|
|
السلام عليكم ورحمة الله .
اول شي الحمدالله الذي بنعمته تتم الصالحات
بنات هذي سالفتي بقولها لكم وياليت ماينحذف الموضوع . انا عروس وابيالمتزوجات االلي مثلي ومثل حالتي يساعدوني. وبكون شاكرتلها من قلبي
والله العظيم ان لما ادعي واتذكركم اقول ربي وفق كويتيات او اقول اللهم وفق اللي ساعدوني .
بنات انا ماعرف احط مكياج لحد يضحك علي
عمري 21 سنه واختي اللي عمرها تقريبا 15 تعرف تحط تبارك الله .
لا تقولون حطي يوتيوب حطيت ورحت السوق وشريت الكحل وماغير مجابله المنظرهوها راحت عيوني والله
انا من النوع اللي احس ماحب المكياج اصلا لو اقولكم مره بعرس رحت حطيت كحلهوكريم وحمره ومسكره وبسسسس .
عدسات ماعرف البس اذا عندي مناسبه اختي اللي عمرها 15 تلبسني , بنت بالدوامتقولي غريبه انتي من هالجيل بنات هالجيل ماشاء الله فنانات اصلا , لما اشوف البناتوخطاتهم اقول ودي انا نفسهم واللهم لا حسد
باختصار عرسي بعد جم يوم وادعولي ان ربي يتمم لي عللى خير
اخاف باجر اتفشل قدامه شلون اتمكيج او يعيب علي ؟
يعني ممكن يخليني لا سمح الله ؟
لان كل اللي اعرف احط كريم كحل تحت العين فوق العين مو دايم اضبطها ومسكرهوكحل القلم اللي الوان .
يعني شنو احط له الصبح والعصر وبالليل ؟
ويوم اروح لحمولتي لاني ساكنه معاهم شنو احط تكفون فيدوني يعني قولولي شنواحط ؟ وعيوني صغار واحس مو حلو الشدو علي يعني لو ماحطيت عادي
انزين اروح لهم بس العصر لان تستحي منهم وانا حييييييل حياويه .. على قولة امي اول مره اشوف حرمه تستحي من حرمه
للعلم اهل ريلي دفاااااااشه اوفر اوفر وفي منهم وحده صريحه تقط الحجيبالويه يعني عادي تقولج فلانه شنو هالمكياج .
؟
اللي عرفته من حماتي ان زوجي يحب البساطه النواعم والدليل الشقه فارشهاناعمه . يارب يقولي لا تحطين مكياج ماحبه
ساعدوني شنو اسوي ؟
ثاني مشكله السواد ؟
اعاني من سواد بين فخوذي مع اني بيضه ولله الحمد وربي يسامح الصيدليه قلت لها عطيني هالكريممارضت قالت قبل عرسج اعطيج اياه لان قوي والله ماشفت غير انه خف وعالخفيف بعد ؟
شنو اسوي الحين انا اكلتها عدل ؟
احط كونسيلر وقت الجماع ؟ ولا شسوي ؟
وشقوله لو شاف .؟
سؤال ثالث يوم الفندق بعد السبوح اروح انشف شعري وبعد مانشفه استشور قدامهولا لا ؟ لا تقولون نامي وقعدي الصبح ماحب صراحه .. مثلا نام شلون استشور صوتالاستشوار مزعج .؟
واحنا بنقعد 3 ايام فندق قولوا اوليوم ليلة العرس ثاني يوم مسائيه وبرد بالليل ثالث يوم شنو البس فيه العصر ؟
تصدقون مستحيه البس قميص نوم .gif "Eh S(2)")
والايام اللي يايه شنو البس الصبح والعصر وبالليل ؟
وعادي اكرر ببجامي ولا مايصير ؟
انا شاريه وعندي بلايز وليقنزاتوبكشخ فيهم وحلوين عادي ولا لا ؟ يعني عادي البس ليقنز وجينزات العصاري ولا لا ؟
شاريه نفانيف قصار وطوال
وفي قصار فوق الركبه وتحت عادي البسهم من ثاني اسبوع ؟
الشورتات متى البسهم ؟ لا تقولين متى ماتعودتي صراحه ماعرف شلون اني تعودتعليه
الحين رديت شقتي اكيد اهله بيعطون صباحيه مادري شنو لو عطاني عمي ولا خالتياقول لا ماراح اخذ وجذي ولا اخذهم ؟
الكلام الحلو حبيبي وحياتي > مستعيله الاخت
لا والله مو مستعيله بس
انا جذي اسلوبي حبي حياتي قلبي جذي انا مع اخواني واهلي متى اقول هالكلام ؟
وترى مكياج مسائيتي عليه والمصوره بعد بس امي ربي يحفظها دافعه نص المبلغ للمصوره
شلون ابي اقوله ابي فلوس للصالون استحي فشله مع ان يمكن يكون نزل راتبيويمكن لا ؟
ولا تنسوني بنصيحه تفيدني و تنور لي حياتي وتخلي زوجي يحبني ومتعلق فيني؟
وشنو ااشيا اللي يحبها بالمره ويخليه مايفارقها ومتعلق فيها ؟
جاوبوني على اسئلتي وابي اللي عندهم خبره اهم يردون علي .
