|
|
أول شي مبرووووووووووك للناجحين سواء موحد ولا نظام فصلين
الكل نتمنى لهم الخبر … والله
والله يهنيكم يانظام موحد .. مثل ماأنتوا شايفين نسب نجاح الموحد كانت عاليه
والكل ملاحظ…وناس ماتتوقع النجاح نجحت ..الحمدلله … الله سهلها عليهم
بس احنا ليش ناسينا … عشان خلاص صرنا عتج…المثل يقول اللي ماله أول ماله تالي
بدايتها كانت في قاعة الإمتحانات لما نطول ونقعد نحل…وما نطلع بسرعه ويكون في أبلات يبون يطلعون على حسابنا
تلاقين تبدى الحرب النفسية … بالتعليقات والتطنز…ويقولون يعني تبون تييبون االعلامة الكاملة؟!!!!
طبعا البعض مو الكل… خاصه إحنا منازل …
يعني شرط كله كساله وساقطين
كل واحد وظروفه… أنا وحده منازل بس كنت طول عمري من الأوائل لله الحمد
لكن ظروفي ما سمحت قبل آخذها وهذي أول سنه أعيدها
وكنت أتوقع أييب 85 وفوق بعد… بس إنصدمت لما شفتها 79
ولما شفت درجتي خاصه بعلم النفس اللي كان الإمتحان سهل مثل الماي
وهلماده آنا بروحي أحبها وحليت فيها فوق الزين
طلعت يايبه 14 !!!! من 20 وآنا كنت متوقعه أييب فيها 19
وإن كثرت 18… وطبعا آنا بعد كل إمتحان أطلع أراجع إالإجابات وأتأكد
وشوف الفرق وأحط نسبه تقريبية لكل ماده
وحتى التاريخ أحس الدرجه مودرجتي كنت أتوقع 37 من 40… حاطينلي 29!!
والدليل مادة الإنجليزي…مثل مالكل عارف إن الإمتحان تسرب للموحد
فكان من العدل يساعدونا بإمتحان اللإنجليزي…طبعا عطونا الإجابات أكيد كلها صح
وغير هذا قبل لايساعدونا كنت آنا حاله الحمدلله صح بس بافي الكلمات ماحليتها للأمانة
ومع ذلك يايبه 44 من 60 ليش؟!!!!!!!!!!!!!!!..واللي معاي ونفسي وكلنا حلينا نفس الحل ومصدر الحل واحد
درجتهم أعلى مني… يعني ساعدوا ناس على حساب ناس
يعني نسبهم مو أعلى مني صح …. لكن رافعين نسبهم بدرجة الإنجليزي
يعني كان لازم العدل …ناس رغبتهم تنجح نجحوهم … وناس رغبتها معدل (( كان لازم ترفعونها لهم)) أو على خلوها مثل ما إهي مو تنزلونها !!!!
خاصه إذا كان الحل من مجهودها وتعبها…بس عندهم مايفررررررررررررررق
والله بنات ضايق خلقي ..بس الحمدلله على كل حال …راضيه بربي حكيم خبير اهو أعلم مني بالحكمة
يصير يراجعون ورقة علم النفس والتاريخ ؟
ولا السالفه صعبه !!!!!!!!
وياليت لو وحده شافة درجتها أقل من مستواها تكتب لنا شنو صار معاها
يمكن يكون صوتنا مسموع عند أحد!!!!!!!
ماعندي فكره اذا يصير ايراجعون او لا
بس حبيبتي الورقه اتمر على اكثر من مصحح
هذا اللي اعرفه
و ما شالله 79 نسبتج حلوة و اتدششج الجامعه
ترى مو مدلعينهم و لاشي بالعكس لاعنين خيرهم بالامتحانات و ترى الي تسرب شوية و بعضهم على اخر لحظة غيروا الامتحانات و خلوهم حيييل صعبة !! نفس الفيزياء عاشر–الكل انصدم منه لانه غيروا باخر لحظة !
و ترى الشاطر شاطر و مااتوقع في شي ضدكم لانه التصليح وااحد —و الاسماي مو مبينة ((مغطينها)) و هذا كله ضد التحيد !!!
