|
|
السلام عليكم حبايبي، شلونكم ؟ شخباركم ؟ انشالله بخير خواتي ؟؟
.
.
.
اليوم بتكلم عن شغلة تدور في بالي وحبيت أشاركم فيه، بنات احنا كل يوم كــــــــــل يــــــــــوم لازم نشوف واحنا رايحين دواماتنا أو رايحين نستانس مع الأهل أو مع رفيجاتنا أو نزهة ترفيهية قطوة مدعومة وميتة، جلب مدعوسة ريولة ويزحف على بطنه لبر الأمان ويعطونه وحدة ثانية تنهيه حياته، قطوة مع أمها يمشون والأم تحاول تشوف الطريج السليم لبنتها علشان تمر ولكن عيال الحرام ما يخلونهم بووووووووووم يدعمونهم، طير جريح ما يقدر يطير وعلطوووووول، جلب في الشارع ماله أحد وقومو شيلو صخرة وروحو بطو راسه !!! ومشالله سوق الحمام ما يقصر ما يحتاي أتحجى …
.
.
إلي أبي أقوله … بنات ليش ما يسوون عندنا قانون يمنع القسوة وسوء المعاملة للحيوانات ؟؟؟ ليش ما يسير هناك غرامة مالية تدفع لما أحد يسيء معاملة أي حيوان ؟؟؟ بجذي تخف القسوة على الحيوانات بالكويت على الأقل بنسبة خفيفة …
أو يسير عندنا
يساعدون الحيوانات إلي تتعرض للقسوة وسوء المعاملة، وفرقة الخيالة تخالف الناس إلي تسوء معاملتها، أدري هالشي ما رح يحد من هالمشكلة، بس يخففها، وأدري إن قوانينا العادية ما قعد تحد من المشاكل لكن تخففها … ربنا ورسولنا الحبيب شددو على هالشي وكان في زمان الرسول إلي يسمى "المحتسب" هو كان من مهماته إنه يمنع لناس من سوء معاملة الحيوانات، لكن الحين أشوف العكس الشي حلااااااااااااال عااااااااااااااااااادي !!!
.
.
.
بالدول الأجنبية أشوف العكس !!!! مخالفة وفوقج غرامة شكبرها وحبس إذا قسيتي على حيوان !!! ونعيب عليهم ونستخف فيهم ؟؟؟ تكفون خل نشوف نفسنا أول قبل لا نعيب على غيرنا !!
جان زين والله اتمنى من كل قلبي لكن منو الي يوصل هالصوت ؟؟
والله خوش فكره و شي ضروري.
حبي اذا الانسان الكائن الحي البشري متعذب بالمستشفيات و يحصل العدوات من المستشفيات تبينهم يهتمون بالحيوان الي ماله غير رب العالمين و احنا الي نقدر نتكلم كل شوي امراض و مافي اهتمام خاليها على الله الله مع كل ضعيف بالدنيا
مشكوووووورين حبايبي، aoky kaito kid اي والله وانتي الصاجة بس هم ما يسير نسكت حراااااام إلي قعد نشوفه على الأقل البشر هني عندنا نقدر ناخذ حقنا نشتكي نروح ونسوي بس هذيل منو يوقف معاهم ؟؟ ما عندهم أحد، إذا العيال ياخذونهم من أمهم واعلي ما يفطنون من الحليب ويبيعونهم حسبي الله عليهم .
اى ولله صح كلامج حتى القطوه لما تمشى بين البيووت الجهال ركض وراها وطق
بس ماحد فاضئ يطبق قوانين حق الحيونات
بس ماحد فاضئ يطبق قوانين حق الحيونات
شكرا على المووضوع