والله يوفق الكل يارب .
اختكم طالبة انجلش
سبحان الله وبحمده سبحان الله العظيم
ويرزق البنات ويستر عليهم باحسن الريايل .
حبيبتي شفيج متوتره ؟ ترا الامر سهالات ان شاء الله
بعدين انتي توج تتكلمين عن سواد الفخوذ مفروض من زمان مستعمله شيء يوخرهم
ماعليه عادي اصلا لاتسوين شيء الا بالظلمه عشان مايشوف شيء خخخ
حبيبتي بالنسبه للمكياج عادي ياما ناس وايد مايعرفون يحطون
ترا عقب الزواج بتعرفين وبتصيرين فنانه بعد ان شاء الله
أنا كنت نفسج
بس عشان ماتتفشلين بالمكياج لازم عدسات
اشتري لج عدسات تكبر عيونج يعني الرمادي العسلي هالالوان
لبسيهم وحطي فاونديشن عادي وكحل من فوق وكحل من تحت وسحبيه شوي
وبرشر وقلوس وخلصنا
بس انتي عروس ولازم اول الايام تكونين كشخه بكل شيء بالملابس وبالميكب
واذا. عل لبس الفندق
إذا عندج تنانير قصار مع بلايز كشخها لبسيها وقت العصاري
اي. ليقنزات كشخه مع بلايز حلوه اي حلوه اختيارج
واذا جات حزت الليل لازم حبيبتي قميص نوم كشخه لبسي طويا
تو الناس عل القصير واذا عندج بجامات الستان لبسيهم حبيبتي
حبيبتي خلي نفانيفج تحت الركبه احسن وخليج عل اللنقزات والنفايف الكشخه
لان تو الناس عل فوق الركبه
واذا عطوج الصباحيه اي حبيبتي اخذيها عيب تردينها هذه صباحيتج
واذا دخلتي عل عمج وعمتج حبي راسهم
خليج سنعه
واذا عل فلوس الصالون اانتي لا قلتي له. انج بتروحين الصالون اكيد بيعطيج فلوس
واذا ماعطاج عادي قوليله فديتج هذا ريلج خلاص
وبس ي ليت البنات يفيدونج لا تنسيني من الدعاء
اول شي يالنسبه للمكياج اغلب الرياييل مايحبون الأوفر يحبون البسيط اغلبهم
ولازم اتخلين عيونج مكحله من الداخل والماسكرا مايبيلها شي حطي طبقه ولما تنشف حطي الطبقة الثانيه
والشدو بالبدايه حطي لون واحد على لون نفانيفج وخليله بالمنطقة المتحركة من الجفن بس لاتمدينه لبرا ولا تحاولين تتدمجين لونين وانتي ماتعرفين
خليج عل اللون الواحد واخذي شدوات ماك حلوه وثابته
والحمرة بالاول حطي قلم المحدد المناسب للحمره على كاااامل شقايفج عقب حطي للحمره بتم لح لين اليل خخخخ ماتروح
والأساس مهم حطي طبقه ؤقيقه عقب البلاشر اختاري البطيخي مايبين ان فيه اغلاط والمشمشي اما الوردي يبيله خبير
هذي الاساسيات البسيطة لأني مااحب تلطخ الألوان وحتى الرياييل ترا بتعرفين بعدين
وبالنسبة للملقوفات لما يسالونج قوليلهم انا احب الناعم والبسيط وريلي بعد وبس
بالنسبه للسواد ماعندي فكره ولاتبالغين رطبي المنطقه وبس والسبي ككككل اللي فخاطرج صدقيني مايلاحظون وايد ويركزون
خليج طبيعيه وعفويه هذا الأهم واللي يحبونه
للشعر عقب السبوح لازم بلسم ولا حمام زيت عل السريع بوخمس دقايق عشان يستشور بسرعه ولسهوله
ابدي بالقذله والزوالف عل السريع ولفي الباجي بصوره حلوه وبعدين استشوري على راحتج لما تشوفينه لاهي بشي هذا بالفندق بالبيت تاخذين راحتج بالوقت
وبالنسبة لفلوس المكياج حبيبتي عادي اطلبي بدلع مافيها شي كلنا جذي نقصتنا فلوس وطلبنا هذا ريلج بس اهم شي بدلع خخخخخ
والكلام الحلو بالبدايه خليه اهو يطلعه حقج وانتي بعد بس مايكون بمناسبة وغير مناسبه خخخخ عشان يحس بطعمها ويشتاق
والنصيحة هالله هالله بريلج ولا تاخذين نصايح آلا من خواتج وامج فقطططط
وأمه وابوه حطيهم فوق راسج لأنهم اهم راس المال
ولا تتسرعين بالكلام وادرسيه بمخج عقب طلعيه
ومبرووووووك ياعروووووسه
اذا عينج صغيره لا تحطين كحل اسود دااااااااخل العين .، واهتمي اكثر شي بشكل عينج لانها تبرز الوجه ،
للمكياج :
