|
|
السلام عليكم
من زمان ما كتبت موضوع
وبالفترة الاخيره صار عندي تساؤلات عديدة حول الزواج
ما قمت اعرف شي احس نفسي تايهة
قلت اتساءل وياكم واشوف تجاوبكم واجوبتكم وآراءكم
ويمكن ارتاح
نبتدي
شنو اهوا الزواج ؟
ادري بتقولولي (حب ، استقرار، امان الخ … )
بس ما يمنع ان تقولون اكثر
فيدوني افادكم الله
يمكن السؤال بالنسبه لكم تافه وعادي لكن بالنسبه لي وايد مهم لاني تاااايهة مو عارفه راسي من ريولي 
الزواج استقرار واحترام وتبادل الحب والحنان
ومشاركه في الاحزان والافراح
وانجاب الاطفال
والمشاركه في تربيتهم
الزواج مشاركه لكل شي في الحياه مع شريك حياتج
واساس الزواج الناجح الاحترام والتفاهم
واتمنى للي عندها خبره اكثر تفيدها
من زمان ما شفتلج رد او موضوووع بالمنتدى عسى المانع خير
موضوعج حلووووو ولي عوده علشان اجاوب على راحتي لأني الحين قفلت حدي
بس حبيت اسلم عليج
نوره
اشكرلج مشاركتج وردج
هلو كيتي
الله يسلمج حبيبتي وناطره ردج انشالله
تدرين اليهال والوظيفه والبيت مو مخليني بحالي
سوسن
شكرا للرفع حبيبتي
عالم له فروع كثيرة تدخلينه ولازم تعرفين شلون تتجهين لكل فرع بالوقت المناسب
مسئولية .. زوج ما تعرفين أطباعه ويبيلج وقت علشان تعرفينها ثم تألفينها ثم تتعاملين معاها بشكل صحيح ..
مجاملة لأهله وتوجيبهم وحبهم لكسب حبه .. اعتبر هذا جزء مهم في الزواج
ثم مسئولية طفل .. تربية واهتمام وتوفيق بين الطفل والأبو
ثم مسئولية أطفال .. اهتمام وتوفيق بين الأطفال زيادة على أبوهم
وهني دور الاب يبين بالتعاون (يعني مسئوليات + تضحيات + تنازلات +تعاون ) لزوم بناء الاسرة من كلا الطرفين لسير القافلة
يعني الزواج يعني لي مسئولية كبيرة لازم الوحدة تكون مستعدة لمواجهة جميع فروعها وفيها الحلو وفيها المر وعسى الله لا يجيب المر
والزواج بالنسبة للوحدة فينا تكوين ذات وكيان وعش جميل عسى ربي يرزق كل وحدة مو متزوجة
>>>>>>جنه صار موضوع تعبير مو رد
انا من تزوجت لما فترة بسيطه انا عندي الجواب ومطبقته بحياتي
واهو ان الزواج احساس بالامان والاستقرار + شوية تنازلات منج وشوية تنازلات من الطرف الاخر عشان المركب تمشي
بس الحين كل هذا قاعد يتغير ويتبدل وقاعده اشوف اشياء غير
خلوا الامان على جنب لان الامان بالنسبه لي لما الوحده تعيش حياتها من غير خوف والحمدلله هالنقطة متوفره عندي وتحسب لصالح ريلي
اما الاستقرار .. مو حاسه بالاستقرار واتكلم عن الاستقرار النفسي
مو لاقيه نفسي وضايعة من نفسي .. ونفسيتي مو مرتاحه .. من تزوجت لي يومكم هذا وانا كله على اعصابي
اما بالنسبه للتنازلات فبالنسبه لي انا عطيت وتنازلت وغمضت عن عيوبه
بس اتضحلي ان كل هذا ولا شي عنده
واكتشفت ان بالمقابل اهو مو قاعد يغمض عن عيوبي
اكتشفت ان انا في نظره عيوبي مغطيه على ميزاتي
واكتشفت ان انا في نظره مو مسويتله ولا شي
مع العلم ان من تزوجت وانا كل همي رضاه
انا اعترف ان لي اخطائي ولي عيوبي ولي نواقصي
مثلا : (( نساااااااايه .. وايد انسى واعاااااااني من هالمشكله ، يبيلي اكون احرك من جذي بالنسبه للبيت يعني البيت يبيلي تنظيم اكثر واحس اني مو مسيطره على بيتي عدل من ناحية النظام يعني افتقر الى النظام الي يسود البيت )) هذا الي يحضرني والي اعرفه عن نفسي وما ادري جان اهوا بعد حاط اشياء ثانيه في باله فهذا شي ثاني ..
لكن
عمري ما انكرت عيوبي وعمري ما رفضت التصليح من نفسي ..
