|
|
كيف تزفين خبر حملك لزوجك الغالي؟
نقلتلكم اليوم بعض الافكار لتختاري منهاالافضل والأجمل عندما تزفين خبر حملك لزوجك الغالي
الفكرة الاولى
لما تسوين اختبارالحمل ويطلع ايجابي غليفيها بالبلاستيك الشفاف وحطيها بعلبةهدايا واهديها لزوجك
وحطي فيها رضاعة وتكتبن في ورقة بابا انا ارسلت لك الرضاعة مع ماما بس
لاتنسي اذا جيت ان شاء الله رجعها لي..
الفكرة الثانية
أعملي نفسك متضايقة وحزينه وبعدها قولي له انه في سر ابي اقوله لك وقولي
انا أحبك كثيربس للأسف في واحد ثاني دخل حياتي بدون أستئذان وبدون ما أشعر
خلاني أحبه وأنا أسفه لانه أخذ شوي من مكانتك عندي سامحني الله يخليك وبعد كذا
قولي له اذا تبغي عنوانه هو موجود معي انت شوف يدي وين هو ساكن داخل
حطي يدك على بطني وبعدين راح يفهم المفاجاة..
بس اللى تجرب هالطريقة تنتبة من زوجها مايكون سريع الغضب ولازم تقولين له بسرعه
قبل مايزعل واذا كنت خايفه من رد فعله لاتجربي هذه الفكره وسلامتكم..
الفكرة الثالثة
اول اتعرفين انك حامل إطلبي من زوجك يوديك السوق وادخلي محل بيع الملابس الاطفال
راح يستغرب ليش انتي داخلة هناك ؟؟لاتتكلمي بس واصلي وروحي عند الملابس واختاري اي شئ
وهنا راح يسالك لمنو تشترين قولى له حق البيبي اللي جاي في الطريق خخخخخخخخخ
طبعا راح يطيرمن الفرح ويمكن راح يشتري لك المحل كله خخخخخخخخخخخخخخخخخ
الفكرة الرابعة
ممكن تاخذين الرضاعه بالكرتونه ومع أغراض البيبي وتكتبين معها بطاقه وتضعين معه نتيجة التحليل
جيبي ورده حمراء وحطي معها كرت واكتبي في البدابه الكلام حلو لزوجك بعدين اخر شئ اكتبي اني
احب اهدي هديه حلوه بس للأسف ما اقدر اعطيك الهديه الإبعد تسعة شهور (أنا حامل)
الفكرة الخامسة
ممكن تسوين حفله بسيطه ويكون فيها ثلاث شمعات وتكتبي تحت كل شمعه اسمك وأسم زوجك وأسم البيبي اذا كنتم مختارين أسمه او تكتبي ابننا القادم ان شاء الله أو تسوين كيكة تكتبين فيها مبروك الحمل..
:wt45:
مع تحياتي
وردة ملاك
معقولة
يعطيج العافية
انا سويت الاولى يوم كنت حامل بولدي
آنا إذا طلعت حامل إن شاء الله بسوي فكرة السوق عشان أستفيد شوية
يمكن أحصلي شي بالطريج من الفرحة
عاد انا بالعكس
لأن اهوا يشوف نتيجة التحليل ويبشرني بالحمل
ماعمرى بشرته هو اللى يبشرنى
احلل واطلع البيت ولا السوق ويدقون عليه يقولون له
انا سويت الفكرة الاولى و مسكيين انصدم لمن شاف يقولي شنو يعني و اهوا يضحك
اقوله مادري هههه يقول لااااا من صجي شنو يعني قتله شوف اللي مكتوب و استااانس مسكييين ما قدر يقول شي لسانه انربط يا قلبي عليه هههههه
الله يخليه و يفرح قلبة و ينجحه بامتحاناته يا رب
لوووووول بس كان توه قاعد من النوم وبالفراش
انصدم حسباله قاعد يحلم
بس انا اذكر صورت التحليل مال البيت و دزيته له ام ام اس
و الحجي كان الصبح و اهوا بالدوام
دق حدااا غشيان من الضحك و مستانس