قرحة الرحم

السلام عليكم ورحمة الله وبركاته

شلونكم حبايبي؟

بنات بدخل بالموضوع على طول انا هالايام صاير فيني قرحة بالرحم مو هذا الموضوع

الموضوع ان الدكتوره قايله لي انها اذا ماراحت بالمضادات راح تكويها والكوي يحتاج الى تخدير كامل

معقوله بنات؟ الكوي يحتاج بنج كامل ؟ جنها عمليه جراحيه ؟

ردو علي بليز

كي القرحه ما يحتاج تخدير اهو مثل الفحص العادي ودخل عود وتكوي القرحه وفي نوعين للكي وكلهم ما يحتاجون تخدير

لا حبيبتي لا تخدير ولاشي واصلا ماتحسين في اي شي لان كي قرحة الرحم اصلا بالتبريد مثل ماقالت الاخت تدخل عود وتكويه وماتشوفين شر لا تحاتين

مرحبا اختي،

انا الوالدة مسويه الكي، وكان لمدة عشر دقايق وما خدروها ، ولا حتى موضعي، يعني شي عادي ما اعتقد يحتاي للتخدير ، اسألي دكتور او استشاري ثاني وشوفي عشان تتاكدين اكثر

وسلامات

روحي للدكتورة خالدة المجيبيل برويال حياة دكتوري قال لي روحي لها واللي تقوله سويه

بنات شنو قرحة الرحم شلون تحسون فيه

انا سويت الكي وكان تخدير كامل
بس قعدت من التخدير كلش ما حسيت بالم
واختي سوتعا بدون تخدير وكانت سهالات

شوفي انا قالتلي الدكتوره فيني قرحه بالرحم وعطتني مضاد حيوي والمضاد مايمنع الحمل وبعدها بشهر حمل على طول الحمدالله وماشاءالله ماصار فيني شي ومادري اذا راحت القرحه ولا لا
يعني لا تحاتين من ناحية الحمال ادري انا داشه عرض بس ودي افيدج لاني كنت احاتي عبالي ماراح احمل او اني راح اطول بالحمال

نفس حاله برونزيه بس ودي اعرف شلون عرفتي انها قرحه لان الحين وانا حامل دكتورتي تقولي الدكتور الي قالج ان فيج قرحه يجذب بس علشان يسوون الكوي والادويه ويمصون الفلوس

مشكورين بنات كل اللي ردو عساني ماانحرم منكم وعسا ربي يعافيكم ويشافيكم

انا كان وياي التهابات من زمان ماعالجتها وبعدين قامت تنزل علي افرازات غريبه وهالمره طولت وياي الدوره وعوار موطبيعي بالظهر وافرازات فظيعه ولما رحت للدكتوره قالت لي قرحه

الا اله الا الله

أنا عن نفسي كانت فيني قرحة الرحم..وكويتها عند د.سكينة فرمن..لا تخدير ولا شي تهبل خمس دقايق ما تاخذين ولا عوار ولا كلام فاضي الدكاترة..نصيحة روحيلها هي تحددلج اذا تحتاجين كوي ولا لا..

احسنلج اخذي تخدير والله احسنلج بتدشين وبتقعدين اعصابج انا وافعد خالصة

سويت كوي للقرحه عند دكتوره لاتخدير ولا شي

عوار مثل الدوره لما الدكتوره تكوي ويروح

الله كريم