شنو التخصصات النادره وجم ينزلهم ؟؟

صباح الخير بنات

شنو التخصصات بالجامعه النادره وجم ينزلهم ؟؟

انا سمعت لغه عربيه ولغه انقليزيه وعلوم ورياضيات

وينزل بالكورس 900 ؟؟

صح ولا في احد يختلف معاي بالرأي ؟؟

مكافأة التخصص النادر :

التخصص النادر هو التخصص الذي يتسم بالندرة من حيث قلة إقبال الطلبة على التسجيل فيه رغم حاجة سوق العمل الى خريجيه وتصرف هذه المكافأة للطلاب الكويتيين أو من في حكمهم وتحدد التخصصات النادرة سنويا بقرار من مدير عام الهيئة .

شروط استحقاقها :

1. أن يكون الطالب / الطالبة كويتي الجنسية أو من في حكمهم ممن صدر قرار بمعاملته معاملة الكويتي وأبناء الكويتيات .
2. الانتظام بالدراسة .
3. أن لا يقل المعدل التراكمي عن 2 خلال مدة الدراسة الاعتيادية أو ما يعادلها من نسبة مئوية .

مقدارها :

يحدد مقدارها سنويا بقرار من مدير عام الهيئة بما يتناسب مع الميزانية المخصصة للمكافآت التشجيعية .

مدتها :

تصرف لمدة أثنى عشر شهرا في السنة

يعطيج ربي الف عافيه كفيتي ووفيتي

بس اول مرره ادري بهالشي

ان مو تخصصات معينه كل سنه يختارون !!

انا الي سمعته عربي انقليزي علوم رياضيات

وشي ثاني ان مومبلغ محدد على حسب الميزانيه …

بس شي حلووو ان ينزل طول اشهر السنه يعني مع الاعانه ..

بس كل سنه يختار تخصصات يعني يمكن اكو تخصصات تحوشهم سنه وسنه ثانيه لا صح ؟؟

منورتني حبيبتي ماقصرتي

للرررررررررررررررررررفع

لا حبيبتي مو كل شهر تنزل ، كل سنة ، يعني يجمعونها لج لين تصير 900 ويعطونج ياها مره وحده

مو كل شهر 900

up
up

أأي اهي التخصصات الي فيها اقبال اقل من الطلبة يعني احتمال تتغير كل سنة

و اعتقد اي اهي كل شهر يعطونج بس ان ما ينزلونها لج ايمعونها يعطونج نهاية السنة او نهاية الكورس

انا بالتربيه الاساسيه التخصصات النادره علوم ورياضيات وينزلنا ع الكورس ٢٥٠ وعربي وموسيقى تخصص نادر وينزلهم ع الكورس ٥٠٠ ولازم المعدل ما يقل عن نقطتين والصيفي ١٠٠

يعطيكم العافيه بناات

لا انا كاتبه كل كورس 900 مو كل شهر

بس وحده من البنات ذكرت ان كل شهر مادري والله

وشي حلو يجمعونهم مره وحده يصيرون حلووين

منورين بنات

كل تخصص نادر ياخذ كميه أكثر أو أقل على حسب تخصصج خصوصا الي بالفيزياء

وحبيبتي صح كلامج اهيا كل كورس طريقتها كل شهر تاخذين اعانتج العاديه مثلا كورس أول من شهر 9 لي شهر 1 ,,, شهر 9 تنزلج الأعانه الي الحين خلوها 200 و شهر 10 تنزل 200 وشهر 11 تنزل 200 وشهر 12 تنزل 200 وشهر 1 تنزلج ال 200+ فلوس التخصص النادر خن نقوول مثلا ال 900 فاب شهر واحد ينزلج 1100 دينار مرات يأخرون المكافئه لي شهر 3 ,,تاخذينها مرتين بالسنه لحوالي تقريبا سنتين أو 3 فيعني كل كورس ل نجمع كل الشهور والمكافئه مشاء الله 1900

وناسه حلوووين

والتخصصات مومحدده يعني كل سنه يحددون ؟؟

وشلون اعرف اذا اختارو تخصصي ولاينزل بروحه

بس انا سامعه منزماااان ان كان عربي انقلش علوم رياضيات

مادري اذا تغيرو

منورين بناات

وثانكس سباركل بعد عمري

انزين الموسيقى مو تخصص نادر ؟ و الحين لازم اعدي ٦٠ وحدة عشان تنزلي مكافاه التخصص النادر ؟ و جم المفروض تنزل و متى ؟ ادري زودتها بالاسئله بس اتمنى تجاوبوني و شكراً

ابتدائي مونادر ؟؟ مع الانقليزي والعربي