|
قوه ابلاتي الحلوين
عفيه ابلاتي ابي مساعدة اذا تقدرون هدفي يسمي امير البلاد وولي عهده والوجداني يحرص على عدم اتلاف صورة العلم الكويتي ومادري شسوي منبه وشلون اشرح الدرس اللي تعرف تساعدني الموجهه بتدش علي اكيد لانها مادشت وانا ابله جديده وماقصرتوا موقدما
بس انا عندي لج فكرة
تحطين صورة علم الكويت وحوالينها بروازين صور
وتسألينهم احنا بالفصل عندنا علم بيأشرون عالعلم الي فوق السبورة
طبعا يوجد بجانبه صور
صورة من هذه
صورة الأمير صباح الأحمد الصباح
وولي العهد نواف الأحمد الصباح
من يحضرها لي من الأركان تكونين حاطتها بوسط صور اذا عندج صور لأشخاص او صور أمراء لدول أخرى
بتلاقين شكثر بالنت
يحضرونها لج وتحطينهم بالبراويز
بعدها
تحطين صوت المارش العسكري
اذا عندج شريط النشاط الصباحي تلاقينه فيه مسجلته ابلة الموسيقى
لما يسمعونه تسألينهم عندما نسمع هذا الصوت ماذا يجب ان نفعل
مارش ويوقفون يحيون العلم ويرددون النشيد الوطني بشكل جماعي
بعد ما تخلصون تناقشينهم
لماذا يجب ان نقف جميعا ونحيي العلم ؟
لأننا نحب الكويت ولازم نحترم العلم الكويتي لأنه رمز لبلدنا الكويت
لأننا يجب ان نحترمه يجب ان نحافظ عليه من التمزق والعلم دائما يبقى عالي فوق الرؤوس
مسابقة تركيب صور الأمير وولي العهد والعلم على خريطة الكويت
تلاقين الصور بالنت
اما الخريطة في خريطة مكبرة بالمكتبات [ شاريتها انا من السنافر ]
حطي بالسلة صور مختلفة عشان يختار الطفل الاختيار السليم فقط
ممكن تدخلين بالدرس حركات تخلين درسج اطول من جذي
بس الحلقة مع النقاش تصير 20 دقيقة واكثر
واسفة ان كانت افكاري عادية او بسيطة ياقلبي
والله يا الغالية مو عارفة شلون اطلع لج الدرس
بس انا عندي لج فكرة تحطين صوت المارش العسكري مسابقة تركيب صور الأمير وولي العهد والعلم على خريطة الكويت ممكن تدخلين بالدرس حركات تخلين درسج اطول من جذي واسفة ان كانت افكاري عادية او بسيطة ياقلبي |
مشكوووووووووووووووووووووووووره حياتي وماقصرتي لا والله حلو الدرس جد وانشاله بسويه بالتوفيق لج ياقلبي