ضـــــــايق صدري ومو عارفه وش اسوي انــ

الســـــــــــــلام عليكم

اخبااااركم ياعسل ..

بناااااااااااات وربي حيل محتاجتلكــــــــــــــــــــــم

انا مخطوبه (مو متملكه) وخطيبي يكلمني وهو قريب مني ولد عمتي وطبعا اخته تدري وانا لمحت لامي انه يبي يكلمني وكذا وكان الوضع عادي عندها وموافقه بس ماعلمتها اني اكلمه المهم بعد كم مكالمه هو كان يكلمني ومسكر الباب عليه بس تعرفون اللحين شتاء والصوت واضح المهم مرت امه وسمعته لما نطق اسمي وراحت سألت اخته وقالت فلان يكلم فلانه (اللي هي انا) قالت ايه عادي مافيها شي وعلى فكره ترى ولدك اللي بيموووت ويكلمها وكذا طبعا عمتي من النوع اللي عادي بالعكس تشجع اللي كذا وطبعا انا علمت امي علشان ارتاح نفسيا وعلمتها وعادي عندها بالعكس قامت تعلق علي وضحك وو ..عدى الموضوع

طبعا اهو لما يكلمني اخليه كم يوم يدق يرسل ماارد عليه على طول او لمايرسل بكلمك او شي .. اقفل تلفوني يعني انه مغلق من قبل كذا يعني فهمتووااا ..

المهم قبل اسبوع كذا انا ارسلت له مسج انه خلاص ماله داعي المكالمات لانه انا اللي بتضرر اذا احد درى بالموضوع لانه احنا مجتمعنا ماعندنا هالشي يعني اذا ممكن بعد الملكه وصدقني بعد الملكه لك اللي تبي انت تامر بس .. اتمنى تفهمني وتقدر وضعي .. واذا بخاطرك اي شي ارسله لي مسج …

طبعا انا سويت كذا لان من جد مجتمعنا اللي حنا فيه ابد مايرضى بهالشي ولو احد درى انه يكلمني انا اللي بروح فيها وبيطلعون العيبه فيني .. وانا قلت اتفادى هالشي لان حاصل لي اشياء وماابغاهم يمسكون علي اي زله (مو اهلي بس اقاربي اللي هم اقاربي انا وهو )..

طبعا له اسبوع من ارسلت له المسج مارد ولا شي انا استغربت بس قلت يمكن قدر كلامي واخيرا لان كنت دايم اقول له بس مايرضى ويكلم .. من شوي تووووه يستوعب الاخ وارسل يقول انا كنت احرص على الاتصال فيك بس انتي معا الاسف ماتبين وليش تعلمين امك ماله داعي << انا مصدووووووووووومه ليش يقول كذا بالعكس انا اتمنى اني اكلمه كل دقيقه مو كل يوم بس الظروف اللي حوالينا وش نسوي فيها

وقهرني لما قال ليش تعلمين امك ماله دااعي رفع ضغطي شلون ماله داعي وامه مو درت منه ؟؟ وطبيعي اني كنت بقول لها ..

تكفووووون ساعدوني انا مو عارفه اتصرف افتقد الاخت الكبيره والصديقه الحنونه ..

ابي مشورتكم علي ودعـــــــــــــــــــــــائكم لي لاني حيل محتاجه له لانه ارسل وانا اذاكر عندي امتحانات الجامعه ضاق صدري وماعرفت احفظ لي ولا كلمه على بعض

هلا والله اثقلي عليه احسن للك

وهو متعمد يسوي كذاعشان يرفع ضغطك فهمتي

حبيبتي انتي صح واهوه لازم يقدر هالشي ولاتحاتين ولاشي دزيله مسج انج ماتبين احد يتكلم عنه او عنج بشي
وانشالله يفهمج ويقدر الظروف

يعطيـــــــــــــــــــــــــكم الف عافيه ..

ماتقصروون

ادعوووووووووووا لي

شوفي حبيبتي…

اللي سويتيه عين العقل،،

والوضع يختلف لان مجتمعكم تقولين انكم محافظين حيل حيل فماينفع انج تكلمينه…

بعدين اهو المفروض يخاف عليج اكثر من خوفج على نفسج..

يعني كان ممكن تنحطين بنفس الموقف اللي صارله وامه عرفت انه يكلمج كانت ماره يم غرفته..

