شسوت لكم الناظرة بنهاية السنة وشنو هديتكم

السلام عليكم ورحمة الله وبركاته

شلونكم يا أبلاتنا الحلوين

وشلون العطلة معاكم

موضوعي اليوم واااضح من العنوان

شنو سوت لكم الناظرة بنهاية السنة ؟؟

وشنو الهدية إللي عطتج إياها ؟؟

ومنوين طلبت لكم الريوق ؟؟

يلى يا أبلاتنا الحلوين ناطرتكم

مساء الخير ياأبله انا إداريه بالنسبه لناظرتنا ماسوتلنا ولا شي ويالله سلمت علينا ولا بعد وصتنا السنه الجديده تبي الافظل يعني طول السنه ماسوينا شيييييييييي

ولا احنا لا ريوق ولا هدايا ولا شي

كل عام وانتم بخير يا أبلات
إجازه سعيده

بالنسبة لمدرستنا

ناظرتنا سوتلنا بوووفيه وايد حلو وراقي

وعطت كل المدرسات والإداريات هدايا ( مواعين )

ما قصرت …

واشكرت كل الأقسام على جهودهم خلال العام الدراسي

والله يا عمري ناظرتنا ما سوتلنا شيءابد ابد لا ريوق ولا هدايا ولا حتى سلمت علينا
ولا الاكثر من هذا اننا داومنا يوم الخميس لساعة 12 الظهر حتى نكمل توزيع الشهادات والغرفه كانة حاره ما فيها مكيف وصغيره وايد 2×3 امتار ما تكفي لنا احنا الابلات فشلون اولياءالامور والتوقيع شالته عالساعه سبع ونص واللى جت عقب وقعت تأخير
شرايج يا عمري بهالوداع الرائع

احنا سوت لنا ريوووق ويمعتنا فيها الخير ما قصرت وسلمت علينا اخر يووووم الله يذكرها بالخير

احنا ولاشي لابوفية لا هدايا لاشكر الله كريم

ناظرتنا شكرت كل الاقسام

وكرمت الي قدمو اعمال مميزه ودروس نموذجيه

وزعت هدايا لجميع المدرسات والاداريات وسلمت علينا بنفس حلوه وطلبت منا ان الكل يكون راضي عليها

احنا سوت ريوق حلو

ووزعت هدايا عبارة عن طقم عطور ورشوش بس ريحتهم مو خوش لووول

واشكرت الاقسام

احنااا معطلين من يوم الثلاثاء ونااااسه

لان مدرستنا كان فيها انتخابات

وكانوو يبون يصبغونها

لوووووووووووووووووول

المهم

آخر يوووم وزعت علينا هدايا مواعين

واللي سوت شي على مستوى المنطقه واللي ماغابت كرمتهم زيادة شهادة تقدير

ومن قبلها باسبوع كان الحفل احنا سويناه لها وكرمناها لان بتتقاعد والله خوووووووووووش ناظرة كانت

الله يوفقها يااارب

وان شاء الله ربي يرزقنا بناظرة حلوة وطيبه ومتفاهمه مثلها

ناظرتنـا ..
سوت لنا بوفيـه ريوووق ..
كـان حلوووو بصراحـه ..

وشكرتنـا على جهودنا طووول السنـه ..
وبــس ..

مديرتنا سوت لنا ريوق بوفيه راقي وما قصرت بالهدايا الكل عجبته وفعلا كانت حفلة حلوة .

ماسوت لنا شي

يالله طلعنا يوم الخميس غصب

بس اتوقع لاننا انضغطنا اخر الوقت وماكان فيه وقت اخر يوم حق الريوق

والله مادري قاعدة ادورلها عذر

لانها طيبه وهذا اهم شي

no thing

وزعت هدايا واشكرتنا وهديه الخميس عطله ما قصرت