عندج خبره باللانجري تفضلي

مساء الخير
شلونكم بنات؟ عسى دوووم بخير

مبين من الاسم اني عروس يديده و متوهقه

الحين قاعد اجهز بس محيرتني سالفه قمصان النوم!!!!!
احس اسعارهم وايد غاليه و كلها ربع متر خام !!
انا ما عندي خبره كلشششش
فاللي عندها خبره عن الاسعار و الاماكن الغاليه و الرخيصه تعلمنا من وين نشتري عشان ما يطير المهر عالفاضي

و بعد سؤال بباليي وايد افكر انه في وايد قمصان واايد فاضحه !! هل رح اقدر البسهم ؟
او تو الناس؟ انا اخاف اخذ و استحي البسهم ؟ و اخاف ما اشتري و ما املي عين الريال !!!!

اذا لبست قميص النوم هل لازم البس روب فوقه؟ و لا عادي؟
احط ميك اب ؟؟

وااااااايييي احس السالفه كلها مخرعتني و موترتني

بليييييييييييييييز اللي متزوجه و لها خبره تعلمنا على كل شي عشان ما نحاتي

هلا والله حبيبتي

والله شوفي انا مومتزوجه
يعني ماقدر افيدج بكل الاسأله لوووووووووووول

بس توني طالبه حق رفيجتي العروس
من العضوه بريتي قيرل
والله قمصان نومها يهبلوووووون
واسعارها تهبل
وعندها هدايا بعدد
وهذا نكها
PrettyGrL =>

https://picasaweb.com/prettygrls :

وهذا الموقع مالها لقمصان النوم

وان شاالله اكون افدتج ياقلبي

بما اني مو متزوجه بس يمكن عندي خبره محدوده لاني كنت مع بنت خالتي واهيا تجهز

الفال لغير المتزوجات مثلي هاهاها

المهم…

من خلال صولاتنا وجولاتنا في اروقات المولات والاسواق اعجبتني عدة محلات ( متأثرة باسلوب الاخت كاظمية وبعلها نافورة الثقافه هاهاها) سأذكر لكي ما يحضرني منها :

مجمع الايوب + مجمع السندس في حولي يم بلازا

بس هذيل بروحهم عندهم فناتق وحركات وابداعات المواسم لول

وووو مادري مممممممممم أنور + الطاهر + نعومي + اويشو + وومن سيكرت

اخر محلين انا استانس عليهم خصوصا حقنا احنا يالعزوبيات هاهاها حركات بنات وجذي…

ونصيحة اخت لا تشترين وايد يعني ان كثرتي 15 قميص نوم متنوع بين الطويل والقصير وهالسوالف ولا تكررين الالوان… وعقب الزواج بتعرفين ذوقه وشللي يعجبه فتشترين كل ما زرقتي حق السوق

وموفقه يااااااااااارب وعسى ربي يسعدج ويهنيج آمييييييييين

نصيحه
لا تكثرين قمصان نوم وايد تدرين ليش؟
لانج ليلحين ما تعرفين ذوق ريلج؟!
فاختاري من كل موديل شي بسيط
يعني شي موديله طويل
شي قصير
يعني شكلي
لما تعرفين ذوقه عدل
بالنسبه للمحلات الي اسعارها مناسبه
في محل بمجمع بلازا حولي فوق بضاعته امريكيه واسعارها حلوه وفناتك
وعندج لاسانزا حلو
اما للاشياء الفخمه واقصد الي يصير لليلة العرس
شوفي انور والطاهر بس نطري السيل لانهم غالين

وبعدي عن اكسفورد الحراميه!
والله يوفقج ان شاءالله

روحي الفروانية مجمع العربيد بلازا والحمرا مول تلقين حركات وكل شي بأسعار مختلفة

ولاسنزا وومن سكريت واويشو احلى الاشياء

لا تكثرين ثياب النوم
جيبي الطويل و القصير
بس بعدين لما تطلعين معاه اهوا يختار لج خليه اخوا يشتري لج على مزاجه فهمتي !!

*دبدوووبه*
بشورة الأمورة
سمسميه
**فراشة الكويت**
سحلية بوسطن
دلع كويت

حبيباتييي و الله يعطيكم الف عافيه
ما قصرتو

وااااي احس داخله حرب مو زوااج
و بعد سؤال بباليي هل رح اقدر البس اللانجري عنده !!؟
او تو الناس؟ انا اخاف اخذ و استحي البسهم ؟ و اخاف ما اشتري و ما املي عين الريال !!!!

