ليش طالبت مديرتنا باسماء الحوامل والربو والسكر والقلب ؟؟؟

هاي معلمات

طالبت مديرتنا اليوم من جميع الهيئه التعليمية والادارية الي فيها ربو او سكر او قلب او حامل تسجل اسمها

ليش ياتري ممكن حد يفيدني

ياريت اذا عرفتي منها تبلغينا ،،،

ياريت اذا عرفتي السبب تبلغينا

سالت رفيجاتي بكذا مدرسه وصلهم الطلب نفسه

ليش ؟؟؟؟

علشان انفلونزا الخنازير
تدرون انه موسم الانفلونزا الحين زايد و هذي الحالات تتأثر بالمرض

احنا مدرستنا أطلبت أسماء الحوامل لأن اكتشفوا حالات فيها انفلونزا الخنازير

طيب ليش طالبين شراح يسووون انا حامل بشهري الثاني وخايفه موت ومعانا بالقسم مدرسه مصريه فيها انفلونزا وانا خايفه موت وماراح اداوم باكر وطلبت منها تروح تفحص

الله يكفينا شر المرض

طيب اتوقع دام مافيه تاجيل بيصير تخفيف علي الي طلبو اسمهم

والله ما راح يسوووون شى الا لما تصير الصجيه وزاره فاشله ما يهمها ارواااح الناس بصراحه انا حامل ومالكم امل اداوم خصوصا ان اول اسبوع اكتشفوااا في فراشه فيها النفولنزا الخنزير يا زين وجيهنا مداومين وماكو شغل بعد
الله يحفظنا ويكفينا شر هالامراض

احنا طلبوا مننا الأمراض المزمنه بس ، وأظن الوزارة طالبة كشغل إداري لا أكثر ولا أقل

بالعكس جزاها الله خير يمكن ناوية تخفف عنكم أو بتعطيكم صفوف طالباتها عددهم قليل , أو بتسقط عنكم الاشراف والمراقبة ..

تفاءلوا بالخير تجدوه ….

جذى بس

احنا بعد الاحد يابولنا ورقه وكل وحده تكتب شنو فيها لو شي بسيط اي مرض حتى الغولون وحساسية الانف والصدر مع الامراض الخطيره الله يكافينا الشر
ما ندري ليش

اتوقع علشان تبعد هالمدرسات عن التجمع او غرف العزل لانهم اكثر الناس عرضه للمرض والعدوى