طلعت من بيت ريلي وانا بشهر السادس

السلام عليكم بنات
انا بقولكم مشكلتي وياريت تقولولي رايكم
انا وزوجي نحب بعض حيل وتزوجنا عن حب وبعد الزواج وانا بشهر العسل اتصل عمه وسوى لنا مشاكل الللي فرق زوجي عن اهلي وصبرت ووقفت مع ريلي ومن شهر العسل لي اليوم واحنا مشاكل
وللعلم صارلي 7 اشهر من تزوجت
وانا اجهز حق الولاده بنفسي
والحمدالله مو قاصرني شي لا بشكل ولا بلبس وكل يوم يدش علي يلقاني بشكل حتى وانا حامل والله العظيم
المهم زوجي شال ايده من كل شي وقام يشوف اهلي ومايسلم حتى لو كانوا قباله ولا اتكلم
المهم انا بشهر السادس ومن كثر المشاكل والصراخ والهم اللي قاعده فيه طلعت من البيت ورحت بيت اهلي
واهوه من النوع اللي لو شنو صار بالدنيا مايدق حتى لو كان اهوه الغلطان
انا صارلي 4 ايام عند امي ولادق ولا سال
خالتي ام ريلي االمسكينه تبجي يوم طلعت من البيت وموقادره اصبر ودي اشوفه ودي اقعد معاه
وانا خايفه ان يوصل لمرحله ان يطلقني لان حتى لم يدخل البيت ماحس انه اهوه زوجي ولا قام يصلي مع ان مايتاخر عن الصلاه ولا دقيقه

والمشكله مايقصر معاي باي شي ابيه بس لازم اروح مع امي مايحب يطلع معاي من بعد شهر العسل
مادري شنو صار بزوجي احس ان مسحوور والله من تزوجت لي اليوم وانا بس ابجي

مع ان يلمني حييل اذا بجيت وانسى كل شي بعد مايلمني((اخر مره قبل شهرين))

مادري عطووني حل شسوي

هل طلعتي من البيت كانت صح ولا غلط لان مالي دوور بالبيت مايلف ويه يطالعني من شهر واهوه ماتكلم معاي ولاكلمه واروحله واقوله شفيك قولي تخيلوا مايرفع راسه اخر شي سويته قمت احقره بس قلبي يعورني عليه وخايفه على اللي ابطني من حالتي

واسفه اني طولت عليكم

أنتي قلتيييها اهوا مايدق لو كان غلطان يعني تعرفيين ريلج عدل وتنطريين يدق عليييج

قلبي مثل ماطلعتي من البييت ردي له ولا تنسيين الي بطنج وان شاءلله ريلج يرد مثل قبل واحسن

حبيبتي مشكلتج حلها بسيط وبإذن الله عن قريب راح تنفك المشكله وتنحل دام انج حامل انصحج انصحج انصحج تقرين صورة البقره 40 يوم ورا بعض دام الدوره ماتجيج وكثري استغفار وادعي قولي اللهم رده لي ردا جميل والله والله والله وبإذن اللى ماتنام عينه لتشوفين عجايب قدرت ربج وتشوفينه احسن من اول بواااااااااااااااجد وراح اتحسن امورج وراح انتي بعد نفسيتج ترتاح وبالج يطول انا اختج ولاتضايقين وراح يصير مسؤال عن بيبي وراح يتعلق فيه ويقرب لج اكثر واكثر بس سوي اللى قلته لج وادعي لي ان ربي يسخر لي زوجي ويألف بين قلبي وقلوب اهله ويخلي لي بنتي

وشكل اللى فيكم عين او حسد وحله القرأن وانتبهي على خالتج شكلها ذهبه

واسمعي قبل كل شي اذا تقدرين يكون احسن لو تردين بيت زوجج عشان تعودينه ماتفارقينه ولايفارقج وانتي تجهزين وريه ملابس البيبي عشان يتشجع ويروح معاج وترد علاقتكم احسن واحسن الله معاج وحطي بالج على نفسج ولاتحاتين ماكو شي بعيد عن ربج

حبيبتي لا تحطين ابالج *** و غيره
دقي عليه و طلعي كل اللي بقلبج و قوليله انا حامل و المفروض تراعيني و من هالحجي
و انشالله ما يصير الا الخير بس لا تقعدين وايد ابييت اهلج حبيبتي ما يصير

:

كثرررررررررررررررررري استغفار .. والله والله هذا الحل والمعجزة راح تشوفين التغير بحياتج ..

قولي .. استغفر الله .. واستغفر الله واتوب اليه .. واستغفر الله عدد ما كان وعدد مايكون وعدد الحركات والسكون

+ سوووووورة البقـــرة كامله .. + صلاه اليليل والشفع والوتر ..

