|
|
مرحبا يا امهات
يعطيكم العافية
ارجو افادتي بمجموعه هالاسئلة ؟!
شلون تعودين طفلج على الذهاب للحمام وخصوصا وعمره سنه او اكثر شوي ؟!
متى يترك الممية وخصوصا ان ولدي ماينام الا بحلجه مميه حليب ؟! شلون اخلصه من هالعادة ؟!
وشنو ياكلون عيالكم بهالسن خصوصا العصاري جذي ؟! غير الفواكه والعصاير
ارجو انكم تردون وتساعدوني بالاجوبة
ومشكورين حبيباتي 
جد محتاجه للمساعده 
مشكله انا ماعرف بس ماحبيت اطلع بدون ما ارد يعطيج العفيةحبيبتي نباطه 
شلون تعودين طفلج على الذهاب للحمام وخصوصا وعمره سنه او اكثر شوي ؟!
انا بنتي عمرها الحين سنه ونص توني شاريتلها القطعه الي تنحط حق الياهل عزج الله عالمرحاض اقعدها واغسلها هناك بس عشان تستوعب الفكره متى يترك الممية وخصوصا ان ولدي ماينام الا بحلجه مميه حليب ؟! شلون اخلصه من هالعادة ؟!
اذا قصدج تقطعين الحليب تو الناس ( وفطامه في عامين) صدق الله العظيم خلي سنتين يرضع حليب عادي بعدين بالتدريج قطعي الحليب
وشنو ياكلون عيالكم بهالسن خصوصا العصاري جذي ؟! غير الفواكه والعصاير
عطيها كتكو وبفك بس مو كل يوم كل 3 ايام جذي عشان لا تعود عالخرابيط وهمن الكاكاو شويه لا تحرمين الياهل من اي شي بس كل شي عطيه منه شويه واختاري الاشياء الصحيه بدون الوان صناعيه سوي تبوله اذا تحب بنتج او كيك انا ساعات بنتي تينني كل ما اعطيها شي ترده ما تبيه افتح الثلاجة جدامها ةاخليها تنقي من الفواكه
سوي لها جلي كريم كرامل مهلبيه كاسترد كلهم مفيدين خصوصا المهلبيه زينه واليهال يحبون الجلي
عطيها كورن فليكس الي على اشكال
اتمنى اكون فدتج
بس انا ماابي اقطع عنها الممية انا ابي اقطعه بس وقت نوممتها لانه حيييييييييل متعبه وخصوصا بطلعها بغرفه ابروحها
ويعطيج الف الف عافية صج فدتيني فديتج 
ابلة سارونه
عالم حواء
يعطيك العافية حبيباتي عالافادة واتمنى استفدتو من خبرة اختنا ام اروى ^_^
|
المشاركة الأصلية كتبت بواسطة ام اروى
 ( وفطامه في عامين)
|
حبيبتي الايه غلط
( و فصاله في عامين )
اتمنى انكم تدققون في الايات القرآنية لأن هذا كلام الله ادري انكم ما تقصدووون بس اتمنى انكم تكونون حذرين بالمراات الياية
اما عن صاحبة الموضوع
اذا تبين تقطعين هالشي مو مرررة وحدة لا شوي شوي و احسن انج تعوضينه بحليب السعودية او حليب المرااعي شي جذي
اما عن تكرمين الحماام احس بدري عليه
اما المميه حاولت اقطعها بس مارضت بنتي عمرها سنه ونص والحمام لي الحين مابديت وياها ودي بس مادري شلون ابدي بحاول فيها