|
السلااام عليگم،،
انا حامل بالشهر الثامن واول حمل لي
وتكفون الي مرت عليها او سمعت نفس حالة جنيني تطمني
سويت سونار عند دكتوره ديانا بمستوصف الظامر بالجهرا وهي شاطره بالسونارات
وقالت فيه كيس على كلية الجنين اليمنى وقالت بعد الولاده ان شاء الله يشوفه دكتور اطفال ويسوي للجنين سونار ويعالجه او يسوي عمليه بعد الولاده
وقلت لها ممكن يروح بروحه قالت لا
وقريت بالنت ان راح يعيش على كليه وحده بسبه الكيس
وانا حالتي النفسيه تعباااااااااااانه تكفووووووووون طمنوني
وعسى ربي يفرحج بشوفته سليم ومعافى يارب ..
انا اعرف وحده قالولها كليه البيبي فيها شي وقاموا يطلعوون كلام عن كليته ..
مدحولها الدكتوره خالده المجيبل بمستشفى رويال حياة تخصصها بالاجنه ..راحت وقالت البيبي مافيه شي
بس لاولدتي نسويله تحاليل ونتاكد والحمداللع ولدها اسم عليه مافيه الا عافية ربي والله يخليه لها ويحفظه ..
انتي روحي لها وشوفي شتقوولج وسونارها واضح ومطور صج رووعه تطمني وربي يسر امورج حبيبتي ..
ان شاءالله ينولد بصحته و عافيته و يطلع مافيه شي
الحكومه ياما خرعو ناس
كفاءتهم ضعيفه و اجهزتهم قديمه
روحي لاشرف بالسلام سوناره دقيق و اهو شاطر
روحي لدكتور متخصص بالسونار نفس اشرف اللي بالسلام او خالده المجيبل او واحد مادري شسمه بس شمري هذول متخصصين وعليهم مدح
روحي حق دكتور ماجد الشمري عيادته في الجهرا
تخصصه اجنه و سوناراته دقيقه و يسوي عمليات حق الجنين في بطن امه
و لا تنسين الصدقات