عمري ما قلت لا وخلاص انا جذي تبي والا كيفك
بالمقابل اهوا شايفني الى جانب العيوب الي انا ذكرتها (( عصبيه مع اليهال ، كله تعبانه))
بالنسبه لعصبيتي مع اليهال مو ذاك الشي الخطير الي ما يحتمل
ازف على اشياء غلط اهما يسووونها بالمقابل اطلعهم واونسهم واييبلهم واضحك معاهم واوكلهم وابدلهم واسبحهم وانومهم .. يعني ام طبيعيه مهتمه فيهم ومراعيتهم .. بنفس الوقت ماني مثاليه يعني مو كل شي على حسب الاصول .. لي اخطائي لكن ماهي بالاخطاء الفادحه ..
بالنسبه للتعب .
انا موظفه ولما ارد ارد تعبانه ومع ذلك ما انام مرات اتم حايسه معاهم لما المغرب وبعدها انسدحلي شوي ومرات اواصل لما الليل ومرات لا والله انسدح بعد الغدا .. يطالعني بنومتي وبراحتي .. حتى لو ما يتكلم اكتشفت ان يحط بقلبه ويسكت يعني ما يطوف يسكت بس ما يطوف يسكت ويشيلها لي ..
انا جد تعبت .
|
المشاركة الأصلية كتبت بواسطة Over-The-Moon
 الزواج …. وما أدراك ما الزواج
عالم له فروع كثيرة تدخلينه ولازم تعرفين شلون تتجهين لكل فرع بالوقت المناسب مسئولية .. زوج ما تعرفين أطباعه ويبيلج وقت علشان تعرفينها ثم تألفينها ثم تتعاملين معاها بشكل صحيح .. مجاملة لأهله وتوجيبهم وحبهم لكسب حبه .. اعتبر هذا جزء مهم في الزواج ثم مسئولية طفل .. تربية واهتمام وتوفيق بين الطفل والأبو ثم مسئولية أطفال .. اهتمام وتوفيق بين الأطفال زيادة على أبوهم وهني دور الاب يبين بالتعاون (يعني مسئوليات + تضحيات + تنازلات +تعاون ) لزوم بناء الاسرة من كلا الطرفين لسير القافلة يعني الزواج يعني لي مسئولية كبيرة لازم الوحدة تكون مستعدة لمواجهة جميع فروعها وفيها الحلو وفيها المر وعسى الله لا يجيب المر والزواج بالنسبة للوحدة فينا تكوين ذات وكيان وعش جميل عسى ربي يرزق كل وحدة مو متزوجة >>>>>>جنه صار موضوع تعبير مو رد |
كلامج وايد منطقي وواقعي
تدرين مرات صرت احسد المو متزوجه على حريتها
الزواج حب وموده ورحمة بين اثنين … لازم كل واحد يحب الثاني ويخاف عليه ويعرف شنو الي يحب وإلى يزعله الطرف الثاني من غير ما يتكلم … انه يكون الطرفين وفي للثاني بوجوده وغيابه … وان يحط ربه بين عيونه في معامله للطرف الثاني … هذي الاساسيات
بعدها تجي امور ثانية لازم تصير لأن الزواج مو كل عسل لأننا بشر والانسان يمر بحالات مو كلها نفس الشئ ساعة يكون متضايق أوماله خلق أو تعبان لازم الطرف الثاني يقدر هالشئ ويحاول يخفف عنه ولا يزيد حمله
بس في شئ بقوله لج بئيد الوحده تخلي زواجها نعمة وبيدها يكون نقمه اذا اعرفت تتصرف
|
المشاركة الأصلية كتبت بواسطة ســــــــــما
كلامج وايد منطقي وواقعي
تدرين مرات صرت احسد المو متزوجه على حريتها |
بالعكس مو بالضرورة تكون المتزوجة فاقدة لحريتها ..
