كتبتي تعهد في المدرسة!!!!!!!

صـباحكـــم / مساءكــم ورد وجــوري

أعضاء منتداي الحبيب
بادخل في الموضــوع دون مقدمات

أجيبوا عن الاسئلة التاليــة

هل سبق وكتبتي تعهـــد في المدرسة؟
كم مرة كتبتي تعهدا؟
مع ذكــر السبب؟

يالله كل وحده تتشجع وتشاركـ….

_03ba:

مسا الانوار

<< الحمد الله ولاا مره حتى التخرج

انزين و انتي ؟؟

قواج الله

لووول
انا اول تعهد كتبته بالثانويه كنت كاشته بالحصه وجكوني وكتبوني تعهد

الحمدالله ولا مره خالفت بشي لين تخرجت وافتكيت <<سيرتي حسنه لوول

انا مرة كتبت تعهد بالمتوسط

ما اذكر ليش بالظبط بس شي عن الناظرة

معاندينها او شغلة جذي

ولا مره بس تعهد خربوطي بالثانويه انا ورفيجاتي ثنتين بورقه وحده كل وحده تكتب اسمها وتوقيع بلانجلش

كاشتين بالحصه ومجذبين قايلين فراغ

أذكر مره وحده بـ المتوسط .. انا و6 غيري قمنا نطبل ونرقص بالكلاس لووول

ولامره

لاني امشي جمب الحييط هههههه

ههه
انا كتبت مره بالثانويه اعتقد كنت ب 2 ثنوي يعني عاشر
كنت كاشته وقلت وداشه الحصه متاخر وودوني الناظره
وبس تخرجت وخلصت يعني تعهد واحد زين مع اني ما كنت شيطانه(حيييل) ّ

لووول اي مره كتبت يوم كنت بعاشر ..لاني كنت كاشته بالطابور

كتبت تعهد بثالثه ثنوي
كنا نطفر الابله الي تودينا الفراغ نركض عنها
و انخشينا بالحمام جان تجكنااا وتودينا الاداره

ويوم طلبو رقم ولي امري
عطيتهم رقم موبايلي

والله انا مثل كرك
ماشية جنب الحيطة

بس عطوني تعهد عشان الصف مسوي ازعاج بعد ادبي يعرفون يعقلون
وعلى قولتهم"الخير يخص واشر يعم" شهالنظرية
يا ربي انا شكو والله ماسويت شي

ويييييه ذكرتوني بالذي مضـــــــــــــــــــــــــى

لما كنت بالثانوي اذكر ابـــله البدنيه مصريه كتبتنا تعهد عند الناظره ما نغش بالامتحان..كل الشعبه

وقت الامتحان نتفق ..نص الصف يشغلونها و النص الثاني يتبادلون الاجابات

بعدين قمنا نتمادى

صرنا نتبادل ورقه الامتحان بكبرهاااا لووووووووووووووووووووووووووول

وقما نتبادل علووج لووووووول

بس ترا كنا ما ننلام

امتحان البدنيه منو يعترف يدرس له ..قبل الامتحان نقرى جم كلمه من الكتاب و عقب ندعي ربنا (اللهم لا سهل الا ما جعلته سهلا ) و نتوكل

والادهى و الامر يخلونا نقعد نتربع و نحل ورقه الامتحان عالارض

من كثر ما نضحك و نتكركر جكتنا الابله و ودتنا للناظره …

اللــــــــــــــــــــــه اياام

يعني التعهد اللي كتبته كان جرم جماعي مو شخصي

نفـــس الحــاله لووول

هل سبق وكتبتي تعهـــد في المدرسة؟اي
كم مرة كتبتي تعهدا؟وايد

مع ذكــر السبب؟مادري مااتذكر كل مرة ليش بس اتذكر مرة كنت اتغشمر ويا رفيجتي بالمقص
جان ايي بوي مو اللي وراي اللي وراها بس ماحاشها والبنيه مسامحتني بس الابلة شافتني ومتنا من الضحك جان تودينا الادارة انا ويااللي يمي واللي كفختها واللي يمها لانه سوينا ازعاج بالصف وقمنا نضحك بصوت عالي ووقونا كلنا تعهد>>>مادري اهمه شكو بس يات سليمة