ضروري الاسنان والتقويم

السلام عليكم
بنات حبيت اسال اللي صار لها مثلي او شافت احد
انا الله يسلمكم عندي اسناني اللي جدام طالعين شوي وفي فرقه بالنص قرر الدمتور يحطلي تقويم
حطيته فوق وتحت عشان يصير مستوى واحد وقالي اذا تبين تجميلي شيلي اسنان ثنين فوق وتحت
رابع سن تقريبا ورا القواطع مو من ورا المهم قالي مدته سنة ونص قلت ماعليه ابي نيولك وصج يابنات الفك عندي تغير وشفايفي صغيروا بس الفراغ الاسنان مع الوقت يصكر قرب السنه ونص وللحين في فراغ بسيط كل ماروح له اقول دكتور ماابي اطول المده ويشد علهم اكثر لمن شاله الفوق حلويين اما لللي تحت داخلييين واااايد شي مو متوقع لدرجه مو سيدا مقوسين لي داخل

جان اقعد ابجي لي درجه اصكر حلجي مايبينون اللي تحت بس شي بسيط لانهم مقوسين لي داخل
لمن قلت للدكتوره قال انتي تقولين شد اكثر ابي اشيله انتي ماسمعتي كلامي
مو معقوله هذا عذر ولمن شافني ابي ابجي قالي خلاص ارد احطه لج مرة ثانيه وخليني على راحتي لا تسالين متى اشيله ولا تخافين راح يردون
الحين اللي بعرفه هل يردون ولا لا لان شكلهم بيطولون لاعت جبدي ودي اشيله تخيلوا الحين رد حطه مايسوي شي بس اسم اني حاطه تقويم
قلت ودي اروح استشاره لدكتور ثاني بس للحين
*

منو دكتورج؟!

بعدين ترى أنتي غلطانة .. مدة التقويم مو ثابته
تختلف من شخص للثاني حتى لو قال لج الدكتور أن
يبيليج سنة ترى مو شرط تشيلينه بعد سنة بالضبظ
كل اللي يسويه الدكتور أنه يتوقع ويخمن حسب الحالة ..ويمكن يطلع توقعه
صح ويمكن العكس.. ومرات تكون المدة أطول من المدة المحددة أو أقصر ..
أعرف وحدة قالها الدكتور يبي لج سنتين تقويم وبعد سنة
ونص بالضبظ شالته وأسنانها يجننون..وواجد غيرها
صار لهم نفس ما صار لها ..

أنتي المفروض ماكنتي تستعجلين ..وتخلين التقويم عليج مدة
أطول من سنة ونص..
ووانصحج بالأستخارة بهالأيام المباركة .. ومراجعة
دكتور ثاني .. موفقة حبيبتي

سكارلت حبيبتي مشكوره على تفاعلج معاي
انا خليته اكثر لان قال الدكتور يبيلج اكثر من سنه ونص وقت مااشوق ان اوكي اقولج
دكتوري فيجي عياده ابها الشعب

انتي غلطتج وايد حنيتي عليه على سالفة الوقت

بالعكس خليه على راحته ولا تشتتينه

وترى التقويم مو بيوم وليلة لازم ياخذ وقت

والله انا قالي شهر 3 بشيلة وماشاله الا شهر 6 لا وتهاوشت وياه قتله لا تستعيل دكتور لو يبيلهم بعد خلهم

اهم شي يردون اسنانج حلوين لا تخافين من الوقت ونطري مو خسرانه شي

حياتي الله يعينج

بس مافهمت انتي شلون حاطه التقويم اشلون يعني تجميلي من وراي مافهمت
وكلامج صح موعذر المفروض الدكتور يعرف شغله ماله شغل بالمريض وحنته

والمفروض يفهمج من الاول الله يعينج حياتي حاسه فيج