|
|
نخش بالموضوع على طول
الغازات
بنت اختي عنونه ماكملت عشرين يوم
ما تشرب شي الا الحليب
حتى حليب امها ماتبيه
الا اذا خلطناه مع الحليب العادي ممكن تشربه
من الحين عوبه البنيه وعسره
طبعا حاولنا بكل الادويه والاعشاب البنيه مو راضيه تشرب
وان شربت غصب قامت ترجع
استسلمنا للأمر الواقع
بس الحين المشكله ان البنيه تتلوى من عوار البطن
شنو نسوي عشان نخفف عنها؟
يعني تدليك مثلا عالبطن أو الظهر؟
تسخين مطارة ماي دافي ونخليها صوب بطنها
أو أي طريقه تخفف من عوار بطنها وتطلع الغازات شوي؟
بس غصب و الله اشربه ,,
اسويله ينسون و احطه بالرضاعه و غصب اشربه والله راااح تدعيلي لانه راح يرتاح بعدها ,,,
و الله يعينها حااسه بمعاناتها ..
انزين شلون نشربها غصب؟
اذا حتى سكر النبات مع الماي ماتشربه
الماي ماتشربه لا مع سكر نبات ولا مع شي ثاني
نقطر الماي بحلجها بالقطاره
اهو نقط حق المواليد تحطينه مع الحليب بس صج وحده بوحده يطلع الغازات
بشوف اذا عندها والا لأ
لأنها جربت كل الأدويه ومافادوا
من جذي نبي طريقه تهون عليها العوار
اذا ماعندها منه بروح باجر اخذه لها
ولازم تعرضونها على دكتور اشوف شنوفيها لا سمح الله المعدة فيها شيئ أو المصارين وماتشوف شر
انا مره سمعت من وحده بالدوام تقول الريحان الاخضر وااايد زين للمواليد ويهدي بطنه ويخلي ينام نوم متواصل 
تييبين ريحان وتحطينه مع ماي عل النار بس لا تخلينه يغلي وايد بس شوي يكون لونه اخضر فاتح وخليه يبرد وشربيه للبيبي .. وما يشوف الا العافيه ان شاء الله
اهي مجربته لولدها
وان شاء الله عيالكم دايم بصحه وعافيه .
نسيت اقول للتحليه حطي معاه سكر نبات.
اغلي الينسون مع حبة الحلوة نص غليه و خليه يرتاح شوي و حطيها بالرضعه و حطي عليها كسرة سكر نبات
ولما تدفي شربيها البنت وااايد مفيدة للغازات
و عطيها بعد قفشة صغيرة مرقدوش يريحها
وترى ما يضرها حتى لو كانت توها صغيرة
انا عيالي من ارد البيت من المستشفى يعني بعمر 3 ايام اعطيهم حبة الحلوة
و الحمدلله ما اشتكوااا من الغازات
ودهنو بطنها بزيت زيتون دافي يريح البطن بعد
وماتشوف شر ان شاء الله
وانشالله يتشافا
فوحي كراويه وحبه حلوه وينسون وكمون وحبه هيل وشويه سكر نبات
انا مجربته لولدي عجيييييييييييييب