عربانة الياهل من وين ؟؟ واي نوع ؟؟

السلام عليكم ورحمة الله وبركاته

خواتي حبيت اعرف شنو افضل ماركة عربانة للياهل خصوصا الصغار اللي بعمر شهرين و3 شهور

ووين تنباع

واهم شي يكون ظهرها ينسدح عشان الياهل صغير واغلب الوقت بينام

وتكون خفيفة وعملية للسفر

؛؛؛؛؛؛؛؛

والماركات هذي وين تنباع
peg-perego
Maclaren
Graco
Chicco

ويعطيكم العافية

والله انا عربانة بنتي من سنتربوينت مادري شنو ماركتها بس هالعربانة حدهاااااااا مشهورة في منها احمر منقط اسود و في منها ازرق بأسود و منزلين لون اخضر(الأغلى لأن فيها كرسي) و سعرها ما يتغير حتى وقت التنزيلات و مسكتها الكاملة تصير تييبينها جدام يعني تشوفين البيبي قبالج و بعمر بنتي نفعتني حق السفر
بس فيها عيب انج ما تقدرين تعلقين عليها اي شي

هذي الماركة Maclaren موجودة بمذركير بس ما تنسدح

والله اذا تبين نصيحتي ماكو علي عربانات مذركير جوده

واهم شي بالنسبه لي بالعربانه انها تسكر وتتبطل بطريقه سهله وبسرعه وعرباين مذركير ما كو اسهل منهم ووزنهم حلو وسهلين بالمشي سأليني انا عن تجربه

مره انا وبنت خالتي طالعين مع عيالنا وكل وحده يايبه عربانه بيبتها وعقب ما خلصنا مشوارنا انا سكرت عربانتي وحطيتها بالدبه ونطرتها من غير مبالغه اكثر من ربع ساعه واهي تحاول تسكرها مو عارفه مادري معلق ماتسوا عليها <<< قلت قصه حياتي خخخخخخخ

المهم انا عربانتي من مذركير واهي من سنتر بوينت

Graco
Chicco
تلقينهمم بسنتر بوينت
حلوه عربانات سنتر بوينت

Graco
Chicco
تلقينهمم بسنتر بوينت
حلوه عربانات سنتر بوينت

انا شارية من مذركير ماركة silver cross
وتنسدح سدحة حلوة من عمر مواليد الى اربع سنين
ومو وايد ثقيلة بس سهلة بالاستخدام
ب٧٥ دك

انا شريتها من سنتر بونت عجيبه بس مادري شنو ماركتها بس اللي عجبني فيها مواصفاتها : الكرسي تقدرين تسدحينه و تقعدينه – اليده اللي تدزين فيه تقدرين تغيرينها بحيث انج تخلين البيبي توجهج عشان لا سمح الله قص ولا صار فيه شي او تخلين ظهر الكرسي عندج مادري اذا وصفي عدل ولا لا و تتغطى عشان المطر و فيها سله عشان تحطين فيها الجنطه مالت البيبي و كل هذا ب40 دينار بس ببلااااااااااااااش

انا خذيت من ماماز اند باباز بس للحين ما استعملتها ..

من سنتر بوينت وااايد حلوه
عربانه مع كرسي السياره . الكرسي ما نزل من البيت كلش ما استخدمته
بس العربااانه وااااايد مريحه واقفلها وافتحها انا بكل سهوووووله

من ماماز اند باباز

نفضه وحده تتبطه و نفضه تتصكر …و بصراحه شكلها كشخه حيييل و تصلح من مواليد ليما تكبر
ب 196

من مذركير وشيكو…..

خذت لبنتي جيكوو
ووايد زينه

اكييييييييييد مذكير
وكلهم يدسدحون وايد اشكال واسعار عندهم
الاولى يمكن الكل يعرفها يت ب4 الوان بنفسجي برتقالي رمادي اسود كانت وايد زينه بس تكسرت من السفرات والشحن كانت برتقاليه
وانقطعت الحين سالت عنها ب97 ونزلوها ب70 مالقيت صوره
وقبل جم شهر خذيتها هذي انا اموت علا الالوان وايد زينه مادري جم سعرها الاساسي خذيتها بالتنزيلات اخر حبه ب 38

هذي احسن نوووووع عربانه استخدمتها بق بريقوو
اهي ب 112 وكان عليها سيل اخذتها ب82 وكان سنتر بوينت ايبها هالكلام من 4 سنين او 3 سنين ونص
وشريتها واستعملتها لعيالي الاثنين من قوتها
والحين الي بيعها باباز اند ماماز