استعملي مرطب عقب فاونديشن طبييييييييييعي ع حسب بشرتج (بودي شوب عندهم اليومي حلووو)
استعملي حق نضارة البشرة بلاشر طبيعي عشان تبين خدودج ورديه وحلوة(من ميك اب فور ايفر عندهم بلاشر طبيعي سائل رقم ٦ عجيب)
العين :جيبي مسكرهhr التايقر+ كحل ابيض داخل العين من سمايلينق عند مكياج المنصور تلاقينه+شدو بني الحواجب من بودي شوب+ فرشاة ضعيفه مشطورة على صوب
حطي كحل من داخل العين ابيض وكثري ،عقب بفرشاة ضعيفه حطي من الشدو من تحت العين وفوق العين واسحبي لي برا مثل الكحل ،ضبطي حواجبج بالشدو والفرشة شوي شوي عقب حطي المسكرة وثقليها وطويل فيها واتركيها تنشف عقب عيدي عليها عشان تكثف
الشفايف ؛
احلااااااا شي الحمرة السحريه تلاقينها عند العطار تعطي منظر طبيعي .حطي منها ع شفايفك عقب حطي قلوس شفاف مائل للوردي ( عجبني قلوسات لانكوم ،وباث اند بودي وركس )
وبسسسسسسس
حبيبتي اهم شي يكون وجهج منووور وفريشش
مؤ لازم مكياج اححححط شدو او كحل سائل اوووووالخ
وخليج واثقة بنفسج
احلا شي الليمون لريحه الحلج عصير ليمون بالنعناع
اممممممم
ادعي رب العالمين انه يسخر زوجج لج ويجعلج ماي عينه ،ترا اهم شي التوفيق
الله يتمم عليج وخلج ريلاكسس .. عادي الحياة حلوة
البنات ماقصرو
خلوني ادرس وارد عليكم
فديت اللي قالت لبسي عدسات تكبر العين
عيوني صغار وماعرف البس حاولت بس ما مني رجا بس بحاول فاد كان بها مافاد الله كريم
فديتكم كلكم
وماراح انساكم وعد مني يابنات ابشروا بالدعوات الحلوه
شادن طريتي بالي اليوم وانا بالسياره خخخخخ
اي واكيد مايصير الا بالظلمه خو والله ان بطل الليت اقوله سكر الليت
اي والله ادري اسئلتي وايد ماقصرتوا .
دعواتكم .
شوفي حبيبيتي. النعومه حلوه
إذ ع المكياج حطي كحل ابيض يوسع العين وترا سهل نفس ماتحطين الاسود وبعدين الكريم الاساس مهم طبعا لاتخلينه وايد عليج يعني ع خفيف وبودره وبعده حمره خدود وسعيهم عليج بشكل مرتب ونضيف
الحواجب اولا امشطي حواجبج اهم شي وبعدين حطي ضل خفيف ع حسب ألوان لبسج بشكل مرتب وناعم تر مايبيلها وبعدين حبيتي اللحي ماتو اللي يحطون ميك آب اوڤر
يعني الناس كله اتجهت لاميگ اب الناعم والنعومه حلوه وانصحج بدايه زواجج ابرزي ملامح ج وكوني. ناعمه
العدسات اهم شي ترا غلب الريايل يحبون العدسات اخذي عسلي مخضر او رصاصي يعطيج شكل
وشلون تحطينهم انا اقولج افتحي عينج بااصبعج بحيث تكون العين باينه واحطيهم بعدين غمضي وانتي مغمضه دوري عينج ان شاءالله فهمتي علي عاد
الحمراء احلئ شي حمرة السحريه حلوه والكلوس الشفاف من مكياجي حلو ويغري الرجال
واصباغ الاضافر ترا يحبونه حيل نوعي وغيري
ع حسب ملابسج وألوانه
اما بنسبه للالبس شوفي نضامي انا
الصبح بجامه والعصر بنطلونات أوجينزات او تاننير قصيره اوفساتين ناعمه
باليل قمصان نوم طبعن او شورتات
العطوارت خليهم فواكه فرواله هذا وقت الليل
انصحج بعطر الشاي الاخضر تلقينها عند زهور الريف بالكوت و البيرق حيل حلو مغري ويحبونه و من نكتار توت بري هذا عجيب
شعرج إذ مؤ ناعم سوي كيراتين وعندي. رقمه وحده مسويته لي شغله فضيع إذ تبينه ادل لج بالخاص
تغسلينها وصير ناعم بس تجففينه بالاستشوار اسمه كولاجين
طبعا نوع من انواع الكيراتين
البخور ع طول يكون بالشقه
حبيبتي الريال شنو يبي غير الريحه والنضافه والاسلوب العدل والثقه بالنفس والنعومه
ام بالنسبه لاسواد رطبي جففيه استخدمي جلسوليد مع ليمون ممتاز لاتحطين كونسلير انتبهي لاتحطين
وبالتوفيق ادعيلي لاتنسين بتسخير زوجي
الله يوفقج حبيبتي