و على امتحان الانقليزي خلينا خلينا نقول الكل غش –الــــكل الكل غش و يابوا الدرجة النهائية هذي بالكثير بتزيدهم درجة وحدة من امية (( بالكثيييييييييير )) اذا ماكنت جم شخطة
و ترى مو الكل غلش و الي غش الله يحاسبه لانه ماكانت عندة رقابة ذاتية —ذكري ربج و لاتشيلين بخاطرج و محد دلع الموحد بالعكس هذا يسمونها الدفعة المقرودة لانها كانت حقل تجارب !!
انا يوم كنت طالبة ساعات اطلع بالامتحان و حاطه في بالي full mark مو ناقصة درجة او درجتين ! و سبحان الله لما تطلع تكون اقل من الي متوقعته انا !!
و تدرين يوم كنت اشوف الامتحان كنت اطلع انا غلط و يكون عندي اغلاط بسيطة انا كنت ساهية عنها !!
عشان جذي هذي فايدة المراجعة اكثر من مرة بالامتحان —
لاتشيلين بخاطرج و ترى لو صج في غلط او انتي حاسه انه في شي غلط –ماشفنا المتفوقات !
بالنسبة لنظام المنازل ماعندي فكرة عنه للاسف
موفقه يااارب و الله يسهل امورج
مشكووووووووويين بنات ماقصرتوا
بس للحين مو داشه مخي درجتي بعلم النفس خاصة
المادة سهله واللإمتحان كان ماااااااااااااي
وإذا كلش كلش بييب 18 أو 17 مو 14
والشي الثاني مادة الإنجليزي الغش اللي صار عارفه في الوزارة
وكل المعلومات اللي بلإمتحان عطونا إياها يعني صحيحة
والدرجة والدرجتين وايد تزيد المعدل
ولاتقولون الورقه تمر على جم مصحح
في ناس ماكانت تتوقع النجاح إنجحت …يعني متفقين المصححين مع بعض
ناس بيدزونهم على أي أساس ؟
مايعرفون أساميهم لكن … مثل ماصار مع موحد يبون نسبه معينه للنجاح
أبي أعرف اللي حالين عدل ليش منزلينهم ؟
ومادة الإنجليزي على الأقل بما إن كل الأجوبة صحيحة
على الأقل 55 من 60
أو 50 بالكثير مو 44 !!!!
شي مايتصدق!!!!!!!!!!
اذا نفسه .. فـ عادي مو بس انتي انظلمتي
احنا عندنا بالدستور مثلا غلطت غلطة عليها نص درجة بالشهادة انزل درجة كاملة
غلطت علطة عليها درجة بالشهادة انزل درجتين .. فهمتي ؟؟
يعني في مواد حسبتهم مادري شلون
والانجليزي عندنا سؤال واحد عليه 5 درجات او 10 درجات
سؤال واحد يعني جملة وحدة اكملي الفراغ مثلا عليها 5 و10 !!!
اما هذا او انهم صج فاتحين الأسامي ومصلحين على كيفهم
تقدرين تشتكين اتوقع عند الوزارة
ويطلعولج اوراق امتحانج ويراجعونها مرة ثانية
يعني من بين كل الناس اضلموج انتي ؟؟؟؟؟ و نقصوا درجتج انتي ؟؟؟ و التصحيح غلط ؟؟؟ و الوزراة غلط ؟؟؟ و المصححين غلط ؟؟؟و تشكيين فيهم كلهم
هذول قاعدين يشتغلون من صباح الله خير و مايعرفون ورقة منو هذي (( و قاعدين يصلحون من قلب )) و ترى على فكرة الخريجين الي ب12 ( جميييع مدراس الكويت بعد الامتحان مباشرة ياخذون اوراقهم و يودونهم مدرسة وحدة للبنات و وحدة للبنين ) و في هل مكان يصير تصحيح جماعي و تدور الورقة على اكثر من مصحح و بعدها المشرف يوقع مرة ثانية و ثالثة !!
و ترى مو انتي الي تقولين انا حالة عدل او مو حاله عدل –درجتج اهي الي تقول و ترى في ايجابات معينة يبونها توزع على المصححين و الي نجحوا و ماكانو متوقعين موفقين عليهم بالعافية !!!
و على الامتحان الانقليزي –انا قالولي اتسرب بس ترى مو الكل غش و الي غش حسابه عند ربه ! وبعدها غيروا الورقة الثانية – نفس ماصار بالعربي بعد ماتسرب انصدموا فيييه انه كان مو مثل الي تسرب و كان حيل صعب
ترى باي امتحان يكون في اكثر م 3 نسخ في حالة التسرب — و اذا تسرب بسرعة يوزعون النسخ الثانية !!!
