شرايكم بسفر الزوج مع اصدقائة ؟ وشرايكم بسفرة اثناء فترة النفاس ؟ ارجوا الاجابة بضمييييير ..gif "Eh S(2)")
والله انا عندي احسن يسافر … تتفرغين لنفسج وادويتج ولهوماتج … وللبيبي…
والله انا ما أأيد سفر الزوج بروحه الا اذا كنتي واثقه فيه 1000000%
وشحقه يخليج وقت النفاس هذا اكثر وقت تكونين محتاجه فيه حقه
بس انا قررت اهيته لاني مليت من الحنه واللي كنت خايفه يصير بره سواه اهنيه يعني ماسوينا شي اذا ماخاف ربه ماكو شي يخليه يخاف منج
وانا صارلي متزوجه 12سنه ما سافر ولا مره بروحه
انا مو متزوجه بس ماأيد الاثنين..يعني مايصير وقت النفاس قالها في بيتها اهلها وهو صاييع ..او يسافر..مسكينه هي اللي والده اللي هو هي محتاجه العطله..
وكل عذرهم زوجتي نفاس مااقدر اجيسها خليها عند اهلها احسن…والله انذال…
والله لو انا ينثبر عندي ومااروح عند امي اجابله خو شنو ولدي بروحي…
اذا سافر مع ربعه والله قهر موووووووت حرة ما بعدها حرة
واذا سافر بفترة النفاس فهو انسان اناني استغلالي ما يستحي على وجهه.
والله يكفينا شر الربع مو احنا مصيبتنا الربع وافكارهم عسى ربي يهديهم ويخليهم لنا مالنا غنى عنهم.
بدون الزوج المرة مثل الشجرة بلا ورق
والله اذا هو مضمون موراعى خراااااااااااااابيط لو يسافر اول السنه وتاليها عادى بس لو هو راعى بنات حريمته ويامال الفاقوش براسه
صج البنات فى الكويت اكثر من عدد راسك بس شنو نسوى الشكوا لله
لا والله ليش يسافر صج آنا في بيت أهلي بس محتاجه اني يمرني كل يوم يشتري أغراضي اللي أحتاج لها وأغراض البيبي آنا اذا يوم واحد ما مرني بيت أهلي أسويله سالفه
وبصراحه الريال اذا سافر بروحه يعني بيخربط والا ليش ما يسافر معاي أكيد عنده شي ، آنا من أشد المعارضين لسفر الزوج بالنفاس ترى الرياييل يخرعون عيونهم زايغه او مامنهم أمان
.gif "Eh S(14)")
انا ما اقدر عليه
اذا بغى يسافر ماكو شي يرده
الله يهديهم ويسخرهم لنا يا الله
مع اني واثقه منه بس ما اؤيد بس شسوي يسافر حتى لو انا مو راضيه عاد انا اهدده اقوله كيفك راح اطلع مع رفيجاتي عاد اهو مايرضى اطلع معاهم بس ما يهمني اسوي الي براسي كيفه رضى ولا كيفه مثل ما اهو يسوي شي انا مو راضيه عليه حتى انا اسوي هالشي وهو مو راضي
المهم اخر سفره قبل شهرين راح دبي مع ربعه وتنكد خصوصا انه كان مفلس سوى المستحيل عشان يرجع بسرعه
وعساها اخر سفره مع ربعه
انا احس انه الريال اللي يهد زوجته وقت النفاس و يسافر واحد ما يتحمل المسؤولية و جنه يبي الفكة منها !!!!!!!!!!!!!
و بعدين اذا فيك حيل و قوة و عندك جم فلس ، سافر لك جم يوم مع مرتك غيروا جو
بس بالنهاية السالفه تصير برضا و تفاهم الطرفين
يعتمد، أأيد إذا كان عنده شغل ومضطر يسافر بروحه، وصعب اني أيي معاه.
وضد بشدة إذا كان سوالف ربع وووناسة ووو… الباقي عارفينه !
وحتى لو أنا واثقة فيه مليون بالألف، ماله داعي يسافر بروحه لأن ما ورا سفرات الربع إلا الخراب صدقوني.
ومسألة النفاس،
الريال ماخذها حجه عشان يرجع لأيام العزوبة ويتحرر من المسؤولية، بالعكس يقعد يمي، يشوفني شبي ما أبي، يجابل طلبات ولده وايد أحسن له من الهياته بروحه.
وايد قرقت… أدري .gif "Eh S(10)")
والله انا اخليه يسافر مع ربعه و بالنفاس سافر لمدة يومين بس علشان اييبلي دوا اعشاب طبيعية من بره ماهي موجودة بالكويت و مسكين طول الطريق يدق فديته….
انا واثقة منه و عارفة انه ماعنده خرابيط…. فليش ما يسافر؟
يامعودين ترى الخرابيط موجودة بالكويت وبره الكويت …. خليه يغير جو دامج مو عنده ووين بيروح مرده بيرجع لج مشتاق … وانتي تفرغي لنفسج احسن مايشوفج وانتي متبهذله بالأدوية وريحتها ولا نوم ولا راحة مع البيبي …. خليه يرجع يشوفج احلى من قبل … ولا تنكدين عليه ولا على نفسج
والله مادري شقول بين مؤيد وبين معارض انا دايما احن عليه سافر سافر كله يقولي شعندج شنو بتسوينه وانا مو موجود قلت له ابد بس ارتاح من المسؤليه واطلع على راحتى واروح بيت اهلي وقت اللي ابي مع العلم انه مايقصر من هالناحيه الامانه تنقال بس وجودة يخليني احسب حساب له بكل شي بس الحين بولد ومضيق خلقي كل ساع يقول انتي اولدي وراح تشوفين راح اسافر انا ما مانع سفرة وعلى قولتكم الخرابيط موجودة بالكويت يمكن بعد اكثر من برة
بس ان حيل واثقه فيه بس بصراحه مو واثقه بالشييييييييييييييييييييييييييييطان يمكن ييله باي وقت
والله مادري
اشكر كل وحدة ردت على موضوعي يامال العافيه ان شالله
انا بالنسبة للسفر بروحه ما عندي مشكله يسافر مع ربعه واذا الريال بيخربط بيخربط وانتي بالدوام يعني مو الا يسافر
بس بالاربعين ما اايد بصراحة احس احتاجه وتكونين مكتئبة ودج ريلج يطل عليج