عجبي من بعض العضوات اللي ما يعرفون يردون!!!!!!

قسم الحياة الزوجية متروس مشاكل

فلمًا العضوه تحط مشكلتها وهي مجروحه ومصدومه

من خيانه لزوجها

القى بعض العضوات الله يهداهم

اول نصيحه يقدمونها

روحي لاهلج ….لازم يتأدب ويترك حركااات المراهقين !!!!

او لا تقعدين عنده خل يعرف حدوده وقيمتج!!!!

*******************

طيب وبعدين شايفين ان هذا افضل الحلول

حبايبي

لا تتركين بيتج الا لسببين

مخدرت وشرب الله يبعده عنا وعنكم وعن جميع المسلمين

لانه بهالحالتين غير مسؤول عن تصرفاته

وباقي المشاكل تنحل وانتي داخل البيت

اذا تركتي بيتج عشان خيانه مسج او موبايل او هوشه او قلة مصرف ….الخ

فانتي الخسرانه الاولى

1- تعطينا فرصة يتعود على عدم وجودج بالبيت …..

2- تعطين مساحه اكبر للبنت تجذبه صوبها وتفتح قلبها له عشان تسمع مشاكله منج

3-اليهال بعد قلبي حياتهم بتصير عقد ما بين سكنهم عند الخوال وعدم الراحه وسكنهم بعز ابوهم وينامون على مخدتهم مرتاحين

4-التقارب في بيت واحد اثناء الزعل يذوًب الحاجز اللي بينكم وسهل على الزوج يتراجع بسرعه ويعتذر خاصة لما يشوفج

قايمه بواجباتج ومصلية ومسمية ودايرة بالج على العيال وشايله بقلبج وساكته

5-الدكتوره فوزية الدريع تنصح كل المتزوجات اذا غضبوا من ازواجهم لا يتركون سرير الزوجية وانتوا الله يهداكم ركضة على اهلكم

اتمنى من يكون عندها نصيحه اخت لاختها تذكرها وتساعدها

بس اللي عندها دمار وتخريب بيوت تحتفظ فيه لنفسها

فوفو

يسلم رااااااااسج

حرااااام تهده وانا معاج 100%

ويشرفني اني اكون اول وحده ترد عليج

معاج بكل كلمة قلتيها مثلا بضرب لج مثل عنى اول ماتزوجت صغيره وكان ابوي مدلعنى وزوجي مو كل شيء اوكي لا كان يرفض وانا اعصب وعند اهلي <<طبعا روحه لاهلي فتحت عليه ابواب من كل من هب ودب اللي يقول طلقها قلعتها واللي يقول ادبها وتزوج واللي يقول خلها لامعلقه ولامطلقه <<<<<طبعا ماهمهم الا دمار البيوت,,,,,,,,لمن رديت تبت قلت بيتي الا اذا في شيء جايد وربي نتهاوش واكون علي قولت فوزيه الدريع نفس الفراش <<وللعلم االطلعه برا الغرفه يصبره اكثر ويطول الزعل,,,,,,,,ونصيحتى موكل هوشه لاهلج ,,,,,,,,,,,!!

معاج حق … بس اذا السالفة تكررت مرة و2 و3 ..

الزوج يتماد.. خاصا اذا حس وشاف ان المره تبى تلم الموضوع .. بيقول تزعل يوم يومين ومردها ترضى

وفى حالات ا لازم احد يوقفة عند حدة ويعرف ان الزوجة وراها اهل .. مهى طووفة هبيطة ..

صاااااااااااااجه 1000000 %

ودج بعض البنات مايردون والله لو المشكله تصيرلها جان قالت اقعد في بيتي احسن بس الي يده بالنار مو مثل الي يده بالماي

بس الوحده لما يخونها ريلها ويزني هالشي مايرضى الله شلون ماتبينها تهده هذا زاني تعرفين شنو يعني
ولو المره سوت نفس الشي ريلها على طول بيطلقها وتقولون عنها رايحه فيها !