و انا قلتلج بالكثثثير اذا غشوا و يابوا full mark تزيد درجة (( مو درجيتن )) اذا مو جم شخطة , و هذا انقليزي يعني خلينا نقول الطالب غش بالاختيارات لما اتيليه القرامرز + الست بوك+الفنكشن === هذول كلهم يبليه سبيلنق صح و اي سبيلنق غلط تنقص و مااتوقع واحد بيحفظ كل الجمل صـــم !! —
———-
اختي اسكادا فهميني شنو قصدج ؟؟ يعني تبين ورقتج او تشككين بالتصحيح لانج انتي الوحيدة الي مو مقتنعة و اعيد مثل ماقلت مو انتي الي تقولين انا حليت زين او لا — درجتج الي تقول !!
حمدي ربج و فكري شراح تسووين الحين
هلا حبيبتي … آنا كنت أحاول دايما أطالع الدرجات
وأشوف جم علامة تقريبا مو شرط عدد الأخطاء
يعني مرات يكون عندج 4 أخطاء بس كل خطأ ربع درجه
يعني ما ينحسب عليج شي … يعني منتبهه على هالنقطه
وآنا ماقصدت فاتحين الأوراق لأن لما نجّحوا يبي ينجحون الكل
ومشكورة عالرد
المحيلبية
هلا فيج مرة ثانية
ماأقصد أشكك بأحد … والوزارة كلها بكبرها على راااااااااسي من فوق
والله يعطي المصححين العافية اللي كانوا مجابلين أوراقنا …
آنا ماقصدت … إنهم إستقصدوني من بين البنات كلهم …
يعني وايد ناس يقولون ساعدوا النظام الموحد … هل كانوا يقصدون أحد بعينه
شلون ما دارت الورقة على كذا مصحح وشافها !
إمبله بس قصدهم يعممون نسب نجاح معينه على الكل … يعني بأي وزارة تصير إذا يبون يتساهلون بقرار أو شي يقدروووووون
وترى رفيجتي نفس الكلام حاطين لها درجه على الحفه بعلم النفس مع إنها حاله زين
آنا ما أشكك بأحد بس مستغربه
وبالنسبه للسبلنق آنا متأكده منه إن شاء الله بس مو كله صح أكيد
فأتوقع يتكون الدرجه على الأقل 50
مع إن في بنات مو أشطر مني لكن درجتهم بلأنجليزي أحسن مني!!!
وقتلج الأجوبة كانت وحده وكلها صح!!!
هذا اللي مستغربيته
وآنا ما أحلل الغش طبعا
بس لأن يه تعميم من الوزارة إن يساعدونا
فهذا يعتبر مثل الواسطه في أي وزارة … لما أي معامة ماتمشي
أو شرط من الشروط مو مستوفي والواحد أييب واسطه
والوزارة المهم تدري وما في تلاعب من ورى ظهرها فهذا عادي لأنهم سامحين
وأعرف خوات رفيجتي السنة اللي فاتت راحو عشان يصححونلهم أوراقهم
بس شرطوا عليهم إذا في شي زياده بيزيدونهم بس إذا اقل راح ينقصونهم
بس ما أدري شنو صار عليهم … وآنا راح أسو مثلهم وراح أقبل بالشرط
لأني متأكده من الحل
وماقصرني على ردج
وصاجه يبيلي أفكر شسوي ألحين
ومشكوووووووووووورة حبيبتي ماقصرتي
الحمدلله على كل حال .. انا صج مارضيت بنسبتي بس الحين دشيت احلى كلية الحمدلله
مشكوره حبيبتي ماقصرتي
عاد سبحان الله القلوب عند بعضها أحاول أكلمج علخاص بس مو راضي
وهذا رابط من الراي يأكد إن كل منطقه تعليمية لها كنترولات خاصه فيها وهذا ساعد على تغيير النتايج
بس خلاص … الطيور طارت برزاقها
اللي نجحوا وتوفقوا …. الله يهنيهم
واللي حسوا إنهم إنظلموا لو نص درجه … بس إن شاء الله ماتتكرر السنوات اليايه