|
|
السلام عليكم ورحمة الله وبركاتة اتمنى القى مساعدة اخويه منكن اخواتي مشكلتي اني لسه لي 2 شهر متزوجة وماتوقعت اني انصدم صدمة قويه جدا انا عارفة الحياة الزوجيه ليس كلها سعادة وهناء وانااصلا مهيئه نفسي قبل الزواج اني راح اواجه مشاكل لكن ان زوجي يكلم بنات وهو شخص ملتزم المهم عدت السالفة بعدها ما دريت الا وهو كاشخ وسالته على وين من من صباح الله قال للدوام ووحنا طبعا الان في اجازة وبكل برود قال انة مقدم ع وظيفة غيرعن وظيفتة الاساسية اذاواجهته يقلب السالفة واصير انا المخطئه وانا اواجه بعصبية المشاكل اللي تصير دائما تكون منه البدايه وهو متقلب ويدور المشاكل انتظر الاراء في كيفة التعامل معه
الله يهدي مابينكم ..
وليش يكلم بنات الاخ منافق حافظ القران ويكلم بنات الله يهديه ومع الوقت بيخليهم ان شاء الله
أول سنه لأزم توآجهون مشاكل .، بعض البنات مآ يتحملون و على طول يبون يتطلقون
ديري بآلج مآكو مره مآ توآجهه مشاكل أول الزوآج .،
حبيبتي لا تلزقين بـ ريلج وآيد .، خليه ياخذ رآحته شوي .،
عطيه حقوقه كآمله .،
نظفي بيته و حآفظي على نظآفتج الشخصيه على طول .،
سوي الي يبيه ريلج .، اذا معصب لا تتناقشين وياه خليه لمآ يهدى بعدين كلميه بكل هدوء .،
اذا تبين شي آختاري الوقت المناسب عشان تطلبين منه هالـ شي !
آدعيله على طول بالهدآيه و آدعي لـ نفسج بالستر و الصبر .،
طبخي ترا الريال يحب يآكل من آيد مرته وهالشي رآح يحسسه آنه متزوج و عايش مع زوجته
مو كلا مطعم .،
كشخي على طول .، و خلج على طول كيوووت و حبوبة .،
اذا شفتيه متضايق .، روحيله بكل هدوء ، طبطبي عليه قوليله شفيك حبيبي ؟
يعني حآولي اتيرين منه الحجي .، ترا الريال مهمآ كبر و صار متكبر .،
يظل بالنسبه للـ مره يآهل .،
شلون تعآملين اليآهل ؟ عآملي ريلج ،
آستحملي بس أول سنه زوآج و بترتاحين بعدين ؛)
ياما ناس كانوا العن من زوجك وربي هداهم
وحاولي تجذبينه لك
وربي يسر امرك يارب