|
|
السلام عليكم ورحمة الله وبركااته..
شلونكم بنات شخباركم..
بنات اللي موظفه بوزارة الداخلية أو محققه بالاداره العامة للتحقيقات..أبيها تفيدني بجم شغلة اذا ممكن..
بنات آنا سامعه انه اذا توظفت بالداخلية يصير بعدين أسوي نقل أو تحويل استثنائي حق الاداره العامه للتحقيقات؟؟ لانه اداره التحقيقات للحين مابطلت فآنا قلت أتوظف بالداخليه على ماتتبطل.. فاللي عندها فكرة عن التحويل أو النقل الاستثنائي ياليت تفيدني اذا ممكن..لأني سمعت ان في بنت كانت بالداخلية وبعدين حولت للتحقيقات وقبلوها واتوقع بواسطه طبعا
وبنات ماعندكم علم اذا الاداره العامه للتحقيقات راح تتبطل ؟؟ آنا سامعه بيبطلون شهر6أو7؟؟
مشكورين وماقصرتوا وأتمنى الرد يكون شافي ووافي.
واذا تعينتي بالداخليه مايصير تنقلين ولا تختارين اداره التحقيقات لان تعيينهم منفصل
وياما بنات علبالهم يصير وتعينوا بالوزاره على انه ينتقلون بعدين تدبسوا لاهم صاروا محققات ولا مكان سنع
فلاتوهقين عمرج انتي نطري الاداره يبطلوا باب التعيين وقدمي لان مالج الا هالحل اما غيره لو عندج واسطات الدنيا مايصير
وبسالج رفيجتي متى تعييناتهم وردلج خبر ان شالله والله يوفقج
ولازم اذا كنتي تبين تتوظفين فيها ماتكونين متوظفه بمكان ثاني ولا يكون اسمج بالتامينات
مايصير تنقلين لان عشان تتوظفين فيها لازم تتجاوزين دوره بمعهد القضاه ومده الدوره تقريبا سنه يعني لو انقبلتي بالتحقيقات تدخلين دوره امتحانات ودوام من غير غياب او اجازه ولو تجاوزتي الدروه تتعينين بمسمى محقق ج
تكون نسبتج 75% بالجامعة…
عيب التحقيقات ان شغلج بيصير في مخفر وبين الشرطة ..