|
|
السلام عليكم بنات
بنات انا الحين عندي ولدي بالنفاس
ولدت من حوالي 20 يوم
بنات الغازات مو صج مأذيته لدرجة انه ما يهدا قلما قلما يمر عليه انه ينام ساعتين على بعضهم نفس اليهال
انا ترى نفست خواتي اسم الله على عيالهم ما كانو جذي
حتن اختي تقولي ولدج كلش مو مرتاح شكله
بموعد الطبيب الي من بعد الولاده الحمد قالي مافيه شي
عطاني دوا بالقطاره لونه ابيض بنكهة البرتقال اسمه بحرف الi
وصراحة اليوم وقفت ماعطيته مومعقوله بيتم عليه على طول خفت عليه بسه ادويه
جربت الينسون والكراوية هم وقفت خفت على معدته
وقفت الرضاعه الطبيعيه (لاني كنت اعطيه مرتين او3) والباجي حليب باودر. ..قالت اختي يمكن خلطتي على معدته طبيعي وصناعي. .من امس ماعطيته طبيعي ماكو فايده
ساعدوني الله يساعدكم
فيدوني بتجاربكم
انا بجر وبنتي الله يحفظها تاذت من الغازات وايد وتبجي حيل وتتعصر بس الحين عمرها ٤٥ يوم شوي شوي جهازها الهضمي تقبل الحليب الصناعي وقامت تطلع غازات واكيد لما اشربها حليب عقبه اتريعها
واسويلها ينسون مع سكر نبات من تشربه تطلع الغازات الي فيها وامهدها وتنام
عطيه خليه يرتاح مومشكلة انا كتب لي اول دكتور على قطور كوليك ايز ماتقبله ولدي والدكتور الثاني كتب لي قطرة ثانية مافادته قمت انا احوس في الصيدليات وسالت عن ماي غريب قال لي الصيدلاني ان موقفينه وعطاني بونيسان من همالايا والله الشي الوحيد اللي نفعه اتوقع كله اعشاب ولافيه مسكن ولا كحول جربيه فديتج هي فترة ثلاث شهور تقريبا يعاني فيها البيبي وماعليه شر حبيبي…
عندج الماي الغريب واحسن واحد مال المستوصف
في دوا اسمه غاز من الصيدليه
بس الي ريحها دوا من الصيدليه اسمه غاز بيبي وايد وايد زين احطه لها بالحليب وتشربه ترتاح الحين صارلي اسبوع اعطيها خفت الغازات عندها وغيرت لها الحليب كنت اعطيها نوفولاك الوردي قمت اعطيها سميلاك كومفورت بس الحين مشكله الترجيع
دهني بطنه بزيت زيتون و سدحيه على بطنه راح يرتاح بس هاااا خليج يمه ولا تغفلين عنه
واذا حليبه سيميلاك غيريه لان فيه غازاااات واااايد حرام