شلون أحضر عجينة السيراميك؟؟؟

ألسلام عليكم

شلونكم بنات؟؟؟

أنا من محبين الأشغال اليدويه،،، وبغيت اعرف طريقة احضير عجينة السيراميك!!

شلون أسويها؟؟

ولما اخلص من تشكيل المجسم او الشكل اللي ابيه سمعت ان لازم بعدين احطه بالفرن على ماأعتقد عشان تنشف !!

صح هالكلام ولا لأأ؟؟؟

واللي عندها خبره بهالموضوع ياليت تعطيني معلومات عن عجينة السيراميك!

وأو وين تنباع،،،

لان شفت صور اتينن،،، اشكال تهبل كلهم من هالعجينه!

ومشكورين بنات وماتقصرون

جربي هالطريقه اول

وان شاءلله البنات يفيدونج

اقتباس:

المشاركة الأصلية كتبت بواسطة ام-نونو انا اشتغلت بالسراميك من زمان واتذكر انه العجينه تتكون من كوب ونص نشا الذره العادي تخلطينه مع كوب غرا الخشب الابيض تلقينه بلوازم العايله واعجنيهم زين لين تصير العجينه ما تلزق باليد وبعدين حطيها بكيس نايلون وسكريه وانتي تضغطين على الكيس عشان ما يصير فبها هوا . اهم شي وقت اللي تشتغلين اخذبي قطعه صغيره من العجينه واذا حبيتي تلزقين شغلج من السيراميك على شي لزقيه بالغرا الابيض مثلا سويتي ورد وتبين تلزقينه على كلاس حطي مسحه من الغرا لان اذا كثرتي يمكن يخترب شغلج . الله يوفقج وخلينا نشوف شغلج.

مشكووووووووووووووووره

طلعت سهله واااايد، بس اذا ماعليج امر، انتي كنتي تخلينها تنشف بروحها ؟ لاني سمعت ان لازم يحطونها بالفرن !! مادري اذا هالشي صج ولا لأ!؟

وانشاللله لما ابتدي فيهي راح احط شغلي هني واوريكم باذن الله
فديتج

مشكورين على المرور

اقتباس:

المشاركة الأصلية كتبت بواسطة cute katkota مشكووووووووووووووووره طلعت سهله واااايد، بس اذا ماعليج امر، انتي كنتي تخلينها تنشف بروحها ؟ لاني سمعت ان لازم يحطونها بالفرن !! مادري اذا هالشي صج ولا لأ!؟ وانشاللله لما ابتدي فيهي راح احط شغلي هني واوريكم باذن الله فديتج

العفو حبيبتي انا لما اشتغلت بأشكال المعجنات دخلتهم الفرن بس يحمر الويه اما الورد فلزقته على طول
على الصحون والسلال يمكن تستغنين عن الفرن و تستعملين الالوان الخاصه بالسراميك بس شرط ان تخلين
شغلج ينشف عدل يعني يبيله يوم عشان ينشف وبعدين تلونين

خطوه مهمه بعد التلوين تتركينه جم ساعه ينشف زين و تدهنينه بالورنيش الشفاف (في ورنيش خاص بالسراميك )
انا بصراحه استعملت الورنيش الشفاف العادي من لوازم العايله هذي الخطوه عشان تحافظين على شغلج وقت الي
تنظفينه من الغبار الي احنا مشهورين فيه بالخليج هههههه

الله يوفقج

اقتباس:

المشاركة الأصلية كتبت بواسطة أحلى عيون السلام عليكم ورحمة الله وبركاته 2كوب من النشا (دقيق ذرة خاص لعجينة السيراميك) 2كوب غراء خشب أو لصاق خشب أبيض ملعقة كبيرة من عصير الحامض 2ملاعق كبار من القازلين(الفازلين سائل شفاف و ليس الفازلين كريم) 1ملعقة كبيرة من كريم نيفيا أو أي كريم آخر الطريقه نقوم بخلط جمع المقادير (عدا كريم نيفيا) جيدا حتى لا تبقى لدينا حبيبات النشا ثم نصب الخليط في مقلاة ثقيلة لا تلصق و نضعها على نار هادئة و نقوم بالخلط حتى حتى تصبح العجينة رتصبح لدينا عجينة متجانسة ثم نأخدها و ندلكها باليد جيدا مع وضع نيفيا أثناء التدليك طبة و متجانسة ثم شكل منها ما شئت و هذه بعض الطرق ملاحظة فيما يخص التلوين تستطيعين تلوين العجينة كاملة أو عمل الاشكال باللون الابيض حتى تجف و قومي بطليها بصباغة خاصة بالسيراميك

**************8

واااااااااااو

تسلمين ياالغاليه،،

شكل الورده يهبل،،، انشالله الحين بلش الصيف واكون فاضيه واجرب بالسيراميك،، اشكالهم واااايد تينن

مشكوووره على الطريقه وعلى التعليمات

اقتباس:

المشاركة الأصلية كتبت بواسطة ام-نونو العفو حبيبتي انا لما اشتغلت بأشكال المعجنات دخلتهم الفرن بس يحمر الويه اما الورد فلزقته على طول على الصحون والسلال يمكن تستغنين عن الفرن و تستعملين الالوان الخاصه بالسراميك بس شرط ان تخلين شغلج ينشف عدل يعني يبيله يوم عشان ينشف وبعدين تلونين خطوه مهمه بعد التلوين تتركينه جم ساعه ينشف زين و تدهنينه بالورنيش الشفاف (في ورنيش خاص بالسراميك ) انا بصراحه استعملت الورنيش الشفاف العادي من لوازم العايله هذي الخطوه عشان تحافظين على شغلج وقت الي تنظفينه من الغبار الي احنا مشهورين فيه بالخليج هههههه الله يوفقج

حبيبتي مشكوره على الرد مره ثانيه،

أحس اذيتج معاي خخخخ

وانا بمشي على اللي قلتيلي عليه واذا سويتها بنره تنشف عدل يوم كامل بعدين ببدي التلوين،

ثنكس مره ثانيه ياحلوه

واجمعين يارب