عندج ذوق و " خبرة " دشي بسرعة

شلونكم بنات ديرتي شخباركم

انا بدش بالموضوع على طول و ان شاء الله ماراح اطول عليكم

اختي بتتزوج و حدنا متوهقين صراحه اهي اكبر وحده فماعندنا خبره والميزانيه محدوده جدا

هذا طلبي واسئلتي و ان شاء الله باذن الله ماراح تردوني:

1- وين اماكن يبيعون بدلات ملجه اسعارها زينه و مناسبه و تكون موديلاتها ستايل اللبناني يعني راقيه و ذربه و ناعمه

السعر يعني مايتعدى 150 -180 ادري يمكن تقولون شويه بس اكيد في اماكن تكفون ابي مساعدتكم ضروري.

2-بعرف شنو الالوان الدارجه السنه هذي 2024 لنفنوف الملجه و الديكور الكوشه

3-اذا تعرفين مكان اتيليه او وحده تخيط بالسعر اللي قلته فوق حتى لو بالبيت عندها مشغل وشغلها مجرب و مضبوط عطيني رقمها و عنوانها اهني او عالخاص بليييييز ضروري جدا والملجه بعد 3 اسابيع يعني الوقت بعد مو وايد

4- نفس الشي بعد لنفنوف العرس وين مكان يسوون نفنانيف عرس او يبيعونهم بحدود ال 500

تكفون ابي تفاصيل ارقام و عناوين لان ماكو وقت و الوالده الله يطول بعمرها حيل متضايقه و تحاتي فقيره وموعارفين شنسوي واختي العروس عندها امتحانات و ماكو وقت كلش كلش كللللش الواحد يسوي شي

الله يبارك فيج ياقلبي ان شاء الله تسلمين ماتقصرين عالمشاركه بس انا شفت الموضوع اللي قلتي عنه ومالقيت شي يفيدنا كله المحلات الغاليه
انا سمعت وايد عن اللي ييبون نفانيف من لبنان و يسون نفس ا لموديل الي تبينه بمقاساتج و باسعار زينه يعني ممكن القى عندهم اب 500 دينار في وحده يقولون بالجابريه بس ماعرف اسمها ولا شي عنها و لا ارقام ولا شي اذا احد يعرف جان زين يفيدنا
ومشكوره قللبي ومادري عن الجوري صراحه ابي شي مجرب شخصيا