شرايكم بالتأمينات كـ مكان شغل ؟؟

السلام عليكم

في احد يشتغل بالتأمينات ؟ شلون المكان ؟ و الرواتب ؟ و الاجازات ؟

والله مآدري .. بس إذا مسؤلتج حرمة إنحاشي موشي ..! أنا رحت وشفت المكان بس للأسف طلعت المسؤلة حرمة وهونت

وي من صجج نوسة ؟؟؟؟؟؟؟؟

اي ادارة كانوا بيحطونج ؟ و شنو تخصصج ؟

انا ام رفيجتي هناك وهي عمر تشتغل هناك بس ماتمدح المكان تقووول لو بيدي جان من زمان طالعه منهم ..بنفس الوقت رفيجتي كانت قاطينها عندهم ميداني كانت حابه المكان حيل …وانشاءالله الخوات يفيدونج

مشكورة البنوته ما قصرتي

ما انصحج مرت اخوي هناك وكل اللي اعرفهم ما يمدحووون هذيلي طبعا اللي يستقبلون العملاء وطبعا مثل ماقالوا كل مسؤوله ظييييم بالتامينات وطول حياتج كاونتر
الا اذا كان شغلج بالاداره

هلا سحاب ..

اي انا اقول حق اللي عندي ترى ما يبون موظفين عالكاونتر الا لأن اللي عالكاونتر اصلا انحاشوا منه !!

و حاليا ما يبون احد بالادارة يبون بس حق الكاونتر

مشكورة على مرورج

انزيين شلون ع المهندسات شنو يشتغلوون؟؟؟؟؟؟؟

انا بعد ودي اسال عن الشغل شلونه؟؟؟
انا مهندسة اشتغل بالمبنى الرئيسي او الفروع؟؟

صراحة مادري

بس نطروا اعلانهم بالجريدة

انصحج شوفي المكان و قابلي البنات الي موجودين بالقسم و حاولي تستفسرين منهم

و بالتوفيق انشالله

أنا أشتغل بالتأمينات آمري أي سؤال أنا حاضره

واي صج كنت ادور احد يشتغل هناك طحت علي من السما

شلون دوام المهندسات عندكم (مهندسات كمبيوتر)؟

اكثر رياييل او حريم المهندسين؟

جم يبدي المعاش؟

و اذا في عندكم شواغر بليييز قوليلنا و ان شاء الله بندعيلج حبيبتي

ما قصرتي و نطرين ردج

أولا سوري على التأخير…
شوفي قسم الكمبيوتر عندنا أكثره رياييل أنا صراحه ما أعرف الا مره وحده وما صعدت ادارتهم علشان أشوف الوضع بس للأمانة مستوى دوامنا واااايد زين باختصار أنا صار لي 6 سنوات أشغل هناك جامعيه ألحسن أستلم تقريبا 1020 دينار لو بتشوفين ترى الحمدالله وايد زين بس أنا ما كنت أخوره بالشغل أداوم وما عندي مرضيات كلش والدوام يبدي من 7 لي الساعه 2 بس ادارتنا الوحيده اللي نطلع الساعه 1 لأن احنا تحت بس يمكن يعاملون المهندسات غير بصراحه ما عندي فكره عن هالموضوع وترى ما يقبلون الا جيدجدا وفوق وما يستلمون طلبات الا لما يحطون اعلان بالجريده , والله يوفقج يا رب.

ما قصرتي و مشكووورة