فيني ضيقة مو طبيعية والله سامحوني بس ادش وافضفض لكم محتاجتكم والله العظيم

حبيبتي والله ياريت ما تزعلين من كلامي

اول شي مادامج مو ملهيه نفسج ودايم تفكرين بالحمال راح يقل هرمون الحمل عندج لهي نفسج باي شي

ثاني شي عاليه الفضلي ما يمدحونها واايد روحي حق فوزيه القطان وصلي استخاره

بس اهم شي النفسيه ولا تفكرين لا تفكرين لا تفكرين

واي شي تبينه اانا حاضره

والله يرزقنا بالذريه الصالحه قريييب يارب

مشكورة حبيبتي

عاد تصدقين
هالشهر
كنت ماافكر اصلا بالحمال
والله كنت لاهية
وكانت فترة امتحانات عندي

وكنت بالعكس مستانسة

بس اذكر مرة قبل لا اخذ ابرة من الابر
تضايقت من موقف

وحتى عقب فكرت قلت اخاف هالشي اهوا اللي اثر علي

وكان موقف مو حلو

ومشكورة على مرورج ياقلبي

حبيبتي

عسى الله يفرج همج
ويرزقج الذرية الصالحة ويفرح قلبج اللهم امين

عادي حبيبتي كلنا نمر بهالشي بين فترة وفترة ومو شرط الحمال والعلاج اهمة السبب لا … ساعات تلاقين الواحد نغلق من روحه ومو عارف ليش اصلا اهو متضايق

يعني حالات الضيج متنوعة

و الظاهر حبيبتي التفكير اهو اللي مخليج جذي متضايقة ومتكدرة وهالشي غلط ترى التفكير يشل المخ ويجعل الانسان يااااااااااااائس جدا

لا حبيبتي لا تستلمين للحزن والضيج توكلي على الله واستغفري ربج وادعيه بكل صلاة وبالليل خصوصا ناجي ربج الكريم وما يقصر

يوخر عنج الضيج وييسر امورج
اللهم امين

قلبي معاج وحاسة بضيقتج كبيرة فعلااااااااااااااااااا

حبيبتي ربي يوفقج ويريح قلبج

يارب يرزقج بالذريه الصالحه اللي تفرح قلبج ..

انا اقول زيادة على البنات كثر ماتقدرين اقري صورة البقرة وان شاء الله اتينا بالبشاارة الحلوة

والله يشرح صدرج ويرزقج بالضنا الصااالح

يا بعد عيني انتو

لا خلا ولا عدم

تعوذي من الشيطان وهذا رزق الله كاتبه شوفي متى مالج الا تدعين وتستغفرين وتصدقين وان شاء الله بيرزقج

نصيحه غيري عاليه لعبت بوحده اعرفها وعطتها امال ومسكينه ما حملت ارتفع هرمون الحليب وتكيس وبلاوي ونصحتها تروح للدكتور منصورالعرف بالجهراء وماشاء الله عنده 3 والفال لج

بس لا تفكرين واجد مو زين

يا قلبي حطي فبالج ان هالشي يمكن يصير يمكن ما يصير يمكن بعلاج يمكن بدون علاج

اانا مابي احبطج ولا شي بس ربج موجود وهالشي اختبار لنا وان الله مع الصابرين

يا قلبي انتو

كل وحدة وين تعالج

انا لاحظت ان بنات وااااااااااااايد يعالجون عند فوزية القطان صح؟

يا قلبي انتي عساه هالضيجة تروح منج اللهم امين

حياتي انا قبل لا ابدي علاج في اول زواجي كنت مفكرة اروح لدكتورة عالية بس قالتلي خالتي انحاااااااااااااااشي منها كلش مو زينة و تعصب و تهاوش انا مابي جذي انا ابي اروح حق دكتورة ارتاح لها

بعدين احترت وين اروح جان اروح للدكتورة ماجدة كميخ و بديت علاجات و لمن سويت الابرة التفجيرية ماصار حمل بعدها بشهر حملت حمال طبيعي ولله الحمد

عندي حماتي طولت ما حملت جنه صارلها سنةو 7 شهور المهم راحت للدكتورة فوزية القطان على طول ثاني شهر حملت و يابت بنووووتة

ادري هذرت وايد بس كل اللي اقوله غيري دكتورتج شوفي و لا تنسين الاستغفاااار لان اولا و اخيرا الحمال من رب العالمين

اذا بغيتي اي شي انا موجودة

بعطيج نكتة ع السريع
يقولج في قزم عطس جان يطق راسه بالارض
لوووووووووووووووووووووووول

اخاف تكون مليغة

ا بعد عمري عسى ربي يشرح صدرج و يسر امرج و يرزقج الذريه الصالحه والله بجيتيني يالغاليه

حبيبتي انتي لاتتضاااااااايقين
والله يلوم اللي يلوومج
لان سالفة الحمل بالنسبه لنا حييييييل حساسه
بس الحمدالله على كل حال
هذا ابتلاء من ربنا
والله سبحانه اذا أحب العبد ابتلاه

شوفي اختي اول شي عشان تروح الضيقه اللي فيج
خليييييج دايم تقرين البقره وارقي نفسج وشربي ماي مقري
وحاولي تجربين اشياء طبييعيه تنشط المبايض مثل الاعشااب .. والخ

وبعدين غيري دكتورتج..يمكن الله سبحانه موكاتبلج الرزق معاها
او مثل ماقلتي اذا تبين تقعدين هالشهر بس معاها واذ ماصار حمل غيريهاا

والله يسهل اموررج ياارب
ويكتبلج الحمل ياارب ويرزقج الذريه الصالحه عاجلا غير آجل

اول شي ليش متضايقه انتي توج عرووسه .. الوحده ماتخاف على عمرها ولا تبلش اعالج الا من بعد سنتين من زواجها لانه اذا ماصار حمل قبل هالفتره شي طبيعي عادي لين ياخذ جسمه وهرموناتج على جسم ريلج حبيبتي انتي طولي بالج .. تبين حل لمشكلتج؟؟

اخذيها من اخت .. وقفي المراجعات ولاتراجعين اب ولا مكان حلو؟
اول ماتييج الدوره شربي مرميه جاي ومراميه حيلج فيه وهم شربي حليب وحلبه كثري وايد كل ماضاق خلقج شربي واحد منهم واكلي انانااس وعصير اناناس طبيعي ..واستمري عليهم لي يوم 14 و 15 و16 خل يصير الجماع قبله لايصير كلش الا اب هالايام عشان تهيأين نفسج ومبايضج حق هالايام ومايتعبون حلو؟؟ صار الحمل اب هالشهر كان بها ماصار نطري الشهر اللي بعده .. خلي هالاشياء عاده تعودين نفسج عليهم كلها منشطات طبيعيه حق الرحم ومامنها ضرر باذن الله .. اما الادويه كل ماتاخذينهم قاعده اتعب مبايضج واتقلل الاستجابه حق العلاج واهي المفروض ماتعطيج تفجير لما كان حجمهم 15 و 16 لانه مامنها فايده حجمهم صغير وايد الحين وكلي امرج لله وانتي مافيج شي يمنع الحمل واقتنعي اب هالشي حبيبتي انتي بس ريحي مخج وحاولي تستانسين مع ريلج ابهالفتره لين ربكم يكتبلكم الياهل وكل شي خيره من ربج صدقيني.. والله مايضيعلج تعب انشاء الله

ياقلبي والله حاسه فيج تعوذي من ابليس ولاتفكرين بالحمال لان التفكيير بيلعب بهرموناتج والله يرزقج امين