|
حلوة على المحك اعجبتني
بنات اول الشي السلام عليكم ابي اطلب منج طلب ياللي تقرين موضوعي اول شي اقريه كله وحطي نفسج مكاني وثاني شي ادعيلي محتاجة دعوة صادقة
اعرفكم بنفسي معلمة رياض اطفال للاسف الشديد مع حبي للمهنة إلا انها مهنة شاقة مو بس على المعلمة دوامي اثر على بيتي وحياتي اكيد معلمات الرياض عارفين وحاسين فيني
اللي ماتعرف شنو مدرسة الرياض تسوي لما ترد بيتهم على طول تفكيرها شنو بسوي باجر وتبدي تحضيراتها لي درجة ساعات مالي خلق ر يلي واللي صار فيني اني كنت حامل بعد معاناة وعلاج لكن الحمدلله على كل حال الله يعوضني ادعولي بالذرية الصالحة اني ربي كتبلي اجهض الله كريم والحمدلله الخيرة فيما اختاره الله
وريلي المسكين الحين يقولي قدمي استقالتج وجابلي بيتج طبعا انا ودي ومنى عيني لكن اذا قدمت استقالتي شلون بنعيش اذا اهو معاشه طاير على الاجار والاقساط و الذي منه احنا نعيش على معاشي وهم مو ملحقين وعلاج وحالة شلووووووووووووون فهموني
حاولت افهمه مو راضي انا الدوام مايخليني افكر بالحمال والعلاج يضيع وقتي بس اهو موراضي يحس فيني
اللي ابيه منكم في وحدة مدرسة قدرت تنقل بدون واسطة تروح حق مكان مو شرط نفس المعاش بالضبط يعني لو اقل بحبتين ميخالف او في وحدة راحت وزارة الأوقاف او الشؤون بليييز مابقى شي على الدوام ما اقدر استقيل منو تفيدني والله لا ادعيلها ليل نهار من قلب صادق
مشكورين مقدما
للاسف ماعندي اي معلومات
ان شاء الله البنات ايفيدونج
مشكورة حبيبتي عالمرور الكريم
للــــــــــــرفع
الله يرفع قدرج بين خلقه
مشكورة حبيبتي
والله يوفقج
بس انا ابي اطلع من التربية بكبرها