شد البطن بعد القيصرية ! البنج الموضعي في القيصرية !

ما عندي فكره عن شد البطن ودي اعرف نفسج
بالنسبه للبنج الموضعي اللي اهو ابره ظهر
رفيجتي وبنت خالتي يقولون تخوف
واشوف بنات يقولون احسن من البنج العام
انا احس البنج الموضعي احسن بوايد ما ادري
الله يسهل عليج يارب

انا جربت العام … ويييييييييع … ما اتشوفين طلعة البيبي … انا وايد مهم حقي هالشي … واتظلين مدروخة عقب البنج … والكحة وييييييع …. اتخلي بطنج يعورج زيادة …. اذا قرروا لي قيصرية هالمرة بجرب ان شاء الله ابرة الظهر خلاص

مرت حماي مسويه بنج ابرة ظهر واهيا قيصريه وايد تمدح تقول احسن من العام وتشوفين البيبي اذا طلع
وشد مع الولاده ماعندي خبر والله بس فكره حلوة وماعتقد نفس دكتورتج تسويها لانه الشد تبع التجميل ماله علاقه بالولاده

حبيباتي اول شي تسلمون عالمرور .. أسعدتوني بردودكم ..

انا ولادتي الاولى كانت قيصرية .. كانت بنج عام و صج احلى لحظات الولاده تطوفج ( شوفه البيبي اول ما يطلع ) و حيل ودي بنج موضعي بس بنفس الوقت خايفه ! خايفه ان مستشفى يضبطها و مستشفى لأ .. انا بولد بالمواساة بإذن الله .. فيا ليت اللي تعرف أحد مسويها ما تبخل علي و تعطيني اسم المستشفى و الدكتور ..

بالنسبة للتجميلي دكتورتي قالت لي انها سهله و تقدر تسويها .. بس ما عطتني تكلفه لها لانها اول مره تسويها .. فأنا حيل خايفة من هالشغله ! و سألت دكتورة تجميل قالت لي شد البطن بعد الولادة يكلف من 800 الى 1000 دينار و انا وايد استغليتها الصراحه .. و ودي اعرف اكثر عن الموضوع ..

يا ريت تفيدوننا يالحبيبات

انا عن نفسي عندي ولدين كلهم جبتهم بعملية الاول كان البنج موضعي وماحسيت بوقت الولادة ولاشي حاطين ستارة بيني وبين الدكتور وبعدين وروني ولدي وبعدين رحت لغرفتي صاحية وفي ولدي الثاني كان البنج كامل وقعدت وانا بالغرفة واهلي حوالي وبعدين تعبت من البلقم والكحة لانها تشد العملية ويزيد العوار … واذا تبين نصيحتي بنج موضعي وانتي مرتااااااحة ..

بالنشبه لي انصحج ما تسوين شد وقت الولاده
خليها بعدين عقب ما تتعافين احسن وتضعفين عقب النفاس
لانه القيصريه بروحها والواحد يتم حاط ايده على قلبه
هالدور عمليتين وقت واحد
والله هذي نصيحتي وانتي كيفج
يعني تكونين رايقه حق الشد بروحه بدون ما تحاتين
انا ناويه عقب ما اوقف حمال اسويها ان شاء الله

احساس الحب . تسلمين ريحتي قلبي الله يريح قلبج .. انا ودي بالموضعي بس كنت خايفه انه أجود من العام .. طلع العكس.. بس ما قلتيلي وين سويتي الثنتين ؟ و منو الدكتوره ؟

++The DuchesS++ انا ليش ابي اسويها بنفس الوقت .. علشان ما اتأذى من الجرح لما يكون اليلد مترهل و الجرح تحته يكون الالم أقوى .. و تكرمين المكان يحتر و يعرق و يزيد العوار.. فأفضل اسوي شد مع العملية ..

بالنسبة للشد قالتلي الدكتورة ان الجرح الخارجي يكون دبل جرح القيصريه .. و اتوقع ان ما يأذي وايد مثل الجرح الداخلي .. الجرح الداخلي هو اللي ما يخليج تقومين و تقعدين براحه ..

انا ولدت قيصيريه ببنج عام لاني صج تعبت بالطلق وماطلع البيبي و كنت خايفه احس بعوار بالبنج الموضعي عشان جذي طلبت بنج عام وعقيب تقربا 3 ساعات قمت ولا السسترات كلهم فوق راسي يقولون لي مبرووووك وانا مادري شالسالفه اقولهم فنيش؟ يقولون يس بيبي بوي جان اقولهم وين البيبي وبعدين رديت نمت ماحسيت الا عقب قعدت ووردوني الغرفه وشفت ولدي

اما عن شد البطن نطري عقب 3 شهور لانه مع الوقت تخف الكرشه وتضعفين خصوصا اذا رضعتي طببيعي وبعدين لمن تضعفين شدي البطن

اوبرا .. بس البنج العام ما تشوفين ولدج اول ما يطلع .. شي يقطع القلب صراحه .. انا مثلج تعسرت ولادتي بعدين فتحوا بطني بولدي بس ما شفته الا عقب ..

انا ابي الشد بسيط مابي شد نحت يعدل الشكل .. اهم شي بالنسبة لي ما يصير الجرح تحت الترهلات لانه قاتل ..

انا بسوي شد مع القيصرية ودار الشفا قالولي تكلفج على حسب الغرفة يعني اذا ملكي 2000 وشي ومن عندهم الدكتور التجميلي مع دكتور الولادة
وانا بسوي شد علشان تروح كرشة القيصرية ودكتوري قالي مافيها اي مشاكل باذن الله توكلي على الله اختي

ما ادري في ناس يذمون ابرة الظهر انا كنت ابيها بس ممنوعه منها عشان عندي دسك وخذيت بنج كامل ودكتوري قبل العمليه قالي ماراح ترجعين منه لاني كنت خايفه حيل من الترجيع والحمد لله مارجعت وجد البنج الكامل رحمه

شمسه .. وايد حلو سعر الشفا .. بس انا طبيبتي من بره المستشفى و بولد بالمواساة ان شا الله ..

بنت باباتي انا جربت العام و تكرمين ما رجعت ولا شي .. بس حابه اسوي موضعي علشان اعيش لحظات الولاده

للرفع

انا جربت ابرة الظهر مرتين وطلبتها عشان اشوف البيبي اول ما يطلعونه وطبعا بالصباح ماشالله على دكاترة التخدير عندهم ايدهم خفيفة وشطار وهالمرة لي السابع وانا ناوية اولد بخاص بس الصراحة من السوالف اللي سمعتها ان دكاترة التخدير اي شي شغلهم مو شطار نويت اولد هم بالصباح والزم ما علي صحتي وصحة البيبي وبعدين عقب العملية لا تكحين ولا تلوع جبدج مثل العام