للحين ماجهزتي ! وييي تأخرتي اقول تو الناس يقولون وي لا لا تاخرتي اوووف غثوني

بنات جنننوني بعض البنات يقولون للحين ماجهزتي وي وي للحين ماعطوج مهر وي شلون وليش الله يعينج شنو هالكلام؟؟؟؟؟؟؟؟؟؟؟؟ خرعوني وربي قمت افكر

عرسي شهر 3 وللحين ماجهزت مفكره بعد الاضحى يقولون غبيه شلون وليش وشحقى

شرايكم بنات ؟؟؟؟؟؟؟؟؟؟؟؟؟؟؟؟؟؟؟؟؟؟؟

لا لا تو الناس ماعليج منهم
لو انتي تعرفين شنو تبين بالضبط ومظبطه وقتج وكل يوم شنو له والله تخلصين وانتي مرتاحه
اما اذا خببط لزق وماتدرين شتسوييين وشنو تبين اكييد متاخر
بس ماعليج وقتج حلووو وايد
والله يوفقج يارب

يبا لاتحاتين شدعوه عليها تبيج تجهزين قبل العرس بسنة>>حسسوني انج بتهاجرين

>>آنا عرسي شهر 12 وللحين ما سويت شي=حطي ايدج بماي باردة بس الحين قاعدة اتحرك

>>بس صح يعتمد عالبنية وشطارتها

لا حبيبتي الصراحه انا لما جهزت ثلاث شهور ويالله اركض .. لغايه يووم العرس وانا ناقصني شغلات

نصيحه من الحين جهزي حبه حبه ..عشان ترتاحين وقبل العرس تكونين مرتاحه وتفضين حق روحج عنايه واهتمام بالبشره ..

الله يوفقج ..تقبلي مروري

شدعوووه شهر 3 توالناس باقي 6 اشهر !!!!!

انتي الحين اذا شفتي شي يعجبج من ناحيه بجايم وسوالف البيت اشتري من الحين شوي شوي عشان تخففين على روحج بعدين

اما تجهيز تجهيز عدل لاااا توالناس

^^^ معاها

ابدي بالبجايم والقمصان ولبس البيت والاندروير والروب لان هذول بسررررررعه يخلسون وترتاحين من همهم

اما الباقي فتو الناس والله يوفقج ويهنيج

وي شدعوه وتقدرين تخلصين ششغلج ب3 اشهر بس اذا كنتي مرتبه شغلج

تدرين شلون حبيبتي,,

جيبي قلم وورقه وكتبي فيه اللي تبين كله اوكي

ووزعي اللي تبين على كلا سوبع تخلصين لج من شي معين يعني الملابس الداخليه والقمصان والجايم اسبوع << عارفه شلون

واذا انتي عندج معاش او مصروف جهزي البجايم والملابس الداخليه وهالسوالف هذي,,

والله بنت اختي جهزت بشهر وعطوها المهر قب العرس بشهر لان تطلع صبح وعصر وخلصت مشاءالله بسرعه

توالناس خو

قلبوو
عرسج بيكون الجو حلووو وداش عالصيف يعني وقت الربيع

استغلي التنزيلات اللي مسوينها الحين واخذي بجايم صيفيه >>> خلصي ملابس الشقه كلها والله اسعاارهم حلووه

اغلب المحلات مسوين سيل على بضاعتهم الصيفيه روحي شوفي واخذي اللي يناسبج
شوفي الساعات ماتغير موضتهم كثير
شوفي الشووز وانتي بكرامه محلات الحين بنص السعر لاتطوفج عرووظهم

خلي بعد العيد حق الدراريع والبدله
وفي شغلات غيرها

انا عرسي شهر 12
الحين مااقعد بالبيت ارد من الدوام ساعه بعدين ارووح السوق والله تعب

شدعوه توه الناس عادي حبيبتي شوي شوي وبعدين انتي كتبي الي تبينه عشان لمن يصير وقت الشراء كل شي كاتبته

أول شي الله يتمم عليج ومبرووك فديتج ..,,..

بعدين كل بنت تعرف نفسهـآ إذا هي من النوع إلي ترتب وتنظم أمورها وكل شي بحسابة وورقة وقلم <<لآزم تكتبين وألآ بتظيعين

وإذآ من النوع الي يروح السوق عشان شغلة وترجع بعشرين غرض غير الي هي رايحتله << انتبهي من هالشغلة تطير فلوسج وانتي ماتحسين..

تقدرين نفس ماقالو البنات تبدين بالي ماتتغير موضته والي علي تنزيلات وبدال لاتخلصين شغلة باسبوع
خليها ع اسبوعين ثلاثه بالراحة وتفترين وتفرجين عقب ترجعين للي عجبج وجذي…!!!

أهم شي إبدي بالاساسيات (الثوب وطقمج اذا تحبين الماس او ذهب ابيض حق اول يوم والحجوزات:صالون وجلسات ومصورة …إلخ )
أو افصلي فلوسهم بروحهم
عـآد بدلات وجناط وجذي عادي ع راحتج

تفرجي ع دراريع هي الي تعب شويه ,,,فكري بموديلات حق بدل الاستقبال عند حمولتج وجذي ..
جمعي جم خامة غريبة شفتيها وماتبينها تروح عليج ,,,

وخلج كول لاتوترين لان التوتر+تجهيز=عفيسة وبس

كل شي ع راحتج والله يتمم عليج

انا من رايي تو الناااس

بس اذا شفتي شي بالسووق عاجبج بس ع شرط مايكون له مووضه اشترريه

اقولج شي
انا جهزت قبل عرسي بشهر واحد بسسسسسسسسسسسسسسسسس
ماعدا نفنوف العرس خذيته قبل لان يبيله وقت على ما يجهز لان تفصال
والله خلصت امتحانات الفاينل بتاريخ 25-1 و عرسي كان 25-2
خلصت الفاينل بلشت تجهيز صج يوميا كنت اروح السوق بس والله سهالات اذا كنتي مسويه لج جدول و عارفه شنو بين
وانا كنت متعمده ما اجهز من قبل لان نوعيتي ان شريت شي يديد لازم استخدمه على طول ماعرف اخش شي

الله يوفقكم