و ادعي وترجي من خالق انه يجعلج يسر وخير بأمورج .. وخلي عندج ايمان بقوة الدعاء ..

خصووووووووصا بصلاه الوتر ادعي ولا تملين الدعاء .. اذا ربج ماعطاج اياه بدنيتج بتلقينه بأخرتج ..

ربج ماينسى عبد .. اما يرزقة اياه بالدنيا او بالاخرة .. ولا تملين الدعاء ترا الله يحب صوت عبده المسلم
لما يدعيه ويناجيه .. واذا دعائج ما استجاب وطووول قوووووولي الحمدلله .. ربي يسمعني وحاب يسمع صوتي
مايبيج تكفين عن الطلب منه .. لين يبلغ ملائكته .. اعطي عبدي ماراااااااااد ..

والله هذا علاج .. بيده سبحانه

وعسى ربي يرزقج الصحة والعافية والحياه الهنية .. وينور لج دربج دنيا واخره

اللهم امين

ارجع البيت وانا مالي دور بالبيت لي درجه امه قاعده تدعي عليه من اللي يسويه فيها مسكينه
تقولي صبري
كان يبوسها جدامي ويلمها ويقعد بالساعات والحين منايقولها السلام
تخيلوا ان هذا اللي ابطني اول ولد لنا واهوه ماعنده رد فعل ابدا
يطلع 6 ونص الصبح ومايرجع الا ثاني يوم الفير انا ماعندي شي اسويه بالبيت وقدم استقالته ومره كنا بجو كله صراخ وقالي انتي طالق
وقالي ان طلعتي من البيت لج الثانيه والثالثه
وسمعت كلامه وقعدت بالبيت وثاني يوم قالي انتي لي انا ابيج ليل درجه دمعت عيونه
والحين لو اقوله احطلك غدا يطالعني جني اقوله تبي اذبحك

وعلى فكره لو برجع امي حالفه ماتكلمني اذا رجعتله
امي تبي يوصل لي البيت واهيه تدري مستحيل ايي

والله ماني عارفه شسوي

أنا معاهاا في كل كلمة قالتهااا

ام مشعل لازم ترجعين لبيتج ومصير امج راح ترضى اذا شافتج مرتاحه مستانسه معاه ويكون احسن لو تكون مشاكلج بالخش والدس ولا يتدخل فيها احد هذا زوجج قبل كل شي وهذا بتعيشين لاخر عمرج معاه وابو عيالج وسوي بنصيحتي اللى فوق والله هذا علاج الوحيد

وأنتي الحين في بيت أمج كثري من صورة يس وقريهاا بتكمن افهيهاا عدل الايه وخلي بين عيونج رجلج وأنتي تقرينها

واقري سورة البقره اذا تبين رجلج سوي اللي قالتلج عيله يس عضييييييييييييمه والله ماعليه عسرر صديقني بيجيج

واذا ع امج الله يهداهاا قعدي معاهاا وفهميهاا وضعج خصووصن انج حامل

والله ريحتوني
صدقوني ادعي له بكل صلاتي واستغفر ربي وقمت اهمل حتى نفسي ومو قادره حتى اكل نفس الناس لان تفكيري بس معاه ولا تشوفون اذا شفت نفس سيارته ابجي حتى لو كنت طالعه مع خالاتي
امي قاعده تحاول تنسيني واطلعني كل مكان وقاعده احاول اتاقلم على الوضع بس موقادره

وعندي سؤال اذا انا زوجته ويحبني واحبه وشايله ولده ابطني ليش مايسال عني ليش مايدق
لي هالدرجه في رياييل في هل التكبر؟؟

قولي حق ابوج يكلمه
والله يهديه

عسى الله يهيديه لج وتصالحوون ..

بس مافيهاا شي دقي عليه دامج تعرفين انه مستحيييييييل يدق ذكريه بأيامكم اول ..
حاولي تدخلين خالتج اللي هي امه بالموضوع خليهاا تكلمه تعرف ليش متغير عليج..

ابوي خليه على جنب ابوي يزيده وخصوصا يكره ابوي كره

حبيبتي ردي بيتج .. وادعي الله يسخرلج زوجج وشغلي البقره دووم افبيتج والرقيه الشرعيه والله يطخخ الامور بينكم باذن الله ..
ردي وقوليله اذا انتا تقدر تستغني عني انا ما اقدر استغني عنك وزعلي بدون هواش وبس الله يحلها انشالله

حبيبتي لاتدخلين اهلج بالموضوع هذي حياتج مو حياتهم صحيح اهم والدينج بس هذاك ريلج وزواجج وحياتج ومستقبلج ادعليه اقري له البقره وايد وردي بيتج وحاولي تلينين قلبه عشان الحياه تستمر وتعودي ان مشاكلج ما تنحل الا منج يعني ماله داعي ادخلين امج واهلج كلهم