لحقوا علي ريلي باط جبدي

الله المستعان .. خلج انتي الرومانسيه وبيتعلم غصب

وترى اغلبية الرجال جي جافيين ومايعرفون يتعاملون الا بدفاشه

اسأليني قرايبي كلهم جي وكله عبالهم انا دلوعه وماتحمل شي !!!!

عزيزتي انا انصحج تقرين موضوع الاخت ( اسفة ما اذكر اسمها ) لكن عنوانه ( زوجج ستايله قديم اذا ماني غلطانه وهو موجود بالمنتدى واعتقد في نفس القسم )

وايد بتستفيدين منه

لا تتوقعين انه يتغير فجأة

اذا ما حصلتيه انا باذكر لج بعض النقاط

والله يعينج

حصلت لج الرابط وحاولي ولا تياسين ابدا والله يوفقج

https://www.q8yat.net/showthread.php?t=12195

عادي انتي ابدي لازم المره رومانسيه اكثر من الريال وعلى فكره الوحده اتحس انها ريلها مو رومانسي من كثر ماتجابل الافلام الانجليزيه والهنديه

الله يكون بعونج هذا طبع ما اعتقد بيتغير بس ابيج تتأقلمين مع وضعج ترى كل البيوت مفتوحه ومحد اهتم بالرومانسيه اهم شى يكون يحترمج ومومخلى عليج قاصر ويرحمج والباجى يهون.

كل ريايييل الكويت جذي …..

عزيزتي وهج ترى معظم الرياييل جذي ويحسون باحراج لمن يعبرون عن مشاعرهم أو تلاقينه مومتعود على الرومانسية …
عشان جذي راح تتعبين اول شي على ما تعودينه اشلون يعبر عن مشاعره تجاهج وانتي باسلوبج راح تخلينه يتعود على جذي …

الله يعينج أختي صدقيني كله التعود من الزوجه+ الأستعانه بالله والتوكل عليه عشان يسهل لج هالشي انتي توكلي على الله وحاولي تاخذين بعض الأفكار وتبحثين بالتصرفات اللي تناسب طبييعه ريلج وتقديرين تشوفين نتيجه منها وربي يسخره لج يارب

معقولة جي
اختي متزوجه سعودي وماشاءالله تبارك الله مابي احسدها
تقول ريلها مب مقصر عليها وواااااااااااااايد رومنسي
اصبر عليه لي متى طاح حظي مع هالريال
ودي اصييييييييييييييييييييح

وهـــج الحزينة

.

اى والله صاجة بدورة
تخلي عن رومنسيتج
وترى احنا كلنا بالهوى سوى
لا رومانسية ولا يحزنون
والمشكلة محنا قادرين نتقبل الواقع لو شنو

لووووووووووول بدوره ضحكتيني اليوم متناجره مع ريلي وبرطمي وصل الارض صابغه شعري امس ومغيره لونه هايلات ومستشورته وقاصته شقالي يوم شفاني
يعني صايد الحركه علبالج مادري صابغه شعرج ترى مبين بسسسسسسسسسس هذا اللي قاله واي ليش جذيه اقوله زين قول حلو يقول انا حلو تخيلي يعني على قولة مس تايجر بالهوى سواا

خخخخخخخخخخخخخ
ضحكتيني ام بزه
احلى شي ان احنا صرنا ضد الصدمات عالاقل طلعنا بميزة اكتسبناها منهم
اي صج نعيييييييييييييييييييييييما

وهج حبيبتي انتي مشكلتج انج قاعده تقارنين بين زوجج وزوج اختج وترى هذي اكبر غلطة لانج راح تتعبين!!!!
كل شخص مختلف عن الثاني وكل انسان له صفاته وشخصيته اللي تميزه عن غيره،،
زوجج مورومانسي0000
تعتبرينه عيب من العيوب بس ليش ما فكرتي تدورين على مميزاته
يمكن بالوقت نفسه اهوا طيب، حنون، كريم، يتحمل مسئولية، مخلص0000
وانتي ادرى بمميزات زوجج بحثي عنها وبقعدة هدوء حطيها على ورقة جدام عيونج وقارني بينها وبين الصفة اللي ما تحبينها(غير رومانسي)
وصدقيني راح ترجح كفة المميزات
في بداية حياتنا كلنا نطلب الرومانسية نبي نعيش ونطبق اللحظات الحلوة اللي شفناها بفيلم او سمعناها باغنية ناسين ان الواقع غير
صدقيني مع الايام ولما يكثرون عيالج وتزيد مسئولياتج راح تحمدين ربج ان زوجج مو رومانسي لان الرومانسي بهالوقت راح يروح يدور على الحب المشتعل عند غيرج اذا ما لقى عندج هالشي ولا راح يقدر الظروف

مو رومانسي00000
خليج انتي الرومانسية قوليله كلام حلو سويله ،مفاجآت حلوة ، احتفلي بمناسباتكم المميزة ولا تطلبين مقابل ولا تطالبينه باالمثل وصدقيني راح يتعلم الرومانسية منج
شوي شوي وراح تتفاجئين في يوم ما بشي ما كنتي تتوقعينه منه

وعسى الله يوفقج ويسخره لج وينولج اللي ببالج