|
|
مرحبا معلمات
فتحت هالموضوع حتى يكون على الأقل الموضوع الفرفوشي إلى حد ما في هالقسم، الي أغلبه دعاوي وشكاوي
وتنرفز وتحلطم. قلت أفتح هالموضوع حتى يكون خفيف الدم شوي ويخلينا نرتاج بهالقسم. فعلشان جذي مابي أي
أبلة تبخل علينا بأي حدث مضحك + حدث نرفزها داخل المدرسة مالتها وشلون قدرت تتصرف بكلا الموقفين.
طبعا الموضوع موضوعكم ومتى ما تذكرتوا موقف سطروه هني…
وبما اني الي بادية راح أقولكم جم موقف
1- في دعاية تطلع هالجم يوم بالتلفزيون اسمها " حلا دولي " مالت تلفون النقال. الدعاية كريهة ومليقة بس تضحك
عاد اليوم وانا قاعد اشرح الدرس مرة وحدة نطت بنت داخل الصف وقالت حلا دولي حلا وااااي بغيت اضحك بس مسكت نفسي.
2- اليوم بحصة النشاط وحدة من بنات سوادس قالتلي: ابلة ريحة حلجج حلوة شنو تاكلين الصبح؟ وغير وحدة سألتني من جم يوم أبلة ليش انتي اضعف ابلة بالمدرسة؟ قلتلها شدراج اني اضعف ابلة جان تقولي بطنج سيدا وتأشر على بطنها يعني بتسوي الحركة طبعا على هالموقفين انا على راسي مليون علامة استفهام. ماشالله الطالبات ترا يدققون وااايد على كل شي تلبسينه وتحطينه وتسوينه.
3- انا من النوع لما اطلع من قسمي واروح الصف الي بعطي فيه حصتي شي طبيعي اشوف ابلات وانا ماشية بطريجي ويصير بينا سلام من بعيد. في ابلة بدنية يديدة تعيين هالكورس. كل ما اسلم عليها ما ترد علي مادري مابي احط بذمتي لان احسها تستحي يعني والمشكلة انا لما اسلم اسلم بصوت واطي يعني مو ذاك الزود عالي. والدقة ان كل ما اسلم عليها تكون مطلعة صفوفها فمادري احس ما تنتبه علي وانا اسلم عليها
ممممممم بعد بعد مادري هذا الي نط ببالي واكيد عندي وايد سوالف تضحك وسوالف تنرفز وراجعة…
المواقف الي تصير داخل الحصة الدراسية عجيييييبة مع ان لحد الحين ما صارلي سنة بالتدريس
بس الامور المضحكة الي واجهتها داخل الصف ابداع وساعات امسك نفسي وساعات ما اقدر واضحك غصب عني
اترك لكم المايك ابلات
مشكورة
واب
اشتقت لها 
لو اني مادرست قانون
جان خياري الثاني اني اصير ابلة
لكن رب العالمين له حكمه وسهل لي دراسه القانون
عندي موآقف كثيـــرة تضحك
> تكركر من قبل تقولهآ
آخرتهآ آمس عندي طآلب سبيسيآل كيز وآنآ رآحمته حيل وآطوف له آمس وآنآ آشرح وآطآمر من مكآن لِـ مكآن في آلحصة آلسآبعة 
طحت عليه يشخرررررررر نآآآآآيم آبو آلشبآب
وآوقف شرح > توقعت يصير عنده ردة فعل آن مآكو صوت
ومآآ زآل آلولد يحلم > يمآل آلآحلآم آلسعيدة
وآلشبآب يضحكووووووووووون على آلموقف
وآقوم آصحي آلولد قلت له ليش نآيم بِ آلحصة سؤآل ذكي آدري خخخخ
قآل مآنمت آمس 
تحسونه مآيضحك بس آللي يعيش هـ آلحدث غصبن عليه يضحك
ثآني شي آنآ آدرس صبيآن شويّة كبآر بس مآش زول تقولون آولى
صفي عيّآآآآآآآآآآآآآآآآآآر حيل
وآنآ بديت آقولهم آلعصآ لِـ من عصى ويقوم لكم وآحد عجمي < فديته
يكمل لي آلجملة وآلمشعآب لِـ آللعآب
جآني ضحك وآلشبآب طقة لآ ضحكتوآ همزوني آذآ ضحكت ضحكوآ
عجبتني دخلته آلعجيبة
ومرة هـ آلولد كآن مدآوم في عآشورآء مع آن مدرستنآ آلغآلبية يغيبون وآعلنوآ آلغيآب عآدي قلت له فلآن ليش مدآوم
قآل غصبن من ورآ خشمي > ههههههههههههههههههههههههههههههههههههههههههههه
قلت آفآ ليش قآل آمي غصبتني آجي
وردوده دآيمآ تجي فيهآ مرجلة آتوقع له مستقبل بآآآآآهـر طبعآ ً مو آنآ معلمته
< كوع تكفون
وفيه طآلب عندي في آولى آبتدآئي آليوم سويت فيه حركة
هو مآيقعد على كرسيه آبد
آليوم قررت آدبه يوم جيت آصحح كتبهم وآسحب كرسيه وآقعد عليه ويطآلع فيني يبيني آقوم شهـ آلآبلة آللي مآتبي تقوم من كرسي وتصحح كل آلكتب
آلمهم وآزيد آلجيلة هههههههههههههههههههههههههه ويوم صححت وخلصت وآخذ كرسيه وآحطه عند آلبآب
قآل آبلة كرسيييييييي قلت ليش آنت تقعد عليه مآله دآعي
ويسكت وآنآ في دآخلي ميتة ضحك
اليوم صارلي موقف حد امه الاحراج: في بنت اليوم كنت اصلح دفترها وهي واقفة يمي تقولي ابلة ليش ما تشيلين شعر ايدج!!!!
