سوأل عن جامعة العلوم التطبيقية بالبحرين

شلونكم بنات انا عندي سوأل عن جامعة العلوم التطبيقية بالبحرين انا عندي دبلوم اداره من المعهد التجاري وسجلت فيها عشان اكمل بكالريوس اداره وحبيت اعرف اذا احد منكم يدرس فيها او عنده معلومات عنها يساعدني لأني لازم ادفع مصاريف التسجيل الحين وانا خايفه من مستواها لأن سمعت كلام عن الجامعه الخليجية بالبحرين انه مستواهم كلش مو شي ومافي حتى كراسي كافيه للطلبة وكافتيريا اي كلام ودكاترهم تعبانه عشان جذي سجلت بالتطبيقية بس ابي مساعدتكم لات مالقيت اي معلومات كافيه عنها وانا سجلت بنظام دوام مرتين بالشهر ارجو المساعده ضروووووري الله يخليكم

ماعندي فكرة يالغالية
انشالله البنات يفيدونج

سااعدوني بنات مابقى شي على التسجيل

حبيبتي انا لما سويت بحث بالنت عن الجامعه الخليجية لقيت جم واحد متكلم عن جامعة العلوم التطبيقية وان مستواها وايد عالي وحلو

بالنسبة للجامعه الخليجية ترى معترف فيها ويمدحونها
شوفي هالموضوع
https://www.q8yat.net/showthread.php?t=144810

في كذا وحدة بالمنتدى تدرس فيها والحمدلله ماشيين

بس حبيت اسألج
جامعة العلوم التطبيقية فيها دوام كل شهر ولا بس مرتين بالشهر؟ لان صعبه على الموظفه تاخذ مرتين بالشهر يتروالي احسن لو تكون مرة بالشهر خميس وجمعه وسبت

ياليت تعطيني فكرة عن نظام دوامهم ورسومهم وكل شي

انا مفكرة ادرس محاسبة ان شاء الله
اذا ماقدرت اسجل بالكويت مالي الا البحرين

وبالنسبة للدوام
الجامعه الخليجية تعطي الطالب جدول يوديه المكتب الثقافي ان هو يداوم يوميا بس بينه وبين الجامعه يداوم 3 ايام بالشهر

مادري هالنظام موجود بجامعة العلوم التطبيقية ولا لأ؟

وبالتوفيق حبيبتي

كان ودي افيدج بس هم انا سمعت ان مستواها احسن من الخليجيه ومفكره احولها بسانتي استخيري وان شالله ربي يسخرلج اللي فيه الخير لج
و بغيت اسالج انتي صدقتي ورقه القبول بالمكتب الثقافي ؟؟ وانا سمعت من رفيجتي ان دوامهم مرتين بالشهر كل سبت صح ولا لا ؟؟ والماده احنا عندنا بالخليجيه يحسبونها 100 للساعه يعني الماده 300 دينار بحريني و انتوا عندكم نفس الشي ؟؟
سوري طولت عليج بالاسئله

اهما يقولولج مره وحده بالشهر بس مو دايم في اشهر تروحين مرتين يعني شهر اربع رحت مره وراح اروح مره ثانيه ان شالله اخر الشهر يعني في اشهر نروح مره وفي اشهر نروح مرتين على حسب عشان جذي انا فكرت احول لاني ابي اتوظف وماقدر اغيب من البدايه مرتين بالشهر