شنو جالتلج أمج قبل ليلة دخلتج

السلام عليكم يا كويتيات

بدج بموضوعي سيده بدون مقدمات
يا بنات أنا قبل لا أعرس كنت مخليه فبالي شغله وهي أن أمي بتجي وبتمسكني من أيدي وبتجعد تنصحني للحياة اليديده وتكلمني عن إلي بيصير فذيك الليله
للحين حلو
لما أقترب موعد عرسي وأنا أفكر يا ترا متى بتي أمي وتميت أحاتي منحرجه أنه تفتح معي موضوع الجنس –
وقبل العرس بيوم نادتني أمي بروحي جلت فنفسي وااااااااي أيت اللحظه إلي أنا منحرجه منها
دخلت بدار أمي تمت أمي تنصح فيني صيري مره ذربه وحطي ريلج بعيونج وشيلي أمه ع راسج عديها شراتي ومن هالنصايح وسكتت أمي جلتلها خلاص يمه جالت إي سيري خلص مع خواتج وأنا جلت فنفسي طيب وذيج السالفه مالت أول ليله ما جالتلي عنها ولا فهمتني ولا جربت صوب الموضوع خير شر
ومضى يوم عرسي وصار كل شي ع خير والحمد لله وهذا كله بفضل الله والنت إلي تعلمت منه شو يستوي ذيك اليوم وشلون أتصرف
الموضوع الحين يا بنات أنا كنت حاطه فبالي أن الأم تشرح لبنتها عن موضوع الجنس والعلاقه يا ترى كلكم صار معاكم نفس الشي أو غير
يلا كل وحده فيكم تجولنا شنو كلنت محطيه فبالها أن أمها بتجولها وشنو إلي صار

وينكم بنات أفا ولا رد وأنا كنت متحمسه للموضوع

خخخخخخخخخخخخخخخخ
حبيبتي والله انا امي ماقالت لي شئ نهااائيا
هي تستحي اكيد
لو اقولج شئ بعد تنصدمين
حتى خواتي المتزوجات ماقالولي شئ ههههههههههههههههه
سهالات من ربج

صمت العيون مشكوره ع الرد بردتي جلبي الله يبرد عليج
أظن أن كل الأمهات جذي يستحون وطبعا أنا اكبر خواتي فما حد خبرني شي كله بس أحو فهالمنتديات أدور شي ههههاااااااي

حتى امي ماقالتلي شي ..الامهات ينحرجون فديتهم ..والحين مشالله هالمواضيع ترس النت اللي يبي يتعلم يدور ..

اصلن احنا ننولد نعرف كل شي الكويتيات مفتحين بالبن الله يخلي كتب المدارس والتلفزيون والكتب حتى احنا لا اهل لا خوات يقولون عن هالسوالف يعتبرونها فشله عرفتي بس بعد يوم العرس يدقون علينا يطمنون ان صارت مثل ما لازم تكون وبس

وي عيل حتى انا امي مليون بالاميه ماراح تقولي
اذكر رفيجتي لما قالت لامها قوليلي على الاقل شي يريحني قالت ماراح اعلمج شي خل يصير فيج اللي صار فيني لووووووووووووووول
احنا بايامنا محد علمنا شي
وااي الله يستر من هل يوم

موضوع حلو

اب

اعتقد ان الامهات يستحون

انا امي متوفيه ومحد قالي شي

ماعدا عمتي كانت قاعده تبدلني بالفندق قالت لي خليج على راحتج ولا تشدين على نفسج

وانا فهمت شنو تقصد وبس ^-^

امي طبعا ماقلتلي شي ولا احد فهمني فهمت بروحي هاهاهاهاهااااااااي

الله يرحم ابوي رحمتن وااسعه قبل ماعرس وصااني وصيه قال لي شووفي ونا ابوج بس بحمق وحنان مخلوط مادري اشلون لا تسألوني

قال هالله هالله بعمتج يعني خالتي ام ريلي مابيها تشتكي منج ون شكت لي منج كريتج ودست بمردانج

وريلج حطيه بعينج ومايدخل الحمام الا انتي واقفه بره تنطرينه وبيدج الفوطه الله يرحمه ابوي مزوجني قرسون مطاعم

هذى نصيحة ابوي وامي كل اللي قالته لي نصايح حنونه حق الزوج وامه ياعل ربي يطول لي بعمر اميمتي كلما كبرت وطلعت شيبه براسي احس اني ماااااكتفيت من نصايحها ياعل ربي لايحرمني ولا يحرمكم حلوات اللبن ملوتكم

محد قالي شي لا امي ولا اختي الكبيرة
ذابحهم الحيا

مرورج الأحلى حبيبتي

الله يرحم أمج ويغمد روحها الجنه
وأنتي عاد فطينة لجطيها ع طول

جودي والغاليه نونو وكات أنجل أسعدني مروركم