام وكصديقه ، علاقتج معاهااا اوامر باوامر ،،

بعد ماتصادقينهااا راح تسمع كلامج لان لو صداقتج حلوه صعب تفرط فيهااا

ابتسمي بويهااا وسمعيها جم كلمه حلوه ،،

واذا على المحبه !!!

خليهااااا بالقلب ، الله سبحانه يحاسبج ع الظاهر اما الباطن فماتقدرين عليه .

لاتنسين تدعين لهاااا بالهدايه ،،،

والله ولي التوفيق ،،،