تخيلي واحد من اخوانج او ابوج او اي احد مار وسمعج تكلمينه… تخيلي شنو بكون موقفج حزتها؟

وانتي فهمتيه بالاصح ذكرتيه ان مكالماتكم مالها داعي الحين وان كل شي بسير علني بعد الملجة

والمثل يقول "لا تبوق لا تخاف" … يعني لو كان مالج عليج بتكلمينه بكل ثقة وجدام الكل,,

لا وممكن يدق عالبيت ويطلبج بالاسم اذا ماحصلج عالموبايل,,

وتذكري انج لما بينتيله موقفج هم كنتي حريصه انه يلقاج ان بغى شي بكلمتج ان بغيت شي دز مسج…

يعني عدااااااااج العيب…

لو كان يحبج صج كان بخاف عليج,,,

وانا رايي من راي البنات ثقلي عليه

اهوا مقهور ومنبطة مرارته فبيقهرج عشان تحسين فيه

يحليله والله ))))

انتبهي لدراستج ياقلبي ابرك لج من هالسوالف الحين انتي اللي سويتيه عين العقل وامج تدري بالموضوع خلاااااااص انتهي الموضوع اذاا يحبج ويبيج للزواج امه تدري وامج تدري يعني الوضع حييييييييييل هين
بس لاتعطينه اكبر من حجمه تركيه واسفهيه مستقبلج اهم من ولد عمتج لاحقه عالزواج والشقا

ولد عمتج اذا زعل وطنقر مرده بيحس بغلطته ويقدر وضعج وضروفج بس اذا ابوج والا اخوانج صار عندهم خبر بوضعج وزعلوا منج صدقيني مستحيييييييييييييييل تقدرين تردين لهم الثقه فيج

اللي صار لج خيره من الله وربي يحبج علشان جذي صرف عنج هالولد والحمدلله مبين عليج بنت ناس وخايفه ربج طيعيني ماتضيعين درااااااستج خليها جدام عينج ولاتفكرين باى شى ثاني ابد ولاتردين علي اتصالاته حقريه واذا يبي شى يقول لاخته والا امه اناموشايفه اي مشكله بالموضوع هذا راييييي وشوفي راي البنات ياقلبي انشاءالله بترتاحين

كلامها عين العقل الغاليه نونو … والله احبها لله في لله هالانسانه

وفكري بدراستج يابنت… الزم ماعليج شهادتج

وعسى الله يوفقج ويكتب لج اللي فيه الخير ياااااااااااارب

صراحه من الاول المفروض انج ما تكلمينه لان الي بينكم خطبه مو ملجه وتوقع انه مليون بالميه لو كان اخوج خاطب اخته ما كان رضى انها تكلمه نصيحه لا تحاولين انج تكلمينه او دزيله حتى مسج وهو اذا شاريج ويبيج راح يستعجل بالملكه

حبيبتي زين سويتي والبنات ماقصروا وانصحوووج

وهمن انا اقولج لا تردين عليه ولو يبيج صج وشاريج راح يجي يطق الباب ويخطبج وزين سويتي انج علمتي امج هذا عين العقل

ونصيحتي الاخيره الحب والزواج لاحقه عليهم الاهم الحين الدراسه والله يوفقج ويريح بالج

ماعندى شئ اضيفه لان البنات ماشاء الله ماخلو شئ زين ماقالوووه طيعى كلام البنات

وربي يوفقج

تحيآتى

دزيله مسج قوليله اتمنى انك تقدر ظروفي وموقفي وانا ماكنت ادري انك ماتبي امي تدري وبس

الله يوفقكم وجابلي دراستج اهم لاتخلين هالاشياء تاثر عليج

الله يوفقج

انتي زين سوييتي و خليتي امج بالوي أي شي يصير تدري عنه ,, و صج سوالف التلفونات مالها داعي و متى ما ملجتي كلمييه على كيفج و اهو المفروض ما يرد عليج و يقولج لج ليش علمتي أمج ,, المفروض ان يفرح انج ما تخشين شي على امج !!

يعطيـــــــــــــــــــــــــم الف عافيه حبايب قلبي

ماتقصروووووووووووون وربي

ريحتوني الله يريح قلوبكم دنيا واخررره

برايفت :: انا مخطووبه علني يعني صارت خطبهرسميه عند الكل بس باقي الملكه قبل الزواج بفتره

حبيت بس ابين لكم

فديتـــــــــــــــــــــك وربي احبكم

وباخذ بنصيحتكم ومااراح ارد عليه واشوف وش نهايتها

امممممممممممممممواااااااااااااااااااااااااه لكل

البنات ما قصروا والله . كفوا و وفوا

اخذي الأمور ببساطة و انشالله ما راح يصير الا الخير

الله يهنيج انشالله و يوفقج

السلام عليكم
اهو مو خاطبج حبيبتي عادي حلال وبعدين هذي فترة خطبه عشان اتعرون اطباع بعض وتختبرون بعض بعدين انتو وايد امصعبين الامور زعلتي بس علشان قالج مالا داعي اتقولين حق امج شنو هالحجي لا ادققون يابنات على اشياء مالها هذا برايي انا او يمكن مافمتج صح واي شي تبين حياج وشكراً