|
|
مرحبا كويتيات شلونكم …وعساكم دوم مرتاحين
موضوعي مبين من العنوان بغيت اعرف شرايج اذا انتي متزوجه او حتي مطلقه او ارمله
المهم ان عندج يهال واكيد اذا كنتي تداومين اعتقد لابد بتقصرين في بعض شئونهم
وتتركين الخدامه ترعي بعض الامور المهمه فهل انتي توافقين علي التقاعد المبكر اللي اهو
15 سنه خدمه وتقعدين تبارين عيالج وتشرفين بنفسج علي تربيتهم وايضا ترتاحين من قعدة الصبح
والا انتي مع الأستمرار في العمل علشان الراتب او اثبات الذات نبي رايج بكل شفافيه
اذا كانو عيالها صغار اكيد انصحها تجابلهم بس اذا عيالها كبار وشايلين روحهم راح تمل بروحها بالبيت فالدوام ساعات يكون تغير واثبات ذات ومو شرط عشان المعاش ممكن عشان الوحده تختلط بالمجتمع 
|
المشاركة الأصلية كتبت بواسطة بتبوتااا
 اذا كانو عيالها صغار اكيد انصحها تجابلهم بس اذا عيالها كبار وشايلين روحهم راح تمل بروحها بالبيت فالدوام ساعات يكون تغير واثبات ذات ومو شرط عشان المعاش ممكن عشان الوحده تختلط بالمجتمع |
يشرفني ان انتي اول وحده ترد علي وفعلا كلامج منطقي وقلتيها كبار وشايلين روحهم
انا اقصد اذا محتاجين مجابل وتدريس اللي بالمتوسطه واللي بالثانوي واعتقد حتي لو اكو
مدرسين خصوصين بس همن يحتاجون مجابل من الام انا عيالي بالابتدائيه 2 واحيانا ما اخلص
من تدريسهم الا الساعه 9 لأني ابدي معاهم متأخر 6 لأني انام شويه بعد الدوام ومحتاره
ومشكوره علي تواصلج يا قلبي
يعني تهقون في امل اطلع قبل ؟؟؟؟ تو الناس علي 40 سنه باقيلي 8 سنين ماني قادره اتحمل
|
المشاركة الأصلية كتبت بواسطة ibtisama
انا مع التقاعد بالسن المبكر الوحده عقب 15 سنه خلاص تبي ترتاح من هم الشغل وتجابل البيت و تريح بالها بهالعمر و تجابل نفسها
|
شكرا علي مرورج حبيبتي
|
المشاركة الأصلية كتبت بواسطة noorq8
تبين النصييييحه………دام انج ام وعندج عيال بسن التدريس فعيالج أولى بعافيتج ولاتنسين المناهج صارت وايد صعبه وصدقيني بتلقين ألف شغله تاخذ وقتج المهم انج تكونين ماديا ماشي حالج استخيري وتقاعدي.
|
معاج بهالراي بس اخاف اتحسف وامل واتعب من مجابل اليهال والبيت وبس
|
المشاركة الأصلية كتبت بواسطة hneen2
اه يتي علي الجرح انا ودي اتقاعد وتحملت لين يصيرلي 15 سنه وطبقو القانون اليديد ان لازم العمر يكون 40 اوووف ليمتي بمتي بجابل بيتي وعيالي الله كريم
يعني تهقون في امل اطلع قبل ؟؟؟؟ تو الناس علي 40 سنه باقيلي 8 سنين ماني قادره اتحمل |
يا حياتي الله يعينج بس اذا جذيه معناته بتخدمين 20 سنه وبيكون راتبج كامل وهذا شي ايجابي شتسوين بعد الله يعينج
و ودي اتقاعد اليوم قبل بكرة
ولو يقرون راتب 250 دينار حق ربة البيت
انا اول وحدة تقعد بالبيت
|
المشاركة الأصلية كتبت بواسطة tota kim
انا لوبيدي اتقاعد الحين خخخخخخخخخ بس توا صارلي سنه ماينفع
|
شكلج تعزين المخده وااايد ههههههه
ودي اتقاعد اليوم قبل بكرة
بس للاسف عندنا التقاعد المبكر بالسعودية 20 سنة وتاخذين نص الراتب(من كثره عاد)واذا تبينه كامل لازم تخدمين 40 سنة
والمناهج تعقدت والطلبات زادت ويحاولون قد مايقدرون يخلونا 24 حصة والي معها عشرين بنعمة
وتعدد مناهج وبنات عوب ومشاوير الي 50 كم والي 100كم ….متنا وبيحدونا على الاستقالة الله يعينا ويصبرنا
يعني بعد 15 سنة لو الله رزقني بالعيال بعد سنه بيكون عمره 14 سنه
و اكيد بيكون بالمدرسة
بالله اقعد الصبح بالبيت شسوي؟
لأ طبعا ما اتوقع راح اسويها
و تربية العيال و مجابل البيت مو شرط تكون الصبح
اقصاه الدوام 6 ساعات و اليوم شطوله و خلال ساعات دوامي اكيد عيالي بيكونون بمدارسهم
على الاقل يكون لي كياني بعيد عن البيت و روتينه القاتل
كافي السوالف و الوناسة مع رفيجات الدوام