شلونكم كوييتيات وغير كويتييات (( يعني بدون))
اتغشمر معاكم
حبيت اعرف رايكم شرايكم بالقصص قبل النوم؟؟
تقرون قصص لعيالكم قبل النوم؟؟ وشرايكم هالشيء يفتح عقول عيالنا ولا ماله داعي
انا بنت اختى مزعجه حدها بس لما ابي اسكتها اقولها قصة من عقلي والقاها المسكينة مندمجه حيل وإتأثر بالقصة اذا تبجى .
ودي اعرف فيه ناس بالكويت يداومون على قراءة القصص لعيالهم خصوصا قبل النوم؟ شرايكم بنات:
واللهي انا احيانا مو دايما اقر لعيال اهتي في قصص للاطفال يبيعونها تكون اما دينيه او اثرائية بس صراحه مو دايما شكرا عالموضوع ">
انا ولدي عودته ما ينام الا لمن اقوله قصه وطبعا من تاليفي وكلها خرابيط بس يستانس
حلو انج تقرين لعيالج قصه قبل النوم
خصوصا اذا كنتي فاتحه كتاب جدامه وتقرينها معاه
هالشي يخليه يركز على الكلمات حتى لو مو عارف شنو مكتوب بس يتابع معاج
ويحببه بالقراءه لما يكبر
ويقوي عنده القراءه
عيالي عندهم شي مهم القصه قبل النوم كل واحد فيهم يبطل قصه من قصصه ولي يعرف يقرى يقره والي ما يعرف يقعد يشوف الصور واهو يؤلف القصه من عنده
انا كنت اقره حق اخوي الصغير قصص قبل لا اتزوج حتى عقب ماتزوجت بالنفاس نام مع امي عندي لانه صغير كان يقولي قوليلي قصه طرزان ههههههههههههه يحليله
وانشالله بس تكبر بنتي شويه بقولها قصص
لان القصص مفيده ومن القصص تقدرين تعلمين عيالج الاشياء الزينة والاشياء الشينه
انا ولدي مو متعود ينام الا لما اقوله قصة وطبعا كلها خرابيط لانه توه سنتين بس يكمل 3 ان شاء الله بشتري له قصص عشان يحب القراءة
لا مالنا خلق و ماكو وقت!!!!
ضحكتيني ام حمودي بس والله البنات صاجات القراءة مفيده واقسم بالله العظيم ما قدرت افتك من اذى بنت اختى وولدها الا بالقصة صج بينو انهم بريئين (( يا حبة عيني خخخخخخخخخخخخ)) وفعلا انا لما كنت صغيرة كنت اشوف اختى الكبيره تقرا قصص واجد وشوي شوي قمت انا اقرا وفعلا تفتح العقل وتوسع الخيال ونقدر نعلم عيالنا الصح من الغلط على العموم شكرا على مروركم وعساكم ع القوة الحين روحو لعيالكم واقروا لهم قصة بطوطه والسنجاب الاخضر (( من عقلي الاسم )) بس شرايكم فيه مايصلح قصة للجهال خخخخخخخخخخخخ شكرا حبايبي