شلون اكون كيوت بالمدرسه

چنه المدارس قربت ههههه اهي موقربت بل اقتحمت البيت هههه لوسمحتوا الموضوع للمتوسط والثنوي لا اضحك

الموضوع مبين من عنوانه
شلون اصير كيوت بالمدرسه

في بنات استغفر الله يلبسون صوارات وقلايد ويخالفون ترى والله عيب المدرسه حلاتها تلتزمين بالقوانين

اولا: ملابس المدرسه

ا1- النفنوف ساده
ا2- النفنوف تحت الركبه بشوي
ا3- النفنوف مومخصر ولا وسيع عادي مرتب
مخصر<< ذنوب على الفاضي وشكله ارف مومال مدرسه
وسيع << بيكون مبهدل وشكلج ويييييع
ا4-النفنوف من غير حزام < انبه على هل نقطه حزام حق يهال الابتدائي
ا5-ملابس الرياضه لاتاخذون شورت وتلوعون جبد البنات والله لوعه اخذي تحت الركبه بشوي اوك
وبلوزه عاديه مولازقه بالجسم موحلو
ا6-الدلاغ ابيض ساده مافي ولا زخرفه ولا رسمه فهمتووو ساااااااده

ثانيا: حذاء المدرسه< كرمكم الله

ا1- لازم يكون ثلاث جواتي عندج حق المدرسه
ا2- اول جوتي كلاسيك تلقون هل موديلات بستنتيربوينت
ا3- جوتي رياضه
ا4- اخذي جوتي الثالث الي يكون شكله كلاسيك على سبورت <<< يوم كنت بالثنوي والمتوسط ماكان في هبه تومز كنت اخذ سكيچرز موجود كان بتايلد ولندن ودبي
ا5- اذا ماتحبين نضام السبورت على كلاسيك اخذي تومز

ثالثاً : الشعر

ا1-اكثر البنات الي شعورهم طويله حيل يفلونها لا ترى موحلو الي تفل شعرها يكون طوله عند الچتف وتحته بشوي اطول من جذي يصير ويع
ا2- ماالبس شباصات ملونه مخالفه البس بس ( ابيض-اسود- ازرق او كحلي )
ا3- غيري تسريحه شعرج عشان محد يمل منه
ا4- حالي بين فتره وفتره تسوين ويڤي ولا كيرلي الي هابين فيه هل فتره مع فيونكا على جنب روعه

الحين وصلنا للمكتبه

رابعاً:الجنطه

ا1- انسي الترولي<< في بنات بالمتوسط ترى يشيلون ترلي حلفووو
ا2- جنطه ناعمه الوانها حلوه اخذي شخصيات غريبه مومعروفه ولا اخذي ارقام ولا ساده احلى
ا3-اذا خذيتي جنطه ساده لازم جنطه الاكل و الرياضه تكون ملونه واحلى شي هارودز

خامساً: القرطاسيه

ا1-كوني مجهزه قائمه مسبقه بالاغراص لي تبينها من المكتبه
ا2- حاولي تنسقين الكتب مع بعض يعني اشتري لون ىاحد لاتشترين عده اللوان
ا3- لما نيين تشترين الاقلام حاولي تشترين مثلا قلم على فراشه الي ترقص هههه مادري شلون اوصفها صراحه ههههه يعني الاقلام الفرفوشه الي تونس عرفتوها ولالا ؟ هذيلي يكونون بچيبچ اوك
ا4-لازم تشترينهم ع الافةقل قبل الدوامات اب خمس ايام عشان يمديج اتسطرين

خلصنا المكتبه

الحين قبل المدرسه بيوم

سادساً:

ا1- تاخذين شور لاصار ولا استوا اوك
ا2- بعد ماتخلصين من الشور بخري شعرج وحطي بديل الزيت واستشوري استشوارج العادي
ا3- تعشي عشا خفيف فاكهه احلى شي
ا4- طبعاً قبل السبوح مفروض اب سبع ساعات تكونين حاطه زيت او كريم عشان يعطيج لمعان حق الشعر
ا5- اتكوين مريولج وتبخرينه وتعطرينه وتنامين هذا ويهي اذا نمتوا
ا6- اخذي اول يوم بس جنطه صغيره مع نوته والقلم الكيوت الي قلت عنه هذيلي عرفتوهم <<<< لاتعليق على الاخت ههه

سابعاً: عند النهوض من النوم في الصباح

اخس على العربي ياانا

ا1- اول ماتقعدين غسلي جسمج
ا2- فرشي اسنانج
ا3- بعدين غسول الويه
ا4- شغلات العنايه لوشن ديودرن وهل شغلات عاد
ا5- لبسي المرول
ا6- حطي الواقي من الشمس بعدين زبده الكاكاو احلى شي الي بالكرز تينن صح ؟
ا7- لبسي الجوتي << كرمكم الله
ا8- لاتريقين الريوق الدسم بيض وهل سوالف سيده اكلي بالطريج تفاحه
ا9- ورا التفاحه اكلي علچ نعناع عشان النفس

وخلاص وصلتي المدرسه للللووووووووش

نصايح:

ا1- لاتراددين الابلات ابداً ابداً ابداً
ا2- لاتتشاغبين بالحصه ولا بالفرصه صيري البنت الهاديه الشاطره وطبعاً لاتسكتين عن الحق