واااااي والبنت بسادس شعرفها بالحف! المشكلة بنات وين ان بإيدي مافيه شعر شلون قالتلي جذي. رجعت القسم بعد الحصة واقعد واقلب
ايدي جني أول مرة اشوفها خلتني اوسوس واشك بنفسي حسبي الله على بليسها
——
بنات انا مرات لما اعصب على الصف عندي حركة حيل خايسة يعن على اساس ابي أأدبهم واوقفهم عند حدهم وكل شي تمام والصف يخاف ويسكت بعدين اشرح درسي عادي مرة وحدة تييني ضحكة وابتسم ووحدة من البنات تنط تقولي ابلة ليش تضحكين؟ عاد انا ارقع واقول: اضحك على لأني حاطة ببالي جم بنت بنزلهم بالدرجات عدل >>> شسوي بعد ارقع حق نفسي واااااي هالضحكة ما تييي
الا بالحصة
انا شكلــــــــــي بصيـــر مدرســـه .. عاد الصرآإحه حاطه ببالي طب وإآذآ ربِ مــآكتب لــي مالـي غير التربيــه إن شاءلله بس دعوآإآإتكــــــم .. ويعطيييييييكم ألف عــآفيــه يـــــــآإرب
منال القلب هههههههههه انا بعد مثلج انا مااعصب
الا اذا وصل حدي وطفح الكيل امس عصبت على طالبه يننتني قرقه كلا تهذر وبصوت عالي
وتقولي ابله آسفه وترد تهذر ولا جنه مكلمتها المهم عصبت عليها وغيرت مكانها
كل الطالبات سكتون وصار الصف هدوء يتلي ضحكه هههههههه ماادري ليش
اقضب روحي بس ويهي فاضحني واحاول الف ويهي جنه بكتب على اللوح
واشوف الطالبات يضحكون من قلب واقولهم شفيكم تضحكون يقولونلي ابله انتي قاعده تضحكين
طبعا انا مو مدرسه بس هالموقف صار لي لما كنت بالمدرسه
مدرسه الانجليزي كانت تملي علينا الاوامر بخصوص الدرس والامتحان
وانا كل امر تقوله ارد وراها ان شاء الله والصف هدوء بس صوتي الطالع
وتكرر الامر يمكن 3او4 مرات اخر شي عصبت علي وقالت بعصبيه
ما ابي اسمعج تقولين ان شاء الله
عاد رديت عليها ان شاء الله 
وقعدت تضحك هي والبنات بس والله الاخيره اطلعت عفويه
ههههههههههههههههههههههه
اناا مواقفي اغلبها بدليات
واضحك ويضحكون وياي
مشكوره منووله على موضوع الفن
كويتية عسل: وااااي انا بالضبط يصير وياي جذي، عاد توني اكون زافتهم احساس خايس لما اضحك… كلش ماكو كنترول ههههههه
درور: احس عندج مليون موقف وموقف وناطرينج لا تبطين
أم عامر: وااااااي مت مت من الضحك اما الـ ان شالله الاخيرة صج احسها عفوية من قلب ههههههههههه
ملامح: انا بالبدليات عدي وخربطي بس اشوه بنات سادس ما يلاحظون بدلياتي واااايد ههههههههه
حمستووني احوول للتربيه =)
وثاااااااانكس حياتي ع الموضوع ..~
.gif "Eh S(9)")