اذا لبست قميص النوم هل لازم البس روب فوقه؟ و لا عادي؟
احط ميك اب ؟؟

^
^
^
عيل تلبسينه عند منو؟ خخخخ يحليلج والله

مازيد على كلام البنات كفوو ووفو والله يسعدج ويهنيج

الف مبروك حبيبيتي

انا شريت من اكسفورد ب100 دينار بسس

وشريت من محلات رخيصه كان بالمحاميد والمعلم لووووووووووووول

حدهم رخاص يمكن تحصلين بخمسه وسته وشريت بجامه ستان 4 قطع بخمسه بس

وشريت قميص نوم ومعاه الروب ماله..وايد حلو ب12 دينار

يعني باختصار شريت الغالي والرخيص

ولبسي جبيبتي قميص نوم مشخلع ولبسي فوق روب قصير لي نص الفخذ ملا وتدلعي على زوجج وخليه يطفي الليتات ويشب اضاءه خفيفه مثلا ابجوره

ونسيت اقولج لا تلبسين ستيان (سوري عاللفظ) تحتهم

لانه شكلج ماراح يطلع حلو

ولا تخافين عادي..وخلي كل شي عالريال اهو راح يريح نفسيتج

شدعوه اهو مو خايف..ترا حتى اهوا حده خايف بس يسوي نفسه قوي ومو خايف وجنه عادي لووووووووووووووول

اقري الدعاء وصلي ركعتين حبيبتي

عروس متوهقه نمبر 2

اشتري حبيبتي ولبسي ليش لا الحين غير اول يعني قمصان اول غير الحين

وعندج الايوب لاسنزا ومن سكرت السندنس الحمرا مول في جم محل بالفروانيه بمجمع اغاتير

وكويت ماجك في اربع محلات غير الجوهره الطاهر وانور كلهم عندهم شغلات حلوه .

حبيبتي أول شهر زواج قزريها قمصان نوم طويله دانتيل وستان وألوان حلوه مثل افوايت(عرايسي) الوردي أسود وطبعااااا

الأحمربعدين يصير خير تدرجي قصير فوق الركبه مع حركات حلوه وبتشوفين

العجب العجاب بالمحلات عندج مجمع الأيوب لايعلا عليه,,,, ولاتنسين لبس الشخصيات رووووعه حيل خصوصا للعروس

بعد شهرين معقوله ألبسي كل أسبوع شخصيه عندج باربي /قطوة/طباخه/شرطيه/ وانتي وذوقج وبعد تلقين بعض الاسواق

الشعبيه رخيصه ولله يطلع منهم شغلات حلوة ولله

أول شي مبروك على الزواج .. و الله يتمم عليج

ثاني شي .. سمعي حبيبة البي نصايح ماما سويتا ——–(( حلوه ماما اللي يسمع يقول عمرها 50 سنه ))

أول يوم لبسي قميص من ملوت الطاهر و لا أنور .. يكون أبيض و فخم و يفضل يكون طويل

نصيحة لا تلبسين المشخلع و المفتأ من أولها .. لا تخرعين الريال .. باجر يقول هذي ينخاف منها .. مفتحة باللبن

رياييلنا الله خير هذا تفكيرهم

يعني ابدي مستوره و تدرجي معاه لي ما توصلين حق سوالف التشخلع .. يعني اخذيلج بو اسبوعين جذي

بعدين عاد كيفج نوعي ..اي صج تذكرت .. ديري بالج لا تلبسين نفس الستايل على طول .. مره قصير و مره طويل .. و مره بو صطعش فتحه على قولة أم طاهه الحوله الله يذكرها بالخير .. و الله الله بالمكياج الخفيف بالنهار و العطر الخفيف .. و بالليل زيدي عيار المكياج و حطي عطر نفاذ .. و غيري بالتسريحات .. مره رافعه الشعر و مره منزلته .. مره ناعم و مره كيرلي و هكذا .. اخذي باندات بعد ترى ينفعونج اذا مالج خلق الكشه .. يهبطونها

و لا تنسين تعلمينه اهو بعد يلبس .. اخذيله بوكسرات حلوه .. و شورتات ستان و بيجامات .. كل ما تميتي طلعيله وحده شكل .. اذا على تكلاهم رياييلنا .. حده يكشخ لج بوزار.. و اذا حده عاد .. مكسر و فنيله

و بالنسبه للمحلات .. عندج محلات الأيوب .. شغلهم حلو و أسعارهم مناسبه جدا .. و عندهم كريمات حلوه بعد

و اخذي من أويشو بيجامتين ثثلاثة .. و يكونون كاملين .. مع الروب و السليبرز و الأندر وير .. عشان تلبسينهم اذا قاعده بالبيت و غاسله ايدج من الطلعه .. لبسيهم و انتي تطالعين التلفزيون حلوين و مريحين

اي صج .. اخذيلج بعد أبجوره شاعريه أو البلوره اللي تتغير ألوانها و تطلع موسيقى .. هذي حلوه و تعطي جو حق الغرفه تلاقينها بالسوق الايراني .. اي و مري بودي شوب اخذيلج فواحه و عطر .. اللافندر حلو حق الريلاكسنج

اي .. صج .. لا تسوين الحركات و البركات كل يوم كل يوم .. ترى مسرع ما يمل .. خلي الشي بحساب .. و تغلي عليه اشوي .. يعني مو تقطين عمرج قط و لا تحرمينه

تغلي اشوي اذا شفتي نفسج لزقتي فيه وايد ذاك اليوم .. طلعي الصاله و خليه بالدار .. جنج تنظفين أو تقرين مجله .. أي شي .. بس المهم يوله عليح .. تلاقينه اييلج أو يناديج بعد شوي

أدري قرقت عليج وايد لأن ودي أفيدج .. و اذا تبين شي لا يردج إلا لسانج

أخيراً و ليس اخراً .. الله يهنيكم و يتمم عليكم يا رب