كرسي لولد عمرة سنه ونص ومصاب بشلل دماغي وللحين ما يقعد

مرحبا بنات قلت مالي غيركم يساعدني احنا اهنيه بالمنتدي عشان نساعد بعض وننفع بعض ويمكن موضوعي يفيد كثير من الامهات الي عندهم عيال معاقين
المهم ولدي عمرة سنه ونص بس للحين ما يقعد ولا يحبي ولا يمشي بسبب الشلل الدماغي ومحتاجه كرسي عشان يعلمه القعدة لان اذا حطيته بالعربانه يميل جسمه يا لجهة اليمين او اليسار وهذا موزين علي ظهرة لان بعدين لاسمح الله يصير عنده انحناء والكراسي العاديه الي بمذركير ما تنفع له ابي كرسي مخصص للفئه هذي وين احصل ارجوكم مساعدتي والله يجزاكم خير ويكون بميزان اعمال الي ترد علي

لااااازم كرسي طبي حبيبتي بمواصفات خااصه
فصلي له.. شوفي طبيبه يحولج ع الطب الطبيعي
الله يشفيه ويخليه لج

السلام عليكم
الله يشافيلك ابنك ان شاء الله ابنك لازم يروح علاج طبيعى وهم هايصمموا له الكرسي الملائم له وكذلك جمعية رعاية المعاقين قدميله هناك بيهتموا جدا وبيساعدوا
وبعدين حبيبتى فيه كتاب اسمه اطفال القرية المعاقين الكتاب دة بيوزع مجانا فيه حاجات مفيدة وبسيطة تقدري تعمليها مناسبة لطفلك حاولي تجيبيه انا اعرف ان فيه نسخة في جمعية الرعاية هاكتبلك العنوان البريدي وحاولى تحصلي عليه وان شاء الله هايفيدك

المركز المشترك لبحوث الاطراف الصناعية والاجهزة التعويضية وبرامج تاهيل المعاقين
ص0ب 27240 الرياض 11417
المملكة العربية السعودية
-فاكس هاتف 01-4932897

وعلى فكرة لو حضرتك بالكويت اقدر اعيرك نسختى بشرط انك ترجعيها تانى وشكرا

انا من الكويت هالكتاب هذا وين احصله وين عنوان جمعيه المعاقين
وانا اسويله علاج طبيعي بمركز خاص واي مركزعلاج طبيعي يسون حق ولدي كرسي

السلام عليكم
اختي ودي ولدج مستشفى تبع منطقتكم ويسون له فحص ويعرفون حالته ويحطون له ملف وهم يحولونه ع العلاج الطبيعي ويصرفون له كل شي من كرسي وعلاج وتجهيزات [ بامبرز وحليب ]
والله كان ودي افيدج بس ولد اختي عمره 4 سنوات وعنده كرسي بس المقاسات كبيرهـ ..~
والله يشفي ولدج ويقومه بالسلامه ..~

السلام عليكم
الكتاب ده ارسلي على العنوان الذي كتبته واطلبي منهم الكتاب هايبعتوهولك بالبريد وطبعا عرفيهم مشكلتك هم مايقصرون
بالنسبة لجمعية رعاية المعاقين لو تعرفي المهلب بحولي او جمعية الفنون التشكيلية او المعهد التجارى اللى مقابل نادي القادسية هناك جمعية الرعاية وممكن ترروحيلها من شارع القاهرة هي بعد المعاهد الخاصة وقدمي لابنك هناك هم خدماتهم كويسة ومجانية والكتاب عندى لو حابة تستعيريه وشكرا

اختي ماري مشكورة وايد علي تعاونك بس اشلون اتواصل معاك اذا ابي استعير الكتاب او اصورة منك