|
|
دخلوووووو لا اطلون من برا 
فيه موضوع طرا على بالي وودي تفيدونا وتفيدون البنوتات المخطوبين والملجين والعرايس اليدد وهم الطماشه للمستقبل القريب يارب ويرزق كل بنوته بالزوج الصالح والمتزوجه ربي يسخر لها ريلها
لايروح تفكيركم بعيد وخلونا نستانس ونسولف متا اول مره طبختي وانتي عروس؟
من اول ليله من اول سبوع اول شهر؟
وشنو الطبخه اللي طبختيها؟
وهل كنتي تعرفين تطبخين او لا؟ من كان يعلمج ولا اجتهادات منج ؟
وشنو تعليقات ريايلكم؟
هل كان لج مطبخ؟ هل شرطتي يكون بشقتج مطبخ؟
واكلج ويا الحموله ولا بروحج؟
واذا طبختي تنزلين للحموله يعني نقصه وجذي؟
واهم شي
واللي تشتغل شلون تسوي الغدا؟
وشلون تتخلصين من ريحة الطبخ بالشقه وفيج؟
لكم المايك 
انا من جزب الطماشه بس متفائله خير فيه شي يديد .gif "Eh S(22)")
لما تطبخين ربطي شعرج بسكارف حلو او كاب ويكون لبسج سبور واهم شي جم طويلا لاني وااااايد حرقت وشوهت نفسي
بس غالبا لازم لازم تتسبحين
وبالنسبه للحموله ماذكر نزلت الا مرتين دام اني ليلحين اطقطق بالطبخ وكل ماطبخت خالتي عيبت لانها تبي عيوش اما سوالف جيلنا صواني ومادري شنو ماتحبها وتعتبرها خرابيط فماله داعي افشل نفسي واسمع شي مايعجبني
اي وبالنسبه لسوالج متا طبخت اعتقد اخر اول اسبوع لي او ثاني اسبوع سويت بشميل كنت طااااليره فيه واحسه لذيييييذ بس كانت عندي خالتي وكانت تجامل بعد شهور اكتشفت انها تجاملني ههههههههه
واذا خلصت طبخ اخذ شور واتعطر وابخر البيت واشب الفوحات
واحيانا ادز لحمولتي .بس اذا جيت انزل عندهم اسوي حلا وكيك او فطاير
^_^
والطباخ بالنسبة لي متعة مو شي مليق
و من رابع يوم بعرسي رحنا الجمعية ولقيت الصوص اللي اسوي فيه ام علي عاد انا عرووس ومستحيه جان اقول له هذا الصوص اسوي فيه ام علي
هههههههههههه
ووللا بو الشباب حاطه بالسلة
ورديت البيت و سويت ام علي وحددددددددها عجبته
والايام اللي بعدها تقريبا بالاسبوع مره نبدع و ندخل المطبخ نسوي سوالف باستا و سلطات و كيكة الجزر و جيز كيك
وبالنسبة للريحة انا عندي المدخنه فيها شفاطين كبار ريحة الطباخ تكون حوالين الجولة بس
و كلش الريحة ما تطبع فيني
بس عقب ما اكل معاه اروح اغسل المواعين و اتسبح وابخر البيت واتعطر و اطلع له هههههههه
خوش موضوع تسلم ايدج
وامممم واول طبخه يمكن بعد شهر من زواجي سويت معكرونيه وشورما وحيييل اعجبته الشورما والمعكرونيه بعد بس الشورما اكثر..
وراح سولف حق خواته وخالتي قام يمدح بشورمتي ومعكرونتي عاد سويتها لهم تحت استحييت لما حسيت ان شهاهم..
وطبخت اول رمضان بس خالتي حلفت اني ما اطبخ لان كلهم مايطبخون في طباخه بالبيت وانا حسبه بناتها ماتبيني اتعب نفسي ..طبخت اول يومين بس
وبسسس عندي مطبخ شكبره بس خفايف اسوي فيه ..
وبالنسبه للريحه انا دريشه المطبخ حيل كبيره وفي شفاط اشغلهم وتطير الريحه..وماتعلق فيني ريحه الطبخ..
وبالنسبه لاكلنا غدانا يصعدونه لنا فوق وعشانا احيانا انزل اتعشا تحت او مطعم او انا اسوي لي اي شي فوق..
موضوعج نايسسسس..
المهم اسوي اشياء يعني همبرجر بطاط يعني بس اشياء مقليه لوووووول
اول مره بعد زواجي بسبوعين سويت له مكرونه بلجبن وحلى تجنن عليهاا
حسسني بانو متخيل اني ماعرف اطبخ هههههههه
ومن بعدها طبخت مرتين اخرها اليوم سويت كبسه
مع اني ماحب اكل يي مرههههههه
بعد م رجعت من شهر العسل
دخلنا المطبخ انا وزوجي سوا
وسويت مكرونة بشاميل روعه
وانا ببيت بروحي مو عند حمولتي
وادرس جامعه والغدا اغلب الاحيان بكون العصر
لان الظهر ابدداً م فيه وقت
والله يعين مهمها رتبت وقتي بعد حوووسسسه
دعواتكم لي ولزوجي بالتوفيق