|
|
ودي أعرف شرايكم بالويك إند اليديد ( الجمعة و السبت ) بدل ( الخميس و الجمعة) خاصة بعد مرور فترة من تغيير الويك اند
انا صراحة ليلحين ما تعودت و كلش مو حابته ، بالعكس احس ان الاسبوع صار أطول الحين
و أنتووووووووووا …..
هل تعودتوا عليه و لا القديم كان أحسن ؟
شنو المميزات و السلبيات ؟
و لو في فرصة لارجاع الويك القديم ( الخميس و الجمعة ) توافقين ولا تعارضين و ليش ؟
حتى انا كلللش مو متعوده
واحس الاسبوووع طويل واااااااااااااايد
واليوك اند جكن بوم صار الاسبووع اللي بعده
مع اختي تقوول السستم اليديد الويك اند اطول
قبل شحلات الخميس واليمعه والحين فرق وااااايد..
ياريت نرجع نفس قبل ..
الأسبوع طويل وممل ويزهق والله عكس قبل ..
حتى زياراتنا العائلية و طلعاتنا تخربطت
وانا من أول المؤيديين ان يردون الويك اند القديم ..
قبل صج صج كان الاسبوع ثقيييييييل مايمشي كنت ازهق ..,
بس مع الايام عاادي الاسبوع كان طياره بالنسبه لي
بس الاسبوع اللي طاف اللي كان طويل !!
وبصراحه ما اتمتنى ترجع الاجازه نفس قبل الحين احسن
شلونكم حبايبى ان شاء الله بخير …
ان شاء الله اجازاتكم كلها خير وافراح …..ادرى حلوة اول مرة تسمعون هالجمله …………هذا من ابداعات الاجازة اليديده………..
بالنسبه لى تاقلمت مع الاجازة…..
واحس انها احسن جذيييييييييه
يوم الخميس كان اكثره يمعه اهل وطلعات وماتغير هالشى تقريبا …يوم الجمعه تقريبا يوم دينى …صلاه الجمعه وفروض دينيه …وعقبها طلعه او زوارة الطرف الثانى اللى ما زرناه يوم الخميس,,,, يعنى الخميس مثلا بيت الاهل والجمعه بيت اهل الريل…..او العكس…….ويكون الواحد فى النظام القديم ماله خلق يوم السبت دوام من جذيه كان ثقيل …بس صار اجازة فيكون راحه …او تجهيز للدوام ….ام نوووووووووووووووووم بما انه يوم الخميس ما نمنا عدل والجمعه بعد شوى مشغولين مبجر……….
يعنى فكونا من ثقل يوم السبت …وبصراحه احس انه الاسبوع قصر مافيه سبت ……..حلوووو
وبعدين لازم تتقبلون هالوضع لانه مفروض ……..شئنا ام ابينا ………
تاقلموا الله يعينكم ان شاء الله
بالعكس النظام اليديد احلى من قبل..قبل استغفر الله احس يوم الجمعه ثقيل لان اليوم اللي بعده دوام فالواحد يجهز ويحط ويحاتي حق ثاني يوم..بس الحين لا ..حاسين بيوم الجمعه وانه صدق اجازة..وصاير الاسبوع قصير
والله الله يساعدنا على هالسيستم اليديد
العطله صارت اطول والسبت صار خفيف وحلو
والدوام صار اخف من قبل بوايد