|
|
بسم الله الرحمن الرحيم
من زمان ودي اكتب لكم هالموضوع
بنات بقولكم قصتي واتمنى انها تفيدكم …..
انا تاخر حملي سنتين ونص وخلال هالسنتين اجهضت مرتين
وبالمرتين ابداية الحمل يعني عقب ما اجهض ادري اني كنت حامل ،،،
وطبعا سوينا كل الفحوصات والف حمد وشكر لك يا رب مافي اي مشكله
ولقافه اخذت وايد كلوميد وابر تفجير وصارت فيني تكيسات وعالجتها ،،،
عقب قلت خلاص بسوي انابيب مع ان محد نصحني وكنت ناطره الدوره وحدددي مستعيله ابيها عشان ابلش اجهز حق الانابيب ،،،
وخلال هالفتره كل يوم الصبح كنت اسمع سورة البقرة
وما خليت الاستغفار على طول استغفر
وادعي بالسجود ووايد كنت اتصدق بنية الحمل السليم
وييت حق اليوم ال 28 اللي اهوا يوم الدورة
ولقافه سويت تحليل حمل بس ما طليت فيه
قلت اكيد نفس كل شهر مو حامل
وقطيته ،، عقب خمس دقايق رديتله
شفت
ولا خط خفيييييييييييييييييف
رديت قطيته
بالليل قلت حق ريلي السالفه ووايد استانس وانا كنت عاااادي
اليوم اللي وراه رحت حللت هرموني لاني كلمت دكتورتي وقلتلها قالتلي ضروري اتسوين الهرموني
،،، وعقب ساعتين اطلعت النتيجه
الحمدلله الف حمد وشكر لك يا رب طلعت حامل 
ماشاء الله تبارك الرحمن
.gif "Eh S(7)")
حبيباتي اللي بوصله لمكم ان لازم تتوكلون على الله مع بذل الاسباب
كثرو من الاستغفار والصدقه بنيت الحمل السليم
سورة البقره والرقية الشرعية جدا مهمه
بليييز بلييييز بلييييز
لا تفكروووون وايد التهو باشياء ثانيه
وبالنهايه مابي منكم غير انكم تدعولي الله يحفظ بنيتي وريلي من كل شر ويخليهم لي .gif "Eh S(17)")
وسبق وحملتي مرتين طبيعي وصار اجهاض
طبيعي تحملين طبيعي
ومبروك الحمل والله يثبته لج
|
المشاركة الأصلية كتبت بواسطة قاهره عذالي
 انتي اساسا سليمه
وسبق وحملتي مرتين طبيعي وصار اجهاض طبيعي تحملين طبيعي ومبروك الحمل والله يثبته لج |
حبيبتي في وايد بنات بالقسم متاخر عندهم الحمل من غير سبب واضح
وما كتبت الموضوع الا لاني عانيت من التاخير والاجهاضين اللي صارو
وحبيت افيد البنات وارد فيهم جزء بسيط من الامل
غير هذا كنت متابعه بصوره مستمره لهالقسم
فعايشه معاهم لحظه بلحظه بس من وراء الكواليس
وخلال هالسنتين ونص حملت مرتين بس يعني مده طويله
شكرا عالمرور والله يبارك فيج ويحفظلج كل غالي
قال كن فيكون
ياما رجال قالولهم انتم صفر ماتنجبون
ومرت السنين والله رزقهم
والرسول اللهم صلي وسلم عليه قال :" تداووا عباد الله فان لكل داء دواء , الا الهرم (الشيخوخه) "
وان شاء الله تبشرينا انج ولدتي بالسلامه وجبتي جنين سليم معافى يارب
والله يرزق كل بنات القسم
ولفته حلوه منج
واجد بنات احملوا وحولوا بقسم النساء والولاده ولا اكتبوا قصتهم ولا شي
بعضهم يخافون من العين
انا اعرف وحده قالت خلاص ما اعلم اني حامل عشان لاتجيني عين
وياربي الله يكثر من المواضيع اللي مثل قصتج تعطينا الامل
ودام الحياة مستمره فيه امل
|
المشاركة الأصلية كتبت بواسطة قاهره عذالي
هو ربي اذا اراد شي
قال كن فيكون ياما رجال قالولهم انتم صفر ماتنجبون ومرت السنين والله رزقهم والرسول اللهم صلي وسلم عليه قال :" تداووا عباد الله فان لكل داء دواء , الا الهرم (الشيخوخه) " وان شاء الله تبشرينا انج ولدتي بالسلامه وجبتي جنين سليم معافى يارب والله يرزق كل بنات القسم ولفته حلوه منج واجد بنات احملوا وحولوا بقسم النساء والولاده ولا اكتبوا قصتهم ولا شي بعضهم يخافون من العين انا اعرف وحده قالت خلاص ما اعلم اني حامل عشان لاتجيني عين وياربي الله يكثر من المواضيع اللي مثل قصتج تعطينا الامل ودام الحياة مستمره فيه امل |
حبيبتي بعد قلبي الله يرزق الجميع ويفرح قلوبكم
حياتي انا ولدت ويبت فاطمه عسى ربي يحفظها
الله يشهد علي من زمان ودي اكتب االلي صار
بس يطلعلي ظرف
والله انا وحده من الناس اللي مليت من كثر ما الناس تسال
ومن اختبارات الحمل المنزليه ونتايجها السلبيه
بس الحمدلله يا ربي رزقني سبحانه
الف حمد وشكر لك يا رب
وكل شهر كنت افكر ونفسيتي حيل تعبانه
ولما قررت اني اهد التفكير وافكر بشي ثاني
وكثرت من الاستغفار ليل نهار
والصدقات الحمدلله ربي بشرني
يا رب ترزق كل محرومه
|
المشاركة الأصلية كتبت بواسطة hessa777
الله يبارك لج ووفقج بحياتج ويرزقنا الذريه الصالحة يارب
|
بعد قلبي حبيبتي تسلمين
وعسى ربي يرزقج
ويرزق كل محرومه عاجلاً غير اجلاً
وفي وحده اعرفها 10 سنين ما حملت
وسبحان الله فرت كل الدكاتره
ووصلت لندن
وما كان في امل
والحمدلله ربي رزقها
ووليدها عسى ربي يحفظه بحظنها
خلو ايمانكم بالله قوي
واحسنوا الظن فيه سبحانه
الحمدلله حملتي طبيعي
اليوم شكثر استانست من زمان ما دشيت المنتدى وهذا ثاني موضوع ابارك لبنت كانت متاخره بلحمل عقبالي انا والبنات ان شاء الله