شتسوين اذا طلع الشخص من الماضي رفيج ريلج او وياه بالدوام؟

بس حبيت اعرف شتسوين اذا شخص كنتي تعرفينه بالماضي و كان في علاقه و طلع بالنهايه رفيج ريلج او معاج انتي او مع ريلج بالدوام ؟

اكيد بتكونين ندمانه و متحسفه بس شنو بيكون موقفج ؟؟؟

اسأل لأني سمعت سالفت وحده صارت فيها و دعت عالريال مسكيين لما توفى بحادث

ماعنه مابطل حلجه حق ريلهه

الحمدلله ماكان بحياتي احد قبل ريلي
بس احس هالشيئ قوووي ومو هين
واخر جملتين مافهمتهم؟ شعلاقه الدعاء على الريال وانه توفى؟

الله يسلمج هاذي وحده كانت على علاقه ويا واحد من قبل

و لما تزوجت طلع هالواحد رفييج ريلها رووح بالروووح

بس الريال ماقال حق ريلها شي علبونه تزوجت و يبسلها الستر

المهم كل مايطلع ريلها وياه تقعد تقوول الله ياخذه عسى الله يبعده عن ريلي

ليما الريال فعلا عقب فتره قصيره توفى بحادث من كثر مادعت عليه مسكيين

لا حرام عليهاا والله لو عدوي مادعيت عليه
امممممم
الموقف صعب ولو انحطيت فيه بمارس حياااتي لانه اللي فات مات ومااعتقد ان الرياييل يتكلمون والا يتكلمون مادري والله !!
انزين بنعرف رايج m e m e
يسلمووو عالموضوع

و الله انا رايي من رايج يا حبي هاذي نصيحه عطيتهه حق وحده انحطت ابهالموقف

طنشي و سوي روحج عمرج ماشفتي و لا حاجيتيه و لا دريتي عن هوا داره

و الشغله الحلوه فينا الكويتيين اذا وحده او واحد تزوج الناس حتى لو عارفيين عن بلاوييهم السوده

يسوون روحهم مايعرفوون و يستروون عالناس

والله المفروض الوحده تحشم نفسها وتمسك نفسها عن هالخرابيط قبل الزواج ..

حلاته اذا تزوجت تكون صفحة بيضا جدام ريلها ولايكون لها ماضي اسود يعذبها ..

اقول حق كل وحده ماتزوجت قربي من الله وحافظي على نفسج وشرفج وسمعت اهلج

وامشي عدل يحتار عدوج فيج

و الله كلامج من ذهب يا عمري

بس في بنات انا اعرفهم تحسفوا حيييييييييييييييييييييييل عقب الزواج و سبحان الله هدايه من رب العالمين و خيره لهم

استغفر الله .. حرام عليها دعت على الريال

و الله اهيا اللي يابته حق نفسها ..

الستر زين ماله داعي المشاكل

انا بعد احس راح اعيش برعب بعد سبحان الله يزل لسانه شي بس اللي تخاف من هالشي لا تسويه و هذا رايي مشكورة حبيبتي

و كلام سعودية صح حلات الوحدة ما تخربط و تكون صادقة في بداية حياتها

واااااي الحمدلله ماعرفت غير ريلي

صاجه و الله

عاد تدرين اعرف وحده صارحت ريلها بكل شي قبل الزواج

قالتله انا عرفت جم شخص و مابي اغشك و اخدعك و ابي من بدايتنا نكوون صريحن

و الحمد الله تفهم و كبرت بعينه لأنها ندمانه و صارحته من البدايه

الكل يغلط بس الشاطر اللي يصلح غلطه و مايعيدهه و يتوب للله

مو كل الرياييل ينفع تصارحينهم باول الزواج ..
هذا واحد متفهم ,, انا ما انصح صراحه ان الوحده تقول حق ريلها عن ماضيهااا , اغلب الرياييل مايتقبلون وبالعكس راح يبدا يشك فيها ويتوقع منها اشياء وسوالف اهيا بغنى عنها .. الله ستر عليها خل تستر عن نفسها ..
وعن رايي بالموضوع .. صراحه باطنش الموضوع وجني ماعرفه من قبل.. وماتوقع اهو بيتجرأ ويتكلم !!

بصراحه ماتوقع ان بسوي شي لان خلاص الل فات مات وهالشخص اكيد بكون من الماضي

انا من رايج اختي مو مل ريال ينفع انج تصارحينه بماضييج بعضهممن اول يوم تلقين الريال اهوه اللي يقولج نبي نقعد جلسه مصارحه وقولي اذا كنتي تعرفين احد قبل ماتتزوجين و لالا والبنت على نياتها تخر الاولي والتالي وتشوفه يسكت عنها ماتدري انه اهو الحين حاطها باله يبد يالشك والوسواس ويمكن تنتهي حياتها بالطلاق يقول انا ادري شنو راح تسوين من وراي او يممن ترجعيله

انا انصح كل وحده ماتزوجت لاتخربط وتستر على عمره احسن واذا حبت واحد او شي وتزوجت خل تعتبره من الماضي خلاص ولا تكلم عنه تدفنه وماتنبش فيه وخل تكون طبيعيه لان مافي واحد راح اييب الحجي حق نفسه راح يخاف ويسكتماعتقد انه ناوي يخسر رفيج عمره ويمكمن رفيجه ماراح يصدقفه علباله يتحرش بمرته

خلج انسانه واثقه من عمرج ولا تخلين الماضي يصيطر عليج بعد الزواج

واسفه على اطالتي

اتمنى للكل الستر والتوفيق في حياتهم الزوجيه يارب ويبعد عنهم المشاكل ان شاء الله