بالعكس احساسي بالحرية زاد عن قبل الزواج
صرت مستقلة بذاتي .. سيدة نفسي .. وزوجي الحمدلله جدا متفهم ما حد من حريتي على الاطلاق
واذا تقصدين التقيد صار مع الاولاد ومسئوليات الزواج .. بالعكس راح تتعودين ويصير الشي من روتينج اليومي عااادي
وراح تستانين من منظر عيالج مع ابوهم على الغدا أو العشا وينطرون بعض ..أو لما تدرسين عيالج
فعلا ماعدتي البنت الصغيرة المدلله .. صرتي أم ومسئولة وبيدج دفة القارب
صحيح ان فيه مشاكل وايد مع الاطفال وتربيتهم .. بس لازم تتعلمين شلون تتعاملين معاها
وايد اسأل نفسي لو كنت ليلحين مو متزوجة جان شنو وضعي ؟؟؟ ملل ورتابة الحياه وفراغ وشوق الزواج
والمتزوجة وعندها اسرة ؟؟؟ …. مسئولية وتدريس وتربية وطلبات الاطفال وطبخ وتلبية حاجات ماتخلص والفراغ معدوووم عندها
سبحان الله (لله في خلقه شئون) كل شي حكمة من رب العلمين .. في المتزوجات و فيه اللي ما الله كتب لهم وكل من عايش حياته
يمكن يكون الزواج للبعض مضرة فما قسم لهم رب العلمين .. وما يعني هالكلام ان كل المتزوجين متهنين ابدا
جني وايد اقرق
|
المشاركة الأصلية كتبت بواسطة ســــــــــما
تدرون ليش سألت هالسؤال
انا من تزوجت لما فترة بسيطه انا عندي الجواب ومطبقته بحياتي واهو ان الزواج احساس بالامان والاستقرار + شوية تنازلات منج وشوية تنازلات من الطرف الاخر عشان المركب تمشي بس الحين كل هذا قاعد يتغير ويتبدل وقاعده اشوف اشياء غير خلوا الامان على جنب لان الامان بالنسبه لي لما الوحده تعيش حياتها من غير خوف والحمدلله هالنقطة متوفره عندي وتحسب لصالح ريلي اما الاستقرار .. مو حاسه بالاستقرار واتكلم عن الاستقرار النفسي اما بالنسبه للتنازلات فبالنسبه لي انا عطيت وتنازلت وغمضت عن عيوبه اكتشفت ان انا في نظره عيوبي مغطيه على ميزاتي واكتشفت ان انا في نظره مو مسويتله ولا شي مع العلم ان من تزوجت وانا كل همي رضاه انا اعترف ان لي اخطائي ولي عيوبي ولي نواقصي مثلا : (( نساااااااايه .. وايد انسى واعاااااااني من هالمشكله ، يبيلي اكون احرك من جذي بالنسبه للبيت يعني البيت يبيلي تنظيم اكثر واحس اني مو مسيطره على بيتي عدل من ناحية النظام يعني افتقر الى النظام الي يسود البيت )) هذا الي يحضرني والي اعرفه عن نفسي وما ادري جان اهوا بعد حاط اشياء ثانيه في باله فهذا شي ثاني .. لكن عمري ما انكرت عيوبي وعمري ما رفضت التصليح من نفسي .. عمري ما قلت لا وخلاص انا جذي تبي والا كيفك بالمقابل اهوا شايفني الى جانب العيوب الي انا ذكرتها (( عصبيه مع اليهال ، كله تعبانه)) بالنسبه لعصبيتي مع اليهال مو ذاك الشي الخطير الي ما يحتمل ازف على اشياء غلط اهما يسووونها بالمقابل اطلعهم واونسهم واييبلهم واضحك معاهم واوكلهم وابدلهم واسبحهم وانومهم .. يعني ام طبيعيه مهتمه فيهم ومراعيتهم .. بنفس الوقت ماني مثاليه يعني مو كل شي على حسب الاصول .. لي اخطائي لكن ماهي بالاخطاء الفادحه .. بالنسبه للتعب . انا جد تعبت . |
اسم الله عليج من التعب
عاااادي جدا اللي تمرين فيه واعتبره شي جدا طبيعي
انا ما ارتحت معاه الا بعد مرور 7 سنين زواج .. هني فهمته وفهمني وبدت تبان التنازلات والتفاهم
اما قبل جذيه حياتي مثل ما وصفتي حياتج .. وحيل كان ناقد علي على سالفة زف اليهال والعصبية .. لكن لما طلعنا بشقة بروحنا قبل سنة احتك بعياله اكثر .. وشاف طبعهم الصعب وبدا يعذرني على عصبيتي
كل شي مع الوقت راح يبين وراح تتظح له الرؤية أكثر ومرده بيعرف انج قاعده تتعبين صدقيني
وبالنسبة لتنظيم أمورج دخلي دورات تعزز ثقتج بنفسج .. أو استشيري والدتج او احد عنده خبرة قوليلها تساعدج بتنظيم امور بيتج
صدقيني لا تخلين الريل يمسك عليج ممسك .. النسيان معذورة بس لا يوصل لدرجة الاهمال.. ديري بالج
موفقة انشالله وعسى ربي يهون عليج ويسهل عليج امورج يارب
مشكوووووووووووره حبيبتي كفيتي ووفيتي وانشاالله اطبق كلامج بلي اقدر عليه والله يعيني ويعين الجميع يا رب
شكرا لمرورج
jaaanooo
الف شكر لج ولمشاركتج ما قصرتي