مجتمعنا للاسف ناحيه حقوق الريال عادي وناحيه حقوق المراه لا قعدي ومسكي بيتج

اصلا لازم تطلع وتهدله البيت اذا خيانه الا اذا تاب

وتذكري يا اختي ان الله لا يحب كل خوان كفور

كلااام سليم 100 %
بس ماالوووم اللي تزعل وترووح تكوون مجروووحه حييل وودها يرد كرامتهاا
ويجي يتأسف
يفقدها اذا كااان متعوود عليها
لاتقوولوون بيحقرها اذا زعلت ورااحت
بالعكس بيتحسف
بيلقى البيت عفيسه بيلقى ملااابسه طايحين
بيفقد سوالفها وضحكتهاا
بيفقدها بالفراااش
ورااح يتحسف
بعد اذا جرحها او خانها مو زين البنت تللللزق فيييه
وتنشب جذي ماراح يحس بتأنيب الضمير
>>>هذي وجهت نظري
وبس

المشكلة مو بس جذي
المشكلة لما تييلج وحده وتقولج روحي لأهلج
تطلقي
عطيه العين الحمرا
سوي وسوي وسوي ………. ألخ

ولما يصير بصاحبة هالنصيحة نفس المشكلة تلقينها ماتنفذ ولا شي من اللي تنصح فيه غيرها
ومايبقى شي ماتسويه عشان ترجع زوجها لها

ومشكورة

عقب ما رحتي بيت الاهل شنو بصير ؟؟؟

عقب ما ينتشر الخبر وسط العايله… وتتبهذلون شوية …وتسمعين جم كلمه مني ومناك

يرجع يعتذر وترجعين

انا عطيتج اختصار الحلول

وبعدين الايه اللي ذكرتيها من سوره الطلاق المقصود هنا خيانه العقود والمواثيق

فوفو

وليش اهتم بكلام الناس انا ماني غلطانه اهوا الي خاين مو انا
واهلي ناس فاهمه وتعرف شرع الله

بعدين حبيتي تقولين الايه خيانه العقود الزواج شنو مو عقد @@
غير عن خيانه ربه

ووبعدين تدرين انه الزنا من الكبائئئئئئئئئئر تعرفين شنو يعني زنا المتزوج عقابه الرجم حتى الموت

حبيبتي فوفو والله كلامج على العين والراس
انتي ذكرتي شغلتين :مخدرت وشرب
انزين واللي يزني ريلهااا ؟؟؟

و بقولج شغله ثانيه
انااا بصراحه مارضا اشوف الظلم
يعني اشوف وحده كاتبه ريلي فيه كل العيوب
ما بقا الا يقولي تحمدين ربج اني مااخذج وانا بصراحه مااعتبر هذا ريال
لان الرجوله مو بالمعاير
عالعموم الله يوفقنا يارب
والله يهدي الجميع

وبعدين تقعدين بيتج هذا اللي يبيه الريال وبيرد يخون انا اعرف وايد حريم متزوجات يسامحون ريايلهم ونشوفه ما تاب ونشوفه يطلع ويكلم ويخربط مع البنات

المشكله ان اللي تحط مشكلتها اهني

اما صغيره مو عارفة تدبر امورها

او ما عندها احد تثق فيه وتستشيره بمشكلتها

فوفو

اوافقج

بس عندي شوي كلام

لاتلومينهم

عقب سواتهم ووصاختهم – المرة ماتتحمل تجوف رقعة ويهه ولا ودها تسمع اعذار ومبررات

ترتاح من شكله جمن يوم وبعدين يعرفون شلون تنحل مشاكلهم

يقولون لها قعدي فبيتج عشان عيالج !! زين اهو ماهمه العيال – والا العيال مسؤلية المرة وبس؟؟؟ واهي اللي تضحي؟؟

حبيبتي

الريال لي صاد زوجته تخون تعتقدين بيقعد بالبيت ؟؟ لا ياقلبي بيطلقها على طـــــــــــــــــــول و اذا ماترك البيت بيقعد فيه << ليش عاد؟؟؟

علشان يكفخها ويذبحها

لاتلومين البنت لين تركت بيتها تراها زين تتحمل روحها شلون تبينها تتحمله ؟؟؟؟

بسنا نصايح وتضحيات @@ نبي نجوف الريال شيسوي موبس المرة

لاتدافعون عنه وايد بليز

صح لسااانج