>> عـــجـــلات الهامستر :( :( مساااااااااعده من مربين الهامستر بلييييز <<

بنات بارك الله فيكم عندي مشكلتين

الاولى

عندي هامستر سوري ودايم وده يلعب بالعجله بس ما يقدر العجله اصغر منه

صار خامل بس ينام بس من اطلعه بره القفص مثل المينون احس يبي الطلعه يمشي ويدور بالبيت

حتى لدرجه انه من الملل بالقفص مره انحاش مني والحمدالله لقيته

بس احسه حيييل مال من القفص يبي عجله

اكيد مربين الهامستر يعرفون اشكثر العجله مهمه للهامستر

ويا بنات بليييييييييز الحل ؟؟؟؟؟؟؟؟؟

************************************************** ********

مشكلتي الثانيه

انا هامسترتي الروسيه الحمدالله اولدت بالسلامه

بس لاحظت وحده من (حلاماتها (حلمة صدرها)) صاير سوووده وناشفه

مره المسها تتعور

وحطيت لها زيت زيتون بس ما حسيت في فايده واول ما حطيته لها نظفت جسمها منه

ما ادري شنو الحل؟؟؟

بنات بليييييز انطر الحل منكم

هههههههههه حياتي اكيد ما احط المره نفسها

بس المره قوووويه وااايد اخاف تأثر على اليهال اذا ارضعوا من صدر امهم

وبعدين شلون احط لها في المشربه اخاف ما تتحملها

انا اشربها جبدي تلوع ويبيلي وقت طويل على ما يروح الطعم المر

وتسلميييييين يا كاواي

هلا والله جوجو شخبارج
على طاري العجله الكبير التاجره جزاها الله خير حاطه عجلات واقفاصه للهامسترات من امريكا في هذا الرابط

https://q8yat.net/showthread.php?t=386970&page=2

************************************************** ********
والسوري عنده عجله بالقفص بس البطه اكبر من العجله ما يقدر يدور فيها

وان شاء الله اشترى عجلات كبيره له او استخدم الكره احسن اخليه يدور ساعه واكثر ما شاءالله عليه ما يصير في شي
هههههه

والحين اهو الحمدالله متعود علي وعلاقتي في طيبه وااااااايد سمن على عسسسل
حتى النثيه قامت تحبه وما قامت تخاف منه خليتها تحبه قصبن عليهااا

************************************************** ********
والحمدالله انا بخير طيبه اسأل عنج وعن البنات بس انشغلت عن النت وااايد ظروفي حتمت جذي
وانا اساسا بعد لابتوبي خربان وهذا لابتوب اختي

والهامستر الروسيه اولدت قبل 9 ايام
والحمدالله يابت 6 يحليها
واول ما اولدت على طول تقريبا بعد ساعه وكلتها بإيدي وشربتها ماي
كانت صج صج لحظه ما تنسي الانها اولدت جدامي بعدين طلعت عنها قلت اخليها تولد براحتها

وابشرج بعد السوريه احملت واولدت

شوفي يا الغاليه انا اساسا عندي خبره كبيره في الحيوانات الاني ربيت انواع الحيوانات قطاوه وجلاب كرمج الله اعرف لهم بس ما ربيتهم في بيتي كانوا حراسه عندنا في البر انواع الطيور بعض الزواحف وابوي كان يربي فا تعلمت وااايد عن سلوك الحيوان وعن طباعهم وكنت واايد اقري عنهم وعن امراضهم واعتني فيهم

وبعدين قبل لا اشتري هامستر قريت عنهم إلى ان حسيت إني مستعده اني اشترى واحد فا توكلت على الله وشريت

وكنت اوكلهم بإيدي واصبر واصير شديده الصبر معاهم خصوصا السوري كثر ما عندي اصبر عليه يعني ما اسحبه واقول مليت يلا بس قصبن عليك تاكل من إيدي واااايد تحملت عضاااااته اخ يا عضاته ههههههه

حتى في مره طلع من صبعي دم ههههههه بس الحين يلحس ايدي

شوي شوي يتعلم عليج مع الايام كل يوم وكليه بإيدج اشيل عنه الاكل واخليه ايوع وياكل من إيدي بعدين احط له الاكل وجذي

ترى تربيه الهامستر ولا شي ما فيها صعوبه ابدااا بس صبررررررر

وكلشي يهون

السوري اشلون توالمت مع الذكر اساسا ذكري طيب وحبيب وكانت النثيه تموت خوووووووووووووف منه

والله لي درجه انها من تشوفه تقط نفسها وتنخش عنه الانها اصغر منه بشهر او شهرين واايد فرق

كنت احطهم في حوض سمج صغير طبعا فاضي بدون ماي هههههههه مع بعض وخاافت منه إلي ان اتعبت واسكتت وجذي كل مره احطها بحوض السمج معاه واشيلهم إلي ان شفتهم مع بعض قفص واحد وحبته وتزوجته وانجبت البنين هههههههههه

والله كاواي ماكو شي صعب بس يعتمد على اخلاق الهامستر احيانا انا هامستري طيب ما يسوي شي ولا كان يطقها مره كانت تدزه ما يأذيها ويطقها يوخر عنها

والصبر أولا وأخيرااا
اي ملحوظه ولا تحطين في بالج اول ولاده فاشله هذي نظريه خطأ ماشاء الله الله يثبت هامستراتي الثنتين السوريه والروسيه

احسن منهم مافيه في التربيه الله يخليهم لي ويخلي هامستراتج وهامسترات البنات لهم