السلام عليكم
بنات انا حامل ولي شهرين واول مادريت اني حامل الحمدلله فرحت بس
يجيني شعور هالايومين غريب اقول يليتني ماحملت احس حمالي هدا اصعب من الاول استغفرا الله انتم مثلي اعود بالله من الشيطان مادري ليش ابيه يطيح متعب نفسيتي مع اني اخد حبوب مثبته
لااااااااا حرام عليج كلنا تعبنا بحمالنا بس بعد ما تعدي 4 شهور راح ترتاحين وتنسين التعب وشيلي هلوسواس من راسج والله يتمم عليج ويثبته لج يارب
ياقلبي هذا كله من الهرمونات اللي تأثر بنفسية الحامل حاولي تسالين دكتورتج عن تحاميل سيكولوجست اهيه مثبتة للحمل وهمن زينة حق الاكتئاب بعيد الشر عنج ………..آنا ماأستغني عنها بأول 3 شهور من حمالي
حبيبتي اول الشهور تعب وتتغير نفسيت الحرمه بس لما تجربين طعم الامومه تقولين شلون كنت عايشه قبل
الحمدالله على الحمل فى ناس وايد يتمنو الحمال مثلج الله يعينج انشالله وتممين شهور الحمل على خير وتفرحين فيه
تعوذي من ابليس وادعي ربج يتمم لج على خير وكل ماتحسين بهالشي اقري قرآن
استغفر الله لاتقولين جذي بعدين الله يبيليج قولي الحمد الله الله يتمم عليه و يطلع بالسلامه غيرج مو شام ريحت الحمال و خط الحمل الثاني عمهم ماشافووا الله يثبته لج يارب
لاتقولين جذيه ترى الله يوريج فيه
تعوذي من الشيطان
لالاتقولين جذي
احمدي ربج
غيرج يدور الحمااااااله من سنين
استغفري الله عطاج هالنعمه حسسي نفيج فيهاااااااااا داااايم
وادعي ان الله يفتح هليج ويبعد عنج هالافكار وهالحاله
وحصني نفسج
مبرو ك الحمال …
وتعوذي من ابليس ..
حرام عليج ..
استغفري ربج على طول حبيبتي … المال والبنون زينة الحياة الدنيا … وعلى طول شغلي قرآن بالسياره …
وعسى ربي يهون عليج حمالج يارب العالمين …
هذا من الشيطان … اقري سورة الناس على طول (اقري المعوذات)
مثل ماقالوا لاتهجرين القران وتعوذي
والله يهون عليج طول الحمل
حرام يا اختي هالحجي الحمال نعمه من الله تعوذي من ابليس وستغفري ربح في بنات ودهم يحملون بس ربج مو رازقهم
مرحلة الحمل تنقسم حق 3 دوران
الاولى من 1 – 3 شهور .. تعب ونساة ولوعه جبد ومالج خلق و فسيه تعبانه وهم ……. كل بلاوي تصير فيج
الثانيه من 4-6 اهني عاد استمتعي بهالفتره وجهزي حقج وحق البيبي لانج بتكونين مرتاحه وبعدج خفيفه
الثالثه من 7-9 تكونين ثقليه وحركتج صعبه
اقري قران وايد زين حقج وحق ابيبي ترا يسمع الي تقولين له .. وهلله هلله بسورة مريم بالشهر التاسع
والله يسهل عليج
استغفري ربج ,,, دشي قسم تأخر الانجاب و شوفي البنات شلون يتمنوون يشمون ريحة الياهل
الله يرزقهم و يتمم علينا وتعوذي من ابليس