شنو الشي الي ينظف بطن الياهل

السلام عليكم يا حبايبي..

بس بغيت اسالكم شنو اعطي عيالي دوا او جاي عشان بطنهم ينظف..؟

اول امهاتنا يشربونا ادويه شعبيه عشان تتنظف بطونا, وكانوا اهم يشربون خروع عشان هالسالفه,فيصير اشرب عيالي خروع عشان ينظف بطنهم من هالاكل الموزين الي قاعدين ياكلونه ولا لأ..؟ واذا في دوا بعد احسن..

للكبار >>> الحلول او العشرج (السنامكي)
للرضع>>> مغلي الكمون حطيله شوي بالممية…ينظف بطنه وحتى الغازات يطلعهم
اما اعمار 6 او 7 سنوات..فاتوقع الخروع عادي مايضر

للرضع ماى التمر وايد زين

ذكرتيني ام جوري الله ايذكرج بالشهاده

بنتي لها اربع ايام ما سهلت ..وكنت بسويلها ماي التمر لانه زززززززززززززززين ونسيت

واذا اعمارهم سبع سنين واربع شنو ينفع معاهم

مغلي الحلبه تزيدين السكر فيه زين
او عصير برتقال تزيد الشكر فيه ويشرب على الريق وايد ممتاز حق الاربع سنين وفوق لانهمما يبون الحلبه

انا عيالي من سنتين الى 6 سنين اشربهم حلبه عادي..؟
ولا اعطيهم خروع احسن..؟

اعشاب مثل اليانسون والكمون والميرمية ……… ووشمر وكراوية وبابونج وغيره كله ينظف البطن ويريح المعدة ………..

امبيييه خروع للياهل لا تطيحين مصرانه .يامعودة …؟

والحلبة زينه للياهل بالعكس وطيبة وصحية بعد ………

ديري بالج الولد مايشرب الحلبه موزين له لانه يخلي هرمونات الانثويه ترتفع
وهذا كلام جدتي وكلام الدكتور محمود سعيد

خروع بالمسنوصف على شكل دوا عطيه شوي بس الله يعينهم على لويه البطن جربتها يوم كنت بولد نفسي

يا جماعة اعتقد الخروع قوي شوي والله اعلم

بس شنو الغرض من تنظيف البطن؟ هل لعلاج الامساك؟ او ان تحسين ان الطفل ماكل شي مو نظيف وبتمشين بطنه؟؟

يا معوده كل شي ولا مصرانه تصيح..

مشكوره عالتنبيه حبيبتي .. والله ما كنت ادري انه الحبله موزينه للشباب..

لا بس اول يوم كنا صغار كانوا يشربونا هالسوالف عشان البلاوي الزرقا الي كنا ناكلهم تطلع وتنظف بطونا, يعني بالطب الحديث غسيل قولون بالاعشاب..
عشان جذي ابي شي ينظف بطون عيالي لانهم كل ياكلون كاكاو وحلاو وخرابيط وبعدين اعتقد انه صحه لهم ولا انا غلطانه..